الجزء 181 لكوزينتنا المنورة بالأحباب وأشهى الأطباق

[*توبــــة*]

السلام عليكن غالياتي
توحشتكم.. غبت لاني كنت مريضة.. غير ربي عالم وش فوت
واليوم راني في تحسن الحمد لله على كل حال
نحاول نراجع ونجيكم ان شاء الله
ونحط وصفة لي بيني لنهووولة ووصفة كسرة الشحمة لام جوجو
والله اسفة حبيباتي على بالي طولت.. ضرك حالا بالا نحطلكم الوصفات :d

[أم حمزة السلفية]

سلام الله عليكم حبيباتي في الله مساكم نور وأيامك سرور ووجهكم زهور ربي يسعدكم في الدنيا والأخرة أيتها الوجوه الطيبة هاذ المساء عملت مبسس مع القهوة

[*توبــــة*]

نهال وصفة لي بيني هاي ليك.. بلاك هي نفسها وصفة زينب بسك لاروسات تاعها راحتلي
ايا خدمت بهذي من اليوتوب

بيضة + م ك سكر + نصف ملعقة كبيرة خميرة خبز
واذا تحبي زيدي ملعقة صغيرة خميرة قاطو +
ملعقة كبيرة مرغرين وذوبيها + فاني + رشة ملح +
100 مل حليب دافئ
وبين 300 و 350 غ فرينة

نخلط الحليب الدافئ والمرغرين الذائبة بالفوي ثم نضيف الخميرة والسكر والملح والفاني ثم البيضة والفرينة.. خلطي بملعقة مليييييح كي شغل تدلكيها.. ويلا مش قادرة ماتدلكيش هههههه يعني بيني دون تعب سهل وبسيط.. خليها تخمر ملييييييح حتى يتضاعف حجمها وشكلي لي بيني كيما تحبي.. انا كي نشكلهم نخطهم فوق بلاطو مرشوش بالفرينة ونزيد نخليهم يخمرو.. مبعدا نقليهم ونرمي عليهم الزيت باش يتنفخو.. ومباشرة رمديهم ف السكر.. ولا رشيهم بسكر رطب ولا زينيهم بشكولا.. وتقظري تحشيهم بمعجون ولا نوتيلا.. وبسسسسسس

[*توبــــة*]

ام حمزة حبيبتي يعطيك الصحة على المبسس .. اذا انتي من الغرب :d :d
احنا ف الشرق مانديروهش.. دارنا يحبو المحشي والمعسل هههههه

[*توبــــة*]

ام جوجو وصفة كسرة الشحمة سهلة وبسيطة وبنييييييييينة
العجينة: شوفي كيما وصفة كسرة خميرة تاعي .. وشنو مانديرش فيها
السينوج والزيت هذا مكان.. يعني سميد وشوي فرينة + ملح + خميرة + سكر ونعجن بماء دافئ



الحشو : انا ندير حشو المحاجب .. نهرس شحمة مع 2 ولا 3 فصوص ثوم وملح
ولا الشحمة ذوبيها وخلاص.. + فلفل مقطع + 2 حبات طماطم ارحيهم+ طماطم مصبرة + هريسة

كي نشكل كويرات الكسرة نخلوهم يخمرو مبعدا نحلو بالحلال ونحطو الحشو وزيدي فوقو شوي
دهان ولا زبدة ستار ذايبين.. يمدو ذوق هااايل .. واغلقي كيما تحبي انا نشكل نصف دائرة لتسهيل العمل
وطيبيها ف طجين الطين امممممممممم والله هايلة ومشبعة

ومرة درت المخلعة نظن هك يقولولها .. العجينة تاعها مافيهاش خميرة













لا إله إلا انت سبحانك إني كنت من الظالمين

[أم حمزة السلفية]

سحوبتي يسعد أيامك ويجمع شملك كيما جمعتينا في هاذ الكوزينة العامرة بالأحباب
معلمتي أم رحوبة والله من ايدك أحلى كسرة الشحمة غرت منك ههههههههههههه
خالتي أم فاطمة كلش من يدك هايل ربي يخليك لينا ومايحرمنا منك
خالتي زهرة الليلي سعدنا بحضور والله ليك وحشة ربي يطول عمرك
حيوتة يا زينة الكوزينة ربي يخليك لي ومايحرمني منك حنونتي
أم جوجو كي نصبح بيك نريح ونفرح ويفوت عليا النهار روعة
ملوكتي تسلم يديك حنونة واصلي الإبداع
نهولتي أنتي وردتي العطرة
تبوتي ربي يشفيك كتكوتتي الصغيرة طهورا ان شاء الله.حنونة
أم يوسف ألف الحمد لله على سلامتك والبيبي ربي يخليكم
زخرفة زخرفتي الكوزينة بكلامك الطيب ربي يخليك
بنات سلامي الحار للي مادخلتش وربي يحفظكم من كل مكروه ويجمعنا في ساعة زينة

