الجزء 181 لكوزينتنا المنورة بالأحباب وأشهى الأطباق

[omjoujou]

غدايا ليوم شطيطحة بطاطا بالفلفل الحلو المشوي ونزيد نخبز كسرة رخسيس شكون تعاندني
سلامي لكل وحدة تدخل بعدي
يوم موفق للجميع
سلاااااام

[omjoujou]

المشاركة الأصلية كتبت بواسطة x ام رحاب x

ام جوجو اسعد لله صباحك عزيزتي واش اصبحتي اليوم

صباح الانوار عزيزتي لاباس والحمد لله سوااال عليك
يادرا وش راح طيبي غداك ليوم
راني نقرعج على الصباح خخخخخخ

[x ام رحاب x]

ام جوجو بصحتك شطيطحة بطاطا بالفلفل حلو شحال عندي مادرتهاش بصحتك حبيبتي

[x ام رحاب x]

ام جوجو والله غير راه تالفلي كي نوض سي السيد ايروح يصرفلي وامبعد انخبرك اكثر شك اندير خبزة الشحمة من البارح في خاطري

[omjoujou]

المشاركة الأصلية كتبت بواسطة x ام رحاب x

ام جوجو بصحتك شطيطحة بطاطا بالفلفل حلو شحال عندي مادرتهاش بصحتك حبيبتي

الله يسلمك

المشاركة الأصلية كتبت بواسطة x ام رحاب x

ام جوجو والله غير راه تالفلي كي نوض سي السيد ايروح يصرفاي وامبعد انخبرك اكثر شك اندير خبزة الشحمة من البارح في خاطري

تعرفي حتى انا راهي في خاطري كسرة الشحمة من نهار حطتها توبة وانا ساااخفة عليها راني طلبت منها وصفتها
لانو هي تبالي دارت كسرة خميرة و امبعد حشاتها
المهم راني نستنا فيها تدخل وتحطلي وصفتها لانو شهاااتني تاع الصح كسرتها

[x ام رحاب x]

ام جو جو البارح حطتها ام حمزة السلفية والله غير شهاتني راهي في ركن معجنات تلقايها اضربي طلة عليها

[omjoujou]

المشاركة الأصلية كتبت بواسطة x ام رحاب x

ام جو جو البارح حطتها ام حمزة السلفية والله غير شهاتني راهي في ركن معجنات تلقايها اضربي طلة عليها

تعيشي حبيبتي ذرك نروح نضرب طلة

[nihal159]

صباح الخير عليكم، راجعت الصفحات لي فاتوني لكن مانتذكر والو ههههههههههههه نشفى غير على الاطايب لي حطيتو لكن الأسماء بحححححح ههههههه الله يبارك عليكم، أم جوجو، حياة قتلتيني بهذيك السردين بصحتكم أنا نموت عليه، سحابة راكي درتي شهرة واسعة بعصير الأجاص هههه حتى أنا نجربو و نقولك رأي.
ملوكتي أطباقك تحفة و خبز الدار خطيييير و الكسكسي أكثر من رائع بصحتكم، و شكرا على صورة الكأس بارك الله فيك، عندي كيفو ان شاء الله نجربها و تصلحلي.
ام فاطمة متألقة كي العادة، أم حمزة أطباقك تحفة و لبنة نشوفوها قبل مانذوقوها ماشاء الله. حلويات عرسك روعة، لعقوبة لاختك ان شاء الله.
أم رحاب، انتي عسل و ماكلتك عسل الله يبارك، رووووووعة.
ان شاء الله مانسيت حتى واحدة و لي نسيتها تسمحلي راكم كامل فالقلب.
غذايا لبارح مقرونة

[x ام رحاب x]

نهال اهلا وسهلا حنونة واش راكي عزيزتي امممممممممممممممممممم على المقارون الي يشهي تسلم ايدك يالفحلة جيت ندي فكرة على واحد الوصفة قلت انصبح عليك حبيبتي ربي يعينك على الفطور حبوبة سلالالالالالالالالالالالالالالالالام

[سحابة باردة]

صباح الخير عليكم
حيوتة بصحتكم البوزلوف يشهي شابة أديتكم ماشهيتكم هه والقاطو مع الصباح هايل يحلي أيامك وشكر على الوصفات اللي حطتيهم لختنا أم فاطمة الله يحفضك
يافرحي شكون اللي دخلت الغالية حبيبتي فلور كيراكي وكيراهي العايلة أن شالله كل بخير مزية بعدتي غير بسبة النات مرحبا بيك نورتيني
أم جوجو مزية العصير عجبك وعجب المسيو بصحتكم فرحتيني يالساجية صح راقي جدا كلك ذوق حبيبتي

أم رحاب كيصبحتي حبيبتي يادرى درتي كسرة الشحمة ولا مازال
نهولة مرحبا حبيبتي وبصحتكم المقرون معليهش ذاكرتنا كامل مخروبة أنا راني نرجع كل مرة نشوف وبعد نكتب باش ماننسى حتى وحدة هههه
جربي عصير الإجاص أن شالله يعجبك

[omjoujou]

سلام لبنات
جبتلكم غدايا شطيطحة بطاطا بالفلفل الحلو المشوي امممممممم

صح غدواتكم كااامل
امبعد نرجع ان شاء الله
سلاااام

[nihal159]

أم رحاب الله يسلمك حبيبتي صباحك منوّر بأنوار النبي عليه الصلاة و السلام.
أم جوجو الشطيطحة تبان يمممممممممممم و نزيدك يممممممممممممممممممممممم بصحتكم؛ لازم تعطيني الوصفة لأني فعلا تشهيتها.

[zokhrofa]

صباح الخير عليكم كااااااااااامل

ان شاء الله تكونو بخير وعلى خير

البارح كان عشايا كباب بالجلبانة

ههههههههههههه و تخيلو كي طاب و كمل قلت ياااااااااااا نسيت ما درتش الحميصة حتى لضرك تفكرت بلي كي ندير الجلبانة ما نديرش الحميصة

خلاص راحلنا العقل

[nihal159]

بصحتك الكباب بالجلبانة؛ شفتي مابقى لا عقل و لاهم يحزنون ههههه
كاش نهار حطيلنا الوصفة؛ أنا نحب الجلبانة.

[أم يوسف2]

مساء الخير كيفاش راكم بخير فطوري اليوم ارز باللحم اممم مع بطيخ حاولت نحطلكم التيليفون ماحبش
حياة رانا ملاح برينا انا ووليدي الحمدلله