لاه الحقرة

[om hind]

لاه ديما المرأة الحيلية و الماكرة اللتي تدير رايها و تمشي الناس كما تحب و يخاف منها زوجها و أهله و يديرولها الف حساب واللي على نيتها و تحبلهم الخير يحقروها و يقولو عليها جايحة?

[ibtihal18]

مرحبا اختي ............المراة الطيبة و اللي على نيتها و تخاف ربي هذي مبتلاة لكي يختبر الله صبرها و هو تكفير ممكن عن ذنوبها و اكيد ربي سبحانو يحبها و حب يسمع مناجاتها و صوتها فالدعاء**********ان الله اذا احب عبدا ابتلاه*******ربما ربي سبحانو حبها توصل لمنزلة فالجنة ما رايحاش توصل ليها باعمالها فابتلاها لكي يوصلها الى تلك المنزلة بصبرها و احتسابها و استعانتها بالله .و الفرج اكييييييد راح تفرج حتى و لو بالموت ...........هذا هو السر اختي اما المراة المتجبرة و اللي ما تديرش حساب ربي سبحانو في بالها انا ناكدلك بلي ماهيش فرحانة بحياتها و ماهيش ترقد متهنية و ضميرها مش مرتاح و تلقاها منبوذة من طرف الناس كامل
ربي يهدينا اجمعين و يصلح احوالنا

[سناء02]

عندك الحق الناس تخاف من لي يخرج فيهم وميديهاش فيهم تصيبهم يديرولو الف حساب ولي يسقسي عليهم دايما ويديرلهم قوسطوهم يقولو عليه مسكين نيه بزاف بهلول

[sabrina el-chark]

هذا زمن المراة الستوت لي لتحت لتحت

[*أم جابر*]

فصبر جميل ....و الجزاء على الله تعالى

[الألماسة]

هذي هي حال البعض
اذا قدرتهم احتقروك
و اذا احتقرتهم قدروك
كاين بعض الاهل يشوفو انو القدر و الاحترام اللي تقدمو زوجة الابن هو خوف منهم
و على هذي يتمداو في احتقارها و يذلوها بالكلام

[عبد الرحيم 32]

صبر جميل ، الله يصلح الاحوال

[jiji17]

صبرا جميل وبالله المستعان

[الاخت الكريمة]

سلام
والله كل وحدة وزهرها خاصة مع اهل الزوج
لكان كاتبلك الهم والله غير تدي دالة يالوكان من راجلك
ولا كان كاتبلك الهنا
تديري حاجة تتغطى
هدي الدنيااااااااا
انا نقول لعندو حبيب يفرصو في هدي الدنيا
لمرحمت حتى واحد

[eBusiness]

يا جماعة الخير هناك فرق بين أن تكون ناس ملاح وبين أن تكون ضعيف الشخصية... إن كنت قوي الشخصية حتى وإن كنت ناس ملاح فلا أحد يمكنه أن يقترب منك لأنه أن تكون ناس ملاح هذا لا يعني أن لا تدافع عن نفسك بالطريقة التي تتناسب وطباعك الطيبة يعني بحنكة وديبلوماسية.... لهذا إن كنت ناس ملاح وفوق ذلك لا تدافع عن نفسك فأنت والصفر سواء... لهذا يا أكابر المشكل لا يكمن أساسا في طيبتنا بل في تخادلنا عن الدفاع أنفسنا... بإختصار كون ناس ملاح مع الناس لملاح وكون قبيح مع الناس القباح ولا تدع الناس تتخطي الحدود معك... حتى يضرب لك الف حساب أما أن تكون مثل الحمار أعزكم الله اللي جا يركب عليك فأنت من جنيت على نفسك والسلام عليكم...

[الألماسة]

المشاركة الأصلية كتبت بواسطة ebusiness

يا جماعة الخير هناك فرق بين أن تكون ناس ملاح وبين أن تكون ضعيف الشخصية... إن كنت قوي الشخصية حتى وإن كنت ناس ملاح فلا أحد يمكنه أن يقترب منك لأنه أن تكون ناس ملاح هذا لا يعني أن لا تدافع عن نفسك بالطريقة التي تتناسب وطباعك الطيبة يعني بحنكة وديبلوماسية.... لهذا إن كنت ناس ملاح وفوق ذلك لا تدافع عن نفسك فأنت والصفر سواء... لهذا يا أكابر المشكل لا يكمن أساسا في طيبتنا بل في تخادلنا عن الدفاع أنفسنا... بإختصار كون ناس ملاح مع الناس لملاح وكون قبيح مع الناس القباح ولا تدع الناس تتخطي الحدود معك... حتى يضرب لك الف حساب أما أن تكون مثل الحمار أعزكم الله اللي جا يركب عليك فأنت من جنيت على نفسك والسلام عليكم...

صح عندك الحق يا اخي ليس مثل (حمار) بل حمار و نصف أعزك الله

لكن الانسان الطيب يتعامل من باب انو هاذ القوم يجي نهار و يفهمو روحهم و ينعلوا ابليس

[staifia]

السلام عليكم
صح اختي المراة لي تخرجلهم عينيهم تعجبهم و يخافوا منها والعاقلة يقولوا عليها مهبولة
الزواج هذا اولا مكتوب وزهر كل وحدة و عاقبتها والله
بصح نقلك انت ما تطلقيش الذل على روحك و كوني ناس ملاح في نفس الوقت
في الاخير اللي غلط يرجع يندم وتفوزي انت
صفي النية برك و امشي والله ربي ما يخليك.