[حياة نور الدين]

اهلااا جبتبلكم بغرير صحي بسميد القمح درتوا مع لاتاي دعاء جي تجري من القراية للكوزينة جيعانة خخخ

[حياة نور الدين]

اسومتي بالشفا عليك كنت راح مقبيل نراسلك في الفايس طفاتلي التايلات بالشفا ليك حنونتي يااا رب ويعطيك الصحة على وصفة الكسرة انا ثان طلبتها شطووورة ماشاء الله

ام حمزة يا عيني على الكلام الزين يا الزينة ربي يخليك ويرزقك بحمزة ياااا رب والمبسس رووووعة شكرااا حنونة

[بيان 5]

السلام عليكم ان شاء الله راكم لاباس حبيت برك نطمن عليكم
سلااااام

[ملاك ملاكي]

مساء الخيييييير عليكم واش احوالكم نتمنى الكل مليييييح
حبيبتي سحوبة اتفضلي هدا كان غدانا مي كليته انا وشيخي ملاكي واااااع مايكلوش اممممم وانا نمووووت عليه ايا بصحتي هاهاهاها

[*توبــــة*]

ماشاء الله تبارك الرحمن زهيتو الكوزينة بما لذ وطاب
اماني البنفسج تنورينا حنووووووونة في اي وقت
ميمتي ام رحاب والله تواجدك هنا معانا يزيد للمتنا طعم هو واطايبك ههههههه
كثريلي برك من دعواتك يا الحبيبة.. اما روائعك فصراحة دون تعليق رووووووعة ماشاء الله تبارك الرحمن
خاصة البريوش لازم لازم باذن الله نديرو.. وكسرة الشحمة تشهي موووووووووت .. تطبيق متقون
زقزوووووووووووقة بوووه عليك الاصعب اديريه وتتفني فيه وكسرة الشحمة
تخليها تخرج فيك خخخخخخخخ غير ديري كوراج وجربيها ماتندميش :d
هذاك المقفول مع اللبن يا عيني والله مافيش خير منو .. بصحتكم يا الحبيبة
وماتخليش النفحة تروح وتحرمنا نشوفو روائعك
زخرفة حبيبتي علاه ماخبيتيش من الشحمة ف العيد؟؟؟ احنا نستعملوها بزاااف
ام العبد مبروك مازاد عندك حبيبتي ربي يجعلو من الذرية الصالحة ياااارب
حيوووووووووووتي اطايبك منورين الكوزينة من الفلفل المقلي للشريبة للسلطات وووووو
تامني حسيت بدعاء انا تاني هك كي نروح للدار نروح ديراكت للكوزينة نشوف وش وجدتلي يما
وخويا الصغير ثاني قالي نشتي نروح مع لعشية نلقاك لبزتيلي حاجة ف الكوزينة :d
حقا تسلميلي على احلى تحلية بالرمان والله مريضة هذا مانبغي غير البارد المنعش.. حقا كي تقدري حطيلي طريقة
البوزلوف.. انا نطيبو غير مع البربوووشة
ام جوجو جارتي العزيزة تسلميلي على وصفة الارز.. على بالك اللي تحطيها تشهيني ونحب
نطلب الوصفة خاصة الشطيطحة تاع اليوم ماشاء الله تشهي تشهي مزية سبقوني طلبو لاروسات خخخخخخ
سحووووووبة اكلك يشهيني بزااااف حبيبة قلبي خاصة الجلبانة اممممممممممممم والكعك نخبيه لغدوة باذن الله ههههههههه
لاهنت يا دمعي يعطيك الصحة على الميرانغ يهبل
بيلسان بصحتكم حبيبتي الفزولا اول مرة نسمع بهذا الاسم و البريوووش هايل من ايديك ولونو يهبل ماشاء الله
بيان ربي يعينك مع الخدمة والبيت.. واطايبك كالعادة رووووعة
ام فاطمة يا الحبيبة ماشاء الله تبارك الرحمن كل حاجة تحطيها نقول غير هذي.. نيالهم اللي ياكلو من تحت ايديك هههه
ملوووووووووووووكة واخيرا شرفتينا بروائعك.. مي راكي درتي نيو لوك بعد الزيادة تاعك خخخخخخخ
كاليتي ديماج تبدلت وطريقة التصوير ووووو اما الاطايب من يوم يومك فحلة ماشاء الله يعطيك الصحة كلشي رائع
البسبوسة.. البربوشة.. خبز الدار ووووووو ربي يبارك
نهووولة حبيبتي شخشوووختك شهاتني مووووت اممممممممممم ماشاء الله
ام حمزة كلو من ايديك ولو بسيط لكن يشهيني والله خاصة طجين الزيتون عندو الحق زوجك :d
اما قاطوك يهبل ماتخافيش حنونتك تاكل كلش مام 10 سنين خخخخخخخخ
ام يوسف على سلامتك حبيبتي.. خسارة مانقدروش نشوفو اطايبك

