الجزء 181 لكوزينتنا المنورة بالأحباب وأشهى الأطباق - الصفحة 55

سحابة باردة · 2017-09-10, 13:29

راجعت لقيت الدونات توبة روعة تشهي يعطيك الصحة والعافية
أم فاطمة ديما طبخك مبهر الله يبارك في هذوك الليدين حبيبتي
ام صلاح الحمد لله اللي نجىَ وليدك وزوجك من هذه الحوادث وربي يجعلها أخر الأزمات ويشفيهم في القريب العاجل حبيبتي
ياحوجي نسيت سباقيطي أم جوجو بصحة والهنا تشهي وتسلم الأيادي حق إذا ممكن حطينا رابط بسبوسة بنيسلي

omjoujou · 2017-09-10, 13:53

صح غداكم لبنات
نهااال ولو حبيبتي مش خسارة فيك صحن سباقيتي نتي ومارية الزينونة راه ليكم في زوج
توبة غاليتي بصحتك المعاندة بوه لي بينيي خخخخخ جاااوك روووعة بصحتكم
ام صلاح ربي يشفي زوجك ووليدك حبيبة
ام رحاب عزيزتي تسلميلي عينيك الحلويين
سحابة حرااااام عليك قتلتيني بهذاك العيش امممممممم علابالك هو نقطة ضعفي والله تشهيتو تاع الصح ومع هاذ البرد مايليق غير هو
من عيوني ذرك نحطلك الرابط تاع بسبوسة بالجوز والنيستلي
ام فاطمة غداك يشهي بصحتكم حبيبة

omjoujou · 2017-09-10, 14:13

سحابة تفضلي حبيبتي الرابط تاع بسبوسة بالجوز والنيستلي
https://www.djelfa.info/vb/showthread.php?t=2063282

سحابة باردة · 2017-09-10, 14:43

شكرا أم جوجو قريبا نجربها ونحطها تشوفيها حبيبتي

lyzzabel · 2017-09-10, 15:25

السلام عليكم ورحمة الله. . مساء الأنوار حبيباتي صح فطوركم كي راكم دايرين

ميمتي و حبيبة قلبي أم رحاااااااب توحشششتك توحشششششتك كي راكي و كي راهم بناتك و ولدك غايا ؟ ؟ يا سلام على ديك الماكلة اللهم بارك أمنيتي قبل ما نموت ندوق طيابك والله يا الحبيبة يشهي يقتل راني بديت نغير من رحاب ههههه تسلم ايديييك لي نبوسهم منا و منا

حيووتتي يا عمرييي ربي يشفيلك مهدي و يحفظه و يحميه الجفاف لي جاه من لادياري حتى ولدي أنس راه بالحمى و لا دياري بصح الما ثم الما ثم الما + الأملاح المعدنية حتى ولو ترضعيه من صدرك و ربي يشفي مرضانا ياارب

سحابة بصحتكم حبيبتي الطعام و البركوكس راكي ثقلتيها يا محاينك هههه و بصحتكم اللحم كلشي يشهي دك نحمل لي فوتو و نحطهم لعيونك

نهاال و بيلسان و أم فاطمة و أم حمزة و أم جوووجوو و بياان و قاع لي حطو طياباتهم بصحتكم و يعطيكم الصحة يا شافاات

كاوووكااا يا عمرييييي كي راكي و كي راهم وليداتك سافا ؟ ؟ راني نشوف فيك والفتي هنايا هههه ربي يدوم هناك يا الغالية توحشت تقرعيجك هههه

أسووومتي بصحتكم لي بينيي خرجو خفااف علامة يا الفحلة .. حقا كاش أخبار على مريوومة توحشتها الموصيبة ما شفتهاش قاع دخلت

أم صلاح الحمد لله على سلامة ولدك و زوجك إن شاء الله آخر المصائب حبيبتي

أم يوسف ربي يشفيك و يشفي ولدك اتهلي فييه بزززاف و ربي يحفظه و يخليهلك ياارب

يادرا شكون لي نسيتها ترفد يدها خخخخ هدا لي تفكرت الله غاالب الكبر

اليوم درت لوبيا صوتي باللحم محمر راكي تسمعي فيا أسووومتي و خطفت صورة على خاطرك يا قلبي .. و يامس العشية درت غريبية بالكاوكاو ممممممم نموت عليها ملي كنت صغيرة دازمااان ما درتهاش و الحمد لله على نعمه

