طبقة فوق طبقة من حلويات خطوبة اختي

[الوهرانية 1]

حلوة اليوم مجربة وناجحة ونعتمدوها كثيرا في مناسباتنا العائلية وفي الاعياد ايضا لان دوقها ماشاء الله وطبعا الحكم ليكم
اسمها la pate sur pate يعني طبقة فوق طبقة
وهي من حلويات خطوبة اختي الي طلبتوها مني


المقادير /350غ فرينة -3 مغارف سكر قلاصي- 125 زبدة دايبة – 2 بيض- 1كيس خميرة – ملعقة كبيرة خمارة خبز – قرصة ملح - مربى مشمش – شكولا – كلاصاج ابيض

طريقة التحضير / نضع الفرينة ثم السكر والملح نخلط ميلح المواد الجافة نضع عليها الزبدة الدايبة والفاني ونخلط ايضا ثم نضيف الخميرة ثم الخمارة المدابة في الحليب ونخلط ثم نلمها بالبيض حتى نتحصل على عجينة طرية نقسها على ثلاث كرات متساوية نبسط الاولى بالحلال او الرولو ونضعها في صينية نضع فوقها المربى ثم العجينة الثانية نحلها ونضعها فوق المربى ونضع فوقها المربى ثم العجينة الثالثة نتقبها بالشوكة وندخلها الفرن ولما تطيب من تحت ونشوفو الحواشي تع الصنية بدات تحمار نشعل من فوق
نخرجها تبرد ونحط فوقها الشوكولا ونزينها حسب الرغبة عندما تجف الشوكولا نقطها مربعات ونحطها في اكياس ورقية
وهناك ديكور راقي لهاد الحلوى نعتمد عليه في المناسبات السعيدة وهو تقطيع الحلوى مربعات قبل ما نديرولها الشوكولا
نخليكم مع الصور تشرح اكثر










هنا ممكن تخليها هكدا يعني تحطي الشوكولا فوقها وتزينيها بالخطوط بيضاء ولا عادي غير بالشوكولا وكي تجمد قطعيها بهاد الشكل

ولا قطعيها اولا ومن بعد ديري لكل حبة شوكولاطة





وتنفع تديها للمناسبات

نتمنى عجبتكم وراني توفقت في الشرح
ملاحظة / انا درت العبر هادا 3 مرات خرجتلي 80 حبة