ليييييييييييييييزاتي وييينك؟؟؟؟؟؟؟؟؟ عندكي ثاني تجبديها بغيبة تاع شهر وشهرين خخخخخخ

ياااااااااااااااااارب مانكون نسيت حتى وحدة

اللهم صل وسلم وبارك على نبينا محمد

[ملاك ملاكي]

المشاركة الأصلية كتبت بواسطة حياة نور الدين

اهلااا جبتبلكم بغرير صحي بسميد القمح درتوا مع لاتاي دعاء جي تجري من القراية للكوزينة جيعانة خخخ

سلامو حبيبتي..... اممممم سخفتيني يعطيك الربح وانا جامي درتهم وااااع اواااااه راني رايحة لدارنا نقول لميمتي ديرهملي ولا افكري راسك وذوقيني هاهاهاهاها
يعطيك الصحة حبيبتي سلمت يداكي

[lyzzabel]

السلااام عليكم و رحمة الله. . مساء الأنوار حبيباتي نتمنى تكونو قاع غاياا

مشكورا ات غاليتي على السؤال والله فوت وحد ليامات مع وليداتي مرضو مساكين ولي تأثر أكثر هو أنس حبيبي الصغير هو بروحه قليل الصحة و زادت هاد المرضة نقصااته فالميزان ديته للطبيب أعطاه تخاتمون و راني نديرهله دعواتكم حبيبات قلبي و ربي يشفي جميع المرضى

راجعت شوية مالصفحات لي فاتو ماشاء الله عليكم يا الفحلات عمرتوها شهيوات مالحة و حلوة ثقيلة و خفيفة بصحتكم و ربي يزيدكم من فضله

اسوومتيي راني هنا غي لهيت مع المرض والله ما لقيت الوقت و نتي تاني الف لاباس عليك يا قلبي ربي يشفيك و يعافيك يااارب و يعطيك الصحة على الطيابك تاع الفحلاات

ميمتي الحنينة بصحتكم كسرة الشحمة حنا تاني نديروها نقولولها المخلعة بصح نديروها شوية مبنبنة كيما المطلوع اصلا هي مطلوع محشي خخخخ بصح تجي بنينة تقتل ما كليتهاش ملي كانت ماما الله يرحمها تديرهالنا

حيووتة الحمد لله على سلامة ولدك إن شاء الله آخر الأمراض و يعطيك الصحة على كلشي يا الفحلة

سحابة ربي يبارك راكي قايمة بالكوزينة كيما يلزم و ربي يشفيك و يعافيك عاجلا و ليس آجلا ياارب

أم يوسف ربي يفرحك و تجي تبشرينا ياارب

نهال نظن نتي لي قلتيلي نكتبلك وصفات الحلويات .. من عيوني حبيبتي غي نلقى الوقت نحطهملك إن شاء الله

ملوووووكة يا عمرييييي وليتي ماما صغنونة الف مبرووووك و الحمد لله على سلامتك و سلامة البيبي تربيه بالمعيشة ياارب و بصحتك الأطباق المقلشة كلشي يشهي و راني شفت تطبيقك للبسبوسة و زدتي قلشتيها بصحتكم فرحت بزااف كي عجبتاتك حبووبتي

أم حمزة و أم فاطمة و بيان و بيلسان و زخرفة و أم جوووجوو و قاع لي دخلو للكوزينة و شاركونا وصفااتهم يعطيكم الصحة حبيباتي و مرحبا بالعضوة الجديدة آسفة ما عقلتش على اسمك حبيبتي و الوصفات ادخلي لموضوع وصفات الحراير تلقي قاع شا راكي تحوسي

زقزووقتي راكي فالقلب ربي يفرحك بلي في قلبك يا قلبيي

نخليكم في لامان غالياااتي صح عشاكم و ربي يعاونكم .. ليلتكن سعييييدة و إلى الملتقى القريب بإذن الله


اللهم أنت السلام و منك السلام تباركت يا ذا الجلال و الإكرام

[ملاك ملاكي]

