موضوع مميز وصفات من حراير مطبخ وش طيبتي اليوم - الصفحة 105

idron0 · 2014-11-26, 19:50

صوص بالفطر والكريم فراش simassim

صوص بالفطر والكريم فراش ساهلة وسريعة
تقلي شوي بصل وشوي ثوم مع زبدة وزيت زيدي معاها فطر طازج او معلب اليوم درتها بالطازج ونقصيلها النار وغطي عليها حتى يطيب شوي شوي ملح وشوي فلفل اسود وتضيفي كريم فراش وخليها على نار هادية هادي الوصفة الاساسية انا نضيفلها شوي موتارد وصلصة الصويا من تكون متوفرة عندي
نقدمها مع فيلي تاع دجاج او لح او سمك

إضغط هنا لرؤية الصورة بحجمها الطبيعي.

idron0 · 2014-11-27, 10:11

خبز الهمبورغر oum yousra
500 غرام فرنية 2صفار بيض ملعقة اكل سكر 2ملاعق خميرة الخبز 3 ملاعق زيت ملح كأس حليب دافئ نخلط كلش حتى تتحصلي على عجينة طرية خليها تطلع 2 سوايع و عاودي أقسميها إلى كرات على حسب القيس الي تحبي و خليهم يزيدو يطلعو 2 سوايع و من بعد ادهنيهم و طيبيهم .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

idron0 · 2014-11-27, 12:15

وصفة بيشاميل قليلة الدهون زينب83

2 كاس حليب خالي او قليل الدسم و ممكن نديرو كاس حليب و كاس مرقة دجاج منزلية أكيد بدون دهون ، 2 ملاعق فرينة، بهارات ،ان نستعمل فلفل ابيض و جوزة الطيب و ثوم مجفف و ملح و ساعات نزيد بهارات اخرى على حساب الطبخة مجفف نخلط الفرينة مليح في السائل و هو بارد حتى يذوب مليح وان حطو على النار و لازززززززم نحركه باه ماجيش فيها الحبيبات ،حتى يبدى يعقد ونزيدو البهارات و ما نعقدوهاش بزاف يعني تكون شوي ساءلة، نحوها على النار و نخلطو بياض بيضة بسرعة ساعات نزيد نص كاس كريم فريش في الاول مع الحليب جي هايلة و ساعات نزيد فيها جبن مثلثات يذوب راهو كاين نوع la vache qui rit قليل الدسم ونفس الثمن تاع العادي

إضغط هنا لرؤية الصورة بحجمها الطبيعي.

هاو لحليب لي نستعملو

و كي يكون ماكانش نستعمل هذا

راهي ساهلة و سريعة و مات فرقش على العادية.

idron0 · 2014-11-27, 15:37

البيشاميل malek firdaouss

هاذي طريقتي في البيشاميل علمتهالي عزوجتي
المقادير
60 غرام زبدة ،، كأس فرينة ،،،نص لتر حليب سائل ،، شوي ملح ،، فلفل اكحل لي تحب *
التحضير
في طاوة ديري الزبده كي تذوب ديري عليها الفرينة و خلطي حتى توليلك كويرة و بعد ديري لحليب اكيد متحبسيش تخلاط و بعد ديري شوي تع ملح و فلفل اكحل اكيد النار تكون ناقصة و تمي خلطي حتى تتحصلي على بيشاميل.

idron0 · 2014-11-27, 15:40

بغرير ام سهام 02

العجينة عبري بغرفية شربة تع شخص واحد

2عبار سميد رطب وعبر فرينة و1مص خميرة خبز+ 1حبة بيض +1مك سكر + 4عبار ماء دافئ + 1/2 مص ملح + خلطي كامل بالفووي حتى يتخلطوا المقادير مع بعض . امبعد زيدي خبطي بالبراميكسور و خليها تخمر . كي تخمر ضفي باكي خميرة حلوى وزيدي خبطي بالميكسور و بداي اطيبي .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2014-11-27, 18:37

طاجين الجبن chez biba

تقلي صدر دجاج وتملحيه ومبعد تقطعيه أصابع رقاق او مكعبات تقطعي الجبن مكعبات وتضيفيه للدجاج + سنة ثوم وشوي زعيترة وأكليل الجبل للتعطير
ادهني مول بالزبدة وحطي الخليط تاعك وصبي فوقو البيض ( حسب الكمية) مخلط مع شوي حليب ولوحيه في الفرن حتى يحمار
وبصحتكم.

