اقتصادي وبنين ولوك جديد اكتر من هكا ماكاش

[almazalina22]

بسم الله الرحمان الرحيم
اولا مع ىالسخانة نولو ماناكلوش حاجة المرق بزاف ونكرهو من القليان بزاف وكيما تعرفو الجنوب راه سخن الحال ودرت طبقي تفكرتكم وقلت نوريهولهم لانو ما شفت حتى وحدة دارت كيما هو رغم انو هههههه
لوبيا بلوك جديد هههههه
انا نسيت حتى بديت نطيب تفكرت نصور بصح كلش واضح وساهل
المقادير
لوبيا انا نشمخ الكيلو كي نشريه في الماء وخمارة القاطو وفي الغد نقسم حسب العائلة ممكن علي 2 او على 3 وفي الكونجلي باش كي نعول ندير لوبيا نجبد وفي القدر والماء وشوية ملح ونتركها تطيب
بصل مقطع جوانح اوكيما يفضلوه العائلة
ثوم مرابي
ملح
فلفل اسود
فلفل عكري حار
فلفل عكري حلو
زيت
طماطم حب مكرفجة
طماطم مصبرة
هريسة
قرن فلفل حار مقطع رقيق انا مدرتوش ولدي صغيرممكن كي تطيب تحطيه من فوق
قصبر ومعدنوس مقطعين
نخليكم مع الصور توضح الطريقة لطبق لذيذ جدا انا عائلتي تاكلها اكتر من لوبيا مرق
هنا الوبيا طابت


كي تكون تطيب توجدي انت لاصوص
قلتلكم نسيت نصور من البداية
المهم حطيت الزيت والبصل يتقلى مليح باش يمد بنة ونضيف الثوم +الطماطم كيما شكشوكة
ثم التوابل ونقلي مللللللللللللليح نزيد اللوبيا و نمرق بشوية ماء وتاني حسب كمية اللوبيا ونمرق من الماء اللي طابت فيه اللوبيا رايح يخليها تلبي وبنييييييييييينة




نزيد الماء حسب اللوبيا تقريبا وجدت


نخليها تغلي ونضبط الملح ونذوق كاش ما خاصها
راهي تكون ثقيلة يعني تتاكل تغماس ماشي بالمغرفة هههههه:rol leyes:
في الطبق تسقيها ومن فوق فلفل حار مقطع قلتلكم انا مادرتوش ماكانش اصلا عندي خخخخخخ
زيت الزيتون ورشة معدنوس وقصبر واذا حبيتي هريسة ممممممممممممم شوفوا




قدمتها مع سلطة ووووووو حبذا لوكان مطلوع سخون

انا ولادي يحبوها خير من اللحم واقتصادية نعرفكم تحوسوا على سلك باش تقعدو في الجلفة ههههههه
انشاء الله تجربوها وتعجبكم
دعوة خير تكفي موااااااااااااااااااح للجميع
والسلام عليكم

[أم إناس]

المارة حنونة صباح النور والطبق رووووووووعه ويشهي
وَبَارِكْ الله فيك ان شاء الله نجربو .

[x ام رحاب x]

المازة حبيبتي يعطيك الصحة انا تاني انديرها كيما انتي وجي هايلة تسلمي

[almazalina22]

خخخخخخخخ انا قلت ما تعرفوهاش ههههههههه شكرا على المرور موااااااااااح

روووووووووووووووووعة رووووووووووووووووعة حبيبتي المازة وين كنتي مخبية هدا الطبق سلمت الايادي توووووووووووب

[رياحين الجزائر]

اممممممممم انا ثان عجبتني خاصة كي عادت تغماش بصح انا راجلي لازم يضرب المغرف كلش لازم لاصوص بزاف حتى كرهت المراقي
يسلمو حبيبتي

[farawla01]

[R I A D]

بصحتك المازة تشهي

[دائمة الحمد]

يعطيك الصحة المازة وبارك الله فيك

[فاطمةع]

يعطيك الصحة المازة الشاطرة

[الأمنيات]

يعطيك الصحة شكرا على الوصفه

[ام قسوم]

هذا طبق مانعرفووشو منين جبتيه


تسلم ايدك

[أم فاطيمة]

شكرا المازو يعطيك الصحة

[ام نوردين]

ربي يبارك فيك المازة اول مرة نشوف هادا الطبق مشكورة حبيبتى

[ام وعود]

يعطيك الصحة فكرتيني فيها انا ثاني مالفة نديرها
بما انو فصل الربيع تكرهي من المرقة انا ليوم راني دايرة (لسان الطير)شربة كون تفكرتها كون راني درتها...... مشكورررررررة