[eBusiness]

المشاركة الأصلية كتبت بواسطة الألماسة

صح عندك الحق يا اخي ليس مثل (حمار) بل حمار و نصف أعزك الله

لكن الانسان الطيب يتعامل من باب انو هاذ القوم يجي نهار و يفهمو روحهم و ينعلوا ابليس

والله يا بنت الأكابر كنت أريد أن أقولها لكني إستحييت لكن صراحة من الحماقة أن لا يدافع كل منا عن نفسه... نعم أنا ناس ملاح لكن لن أسمح بأن يتجاوز القوم الخطوط الحمراء معي... أنا أيضا مررت بظروف أين وجدت نفسي أتسامح كثيرا ولاحظت أن القوم لم يتعضوا فقلبت عليهم الطاولة وأصبح كل واحد منهم يحسب ألف حساب قبل أي تصرف معي (وهؤلاء من أقرب المقربين)... يعني الواحد يصبر مرة مرتين ثلاثة أربعة حمسة لكن من غير المعقول أن يصبح الواحد منا حمارا !!!! (أعزكم الله)
يا أختي القوم لا يفهمون إلا إذا قلبتي عليهم الطاولة سواءا بالمواجهة المباشرة أو بالدبلوماسية والحنكة والتي ستكون أحسن حل في حالتك يا بنت الأصول لأنك كأنثى يمكنكي أن تردي عليهم كما نقول بالقدر وتعطيهن دروسا في الأدب واللباقة... بإختصار إن أنت نبهت القوم ووضعت لهم الخطوط الحمراء تكون قد ربحت فيهم أجرا لأنهم قوم قد أفسدوا في الأرض ووجب علينا نصحهم ومحاولة إصلاحهم...
رب يصلح الحال أختي الفاضلة

[eBusiness]

المشاركة الأصلية كتبت بواسطة staifia

السلام عليكم
صح اختي المراة لي تخرجلهم عينيهم تعجبهم و يخافوا منها والعاقلة يقولوا عليها مهبولة
الزواج هذا اولا مكتوب وزهر كل وحدة و عاقبتها والله
بصح نقلك انت ما تطلقيش الذل على روحك و كوني ناس ملاح في نفس الوقت
في الاخير اللي غلط يرجع يندم وتفوزي انت
صفي النية برك و امشي والله ربي ما يخليك.

وعليكم السلام ورحمة الله تعالى وبركاته يا بنت الأكابر
تلك هي المرأة لازم تكون عاقلة وفيها شوية هبال أيضا بمعنى أنها عاقلة مع من يستاهل وصارمة مع من لا يستاهل
رب يجيب الخير ويرزقنا وإياكم الهنا

[الألماسة]

المشاركة الأصلية كتبت بواسطة ebusiness

والله يا بنت الأكار كنت أريد أن أقولها لكني إستحييت لكن صراحة من الحماقة أن لا يدافع كل منا عن نفسه... نعم أنا ناس ملاح لكن لن أسمح بأن يتجاوز القوم الخطوط الحمراء معي... أنا أيضا مررت بظروف أين وجدت نفسي أتسامح كثيرا ولاحظت أن القوم لم يتعضوا فقلبت عليهم الطاولة وأصبح كل واحد منهم يحسب ألف حساب قبل أي تصرف معي (وهؤلاء من أقرب المقربين)... يعني الواحد يصبر مرة مرتين ثلاثة أربعة حمسة لكن من غير المعقول أن يصبح الواحد منا حمارا !!!! (أعزكم الله)
يا أختي القوم لا يفهمون إلا إذا قلبتي عليهم الطاولة سواءا بالمواجهة المباشرة أو بالدبلوماسية والحنكة والتي ستكون أحسن حل في حالتك يا بنت الأصول لأنك كأنثى يمكنكي أن تردي عليهم كما نقول بالقدر وتعطيهن دروسا في الأدب واللباقة... بإختصار إن أنت نبهت القوم ووضعت لهم الخطوط الحمراء تكون قد ربحت فيهم أجرا لأنهم قوم قد أفسدوا في الأرض ووجب علينا نصحهم ومحاولة إصلاحهم...
رب يصلح الحال أختي الفاضلة

اللهم امين ربي يصلح الحال
قلبنا الطابلة كيما قلت و لكن قلبناها بادب و بينا اننا سكتنا احتراما لهم و ليس خوف منهم
فكان الرد بنقل كلام كاذب مما زاد الاوضاع توترا
ولكن كما قلت اخي الكريم اللي يسكت ماشي مليح
و الكاتبة تع ربي سبحانه توصل المهم الانسان ما يغلطش و يربح نفسو و يرفد عليها الذل
اختي صاحبة الموضوع
اقول لكي عن تجربة اياك و السكوت
وريلهم العين الحمرا يعرفو قيمتك مليح
و اللي يقادرك قادريه و اللي يغلط معاك بكلمة دحسي عليه ههههه