لا إله إلا الله وحده لا شريك له له الملك وله الحمد وهو على كل شيء قدير

omsalah · 2017-09-10, 15:25

شكرا حبيباتى على التفاعل

lyzzabel · 2017-09-10, 15:39

بسم الله

بروشاات درتهم للعشا هادو ليام

و هادو طيابات تاع الأيام لي فاتو

الحمد لله الذي أطعمنا هذا الطعام و رزقنا إياه من غير حول منا ولا قوة

أم فاطمه · 2017-09-10, 15:52

السلام عليكم حبابي دخلت نطل شفت بلي حياة وليدها كان مريض حياةا لله يشفيلك وليدك حبيبتي ادا نشفلك من الماء فهدا بي سبب لديري لازم تشربيله الاملاح والماء تاع الروز جد مفيد الله يطمنك عليه وترجعى لنا يا احلى حيوتة لبنات نرجعلكم بعد قليل بي ككة باش تتقهواو معيا تحياتي

lyzzabel · 2017-09-10, 15:59

سحابة باقيلي غي لي فوتو القدم لا بغيتي نحطلك شوية بصح حمي الماكلة راهي باردة هههه

و هذا أجمل و أروع غروب شمس رأته عيني و إلتقطته كاميرتي .. الصور بدون فوتوشوب راهي طبيعية 100%

هنا أثناء الغروب

هنا بعد الغروب

نخليكم في لامان حبيباتي و إلى ملتقى قريب بإذن الله

سبحان الله وبحمده سبحان الله العظيم

حياة نور الدين · 2017-09-10, 16:24

السلام عليكن

ربي يحفظكمم خياتي على الاهتمام والله من اول يوم بديناه بالماء والاملاح بصح لالمنشكل كان يعاود يتقيا حاشاكم على هديك نا نفع فيه والو وكان السيروم هو الحل والحمد الله يا ربي في هدده الساعة والله حسببت راح نخسروا احساس جد صعيب ربي ميحرمناش من وليداتنا ولا يحرمهم منا

ليزا ، ام فاطمة، سحابة وعميرتي امجوجو وحنونتي ام رحاب وبابيشتي اسومة ، وام ماريا خخخخ ربي يحفظكم ان شاء الله

omsalah · 2017-09-10, 16:30

الغالية ليزابل احلى طلة والله لك وحشة

سحابة باردة · 2017-09-10, 17:16

يسلمك ليزابال صح كلشي الثقيل ماشي أنا السبة راجلي يبغي الأكلات اللي تملي العين والبطن هههه
وكلشي من يديك تحفة مغلطش اللي قال على طبخك سينيما خاصك غير جائزة كان المشوي مع اللوبيا سوتي باللحم كلشي يشهي الله يبارك عليك ويعطيك الصحة
حق معليهش طلعي حتى لي فوطو القدم عندي فور اليكتريك مخلياتوا غير لتسخين الماكلة هههه
أم فاطمة راني نقارع للكيك حبيتي عارفاتو هايل كيعويدك
حيوتة بلا جميل حبيبتي تمنينا كون جيتي قريبة نجو لعندك نطمنوا على مهدي الله يحفضهولك أن شالله

أم فاطمه · 2017-09-10, 17:47

السلام عليكم احلى كيكة لاغلى الاحباب تفضلو

lyzzabel · 2017-09-10, 18:00

اقتباس:

المشاركة الأصلية كتبت بواسطة أم فاطمه

السلام عليكم احلى كيكة لاغلى الاحباب تفضلو

ممممممم شميت ريحة الكيكة ولييت. . تسلم ايديك يا بنت الجود و بصحتكم القهوة

حيووتتي الف حمد لله على سلامته و الله يجعلها آخر الأمراض كي يكونو صغار هاكا يكونو ديليكا بزززاف انا تاني ما شفتش قليل مع انوسي و الحمد لله على كل حال .. ربي يحفظلنا وليداتنا و يحميهم ياااارب

أم صلاح يتوحشك الخير و طلتك الاحلى حبيبتي

سحابة اوكي تفاهمنا وجدي الفور بصح كي تجيكم الفاتورة غالية انا خاطيني هههه

أستغفر الله العظيم الذي لا إله إلا هو الحي القيوم و أتوب إليه

lyzzabel · 2017-09-10, 18:35

تفضلي سحوبة

بسم الله

تنجمي ما تطيبيش شحال من يوم فطور و عشا و قهوة هههه .. نخليكم دروك حبيبااتيي دعواتكم لأنس و منذر راهم مرضى و ربي يشفي مرضاكم و مرضى المسلمين جميعا .. أستودعكن الله الذي لا تضيع ودائعه

اللهم لا إله إلا أنت سبحانك إني كنت من الظالمين أستغفرك و أتوب إليك أنت التواب الرحيم