المشاركة الأصلية كتبت بواسطة أم حمزة السلفية

سحوبتي يسعد أيامك ويجمع شملك كيما جمعتينا في هاذ الكوزينة العامرة بالأحباب
معلمتي أم رحوبة والله من ايدك أحلى كسرة الشحمة غرت منك ههههههههههههه
خالتي أم فاطمة كلش من يدك هايل ربي يخليك لينا ومايحرمنا منك
خالتي زهرة الليلي سعدنا بحضور والله ليك وحشة ربي يطول عمرك
حيوتة يا زينة الكوزينة ربي يخليك لي ومايحرمني منك حنونتي
أم جوجو كي نصبح بيك نريح ونفرح ويفوت عليا النهار روعة
ملوكتي تسلم يديك حنونة واصلي الإبداع
نهولتي أنتي وردتي العطرة
تبوتي ربي يشفيك كتكوتتي الصغيرة طهورا ان شاء الله.حنونة
أم يوسف ألف الحمد لله على سلامتك والبيبي ربي يخليكم
زخرفة زخرفتي الكوزينة بكلامك الطيب ربي يخليك
بنات سلامي الحار للي مادخلتش وربي يحفظكم من كل مكروه ويجمعنا في ساعة زينة

شكرا حبيبتي الله يخليك وانت تاني واصلي بوصفاتك لنا ومنكم نتعلم ونستفيد

[ملاك ملاكي]

المشاركة الأصلية كتبت بواسطة lyzzabel

السلااام عليكم و رحمة الله. . مساء الأنوار حبيباتي نتمنى تكونو قاع غاياا

مشكورا ات غاليتي على السؤال والله فوت وحد ليامات مع وليداتي مرضو مساكين ولي تأثر أكثر هو أنس حبيبي الصغير هو بروحه قليل الصحة و زادت هاد المرضة نقصااته فالميزان ديته للطبيب أعطاه تخاتمون و راني نديرهله دعواتكم حبيبات قلبي و ربي يشفي جميع المرضى

راجعت شوية مالصفحات لي فاتو ماشاء الله عليكم يا الفحلات عمرتوها شهيوات مالحة و حلوة ثقيلة و خفيفة بصحتكم و ربي يزيدكم من فضله

اسوومتيي راني هنا غي لهيت مع المرض والله ما لقيت الوقت و نتي تاني الف لاباس عليك يا قلبي ربي يشفيك و يعافيك يااارب و يعطيك الصحة على الطيابك تاع الفحلاات

ميمتي الحنينة بصحتكم كسرة الشحمة حنا تاني نديروها نقولولها المخلعة بصح نديروها شوية مبنبنة كيما المطلوع اصلا هي مطلوع محشي خخخخ بصح تجي بنينة تقتل ما كليتهاش ملي كانت ماما الله يرحمها تديرهالنا

حيووتة الحمد لله على سلامة ولدك إن شاء الله آخر الأمراض و يعطيك الصحة على كلشي يا الفحلة

سحابة ربي يبارك راكي قايمة بالكوزينة كيما يلزم و ربي يشفيك و يعافيك عاجلا و ليس آجلا ياارب

أم يوسف ربي يفرحك و تجي تبشرينا ياارب

نهال نظن نتي لي قلتيلي نكتبلك وصفات الحلويات .. من عيوني حبيبتي غي نلقى الوقت نحطهملك إن شاء الله

ملوووووكة يا عمرييييي وليتي ماما صغنونة الف مبرووووك و الحمد لله على سلامتك و سلامة البيبي تربيه بالمعيشة ياارب و بصحتك الأطباق المقلشة كلشي يشهي و راني شفت تطبيقك للبسبوسة و زدتي قلشتيها بصحتكم فرحت بزااف كي عجبتاتك حبووبتي

أم حمزة و أم فاطمة و بيان و بيلسان و زخرفة و أم جوووجوو و قاع لي دخلو للكوزينة و شاركونا وصفااتهم يعطيكم الصحة حبيباتي و مرحبا بالعضوة الجديدة آسفة ما عقلتش على اسمك حبيبتي و الوصفات ادخلي لموضوع وصفات الحراير تلقي قاع شا راكي تحوسي

نخليكم في لامان غالياااتي صح عشاكم و ربي يعاونكم .. ليلتكن سعييييدة و إلى الملتقى القريب بإذن الله


اللهم أنت السلام و منك السلام تباركت يا ذا الجلال و الإكرام

سلامو حبيبتي الغالية والله وليك وحشة ادي الدنيا..... الله يخليك والله يسلمك والله يحفظك.... ولك بالمثل من الدغوات الجميلة
وشكرا على الوصفة لانه بالفعل اكثر من رائعة في ميزان حسناتك يا رب .... وانتظر وصفات اخرى ولي عجبني وصفاتك مضمونة للتطبيق

واللطف على انس ربي يشافيه... لاباس طهور ان شاء الله وربي يعينك على تربيته ودلاله
مشكوووورة