إضغط هنا لرؤية الصورة بحجمها الطبيعي.

idron0 · 2014-11-27, 19:19

وصفة لي كريب عازفة الناي

3 بيضات
3 ملاعق زبدة سايحة مذوبة
1ملعقة صغير خميرة حلويات
قبصة ملح
كاس حليب
3 ملاعق فرينة
للتزيين : شكلاطة
نخلط الكل بالفوي و بعدها ناخد مقلاة ماتلصقش و نصب القليل من الخليط فيها حتى يتغطى القاع ندير طبقة رقيقة
ونخليها تتماسك ونقلبها نخليها تاخذ لون خفيف ذهبي و بعدها نصب عليها شوي شكلاطة مذابة .
عندك اقتراحين
الاول : انك تاخذي حبات الكريب وتعمليها طبقات بالتناوب مع الشكلاطة وتجيك مثل الكيكة .
الثاني : تاخذ كل حبة وحدها تعمليلها الشكلاطة و تدوريها
بالصحة و الهناء .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

idron0 · 2014-11-27, 20:56

المطلوع عازفة الناي

كي ندير 3 مطلوعات هذا قيسهم
نكيل بعلبة الزبدة تاع 250غ
3 كيلات سميد
كيلة فرينة
3 ملاعق كبار حليب بودرة
ملعقة صغيرة خميرة كيميائية
3 ملاعق كبار زيت
3 ملاعق صغيرة مليانين مليح خميرة خبز + 2ملاعق سكر
ملح
ماء
الطريقة
اولا : نحط السميد و الفرينة و الحليب و الخميرة الكيميائية و والزيت ونخلط الكل ونبدى نضيف في الماء اللي بدرجة حرارة الغرفة و نعجن مليح حتى نتحصل على عجين طري بعدها نضيف الملح . نغطيها بساشي ونتركها ترتاح
ثانيا : نحط خميرة الخبز مع السكر و فنجان ماء دافئ ونغطيها نتركها تخمر مليح
من بعد نضيف الخميرة للعجين بالتدريج ونعجن حتى تولي طرية وملساء
نغطيها وخليها تخمر
من بعد نقسمها الى 3 اقسام ونجيب زبدة تقريبا نص ملعقة صغيرة لكل قرصة وندخلها في العجين
ونتركها ترتاح مدة 5 او 10دقايق
ونفردها عادي ونشعل على الطجين في الوقت اللي يسخن الطاجين هي خمرت شوي نطيبها على الجهتين ونحوشيها .

إضغط هنا لرؤية الصورة بحجمها الطبيعي.

om kamilia · 2014-11-27, 22:01

ام ساجد

[size="6"]خلطة لتقوية الذاكرة وتساعد في الامتحانات[/

size]
3حبات تمر +3حبات مشمش يابس+3حبات برقوق او ماتعرف بالعينة+مغرف كبيرة زبيب ونضع الكل في نص كاس ماء زهر ليلة كاملة في الصباح نجد الفواكه الجافة شربت ماء الزهر نطحنها في الخلاط ونضيف لها الاتي مغرف كبيرة لوز محمص ومرحي خشن ومغرف كبيرة جوزمحمص مرحي خشن ومغرف كبيرة جلجلان محمص حب ومغرف كبيرة عسل وحلوة الترك حسب الدوق نتحصل على عجينة وتوضع في علبة تعطى للاطفال في الصباح على الفراغ وعلى 12 وفي الليل وموفقين كانت وصفة لي حفيظة على راديو البليدة ماتنساونيش بالدعاء امي الشفاء العاااااااااااااااااااااااااااااااااااااااااااجل

idron0 · 2014-11-28, 10:08

خلطة لتقوية الذاكرة وتساعد في الامتحانات ام ساجد
3حبات تمر +3حبات مشمش يابس+3حبات برقوق او ماتعرف بالعينة+مغرف كبيرة زبيب ونضع الكل في نص كاس ماء زهر ليلة كاملة في الصباح نجد الفواكه الجافة شربت ماء الزهر نطحنها في الخلاط ونضيف لها الاتي مغرف كبيرة لوز محمص ومرحي خشن ومغرف كبيرة جوزمحمص مرحي خشن ومغرف كبيرة جلجلان محمص حب ومغرف كبيرة عسل وحلوة الترك حسب الدوق نتحصل على عجينة وتوضع في علبة تعطى للاطفال في الصباح على الفراغ وعلى 12 وفي الليل وموفقين كانت وصفة لي حفيظة على راديو البليدة ماتنساونيش بالدعاء امي الشفاء العاااااااااااااااااااااااااااااااااااااااااااجل .

إضغط هنا لرؤية الصورة بحجمها الطبيعي.

sara74 · 2014-11-28, 10:17

يسلموووووووووووو يعطيك الصحة رووووووووعة جزاك الله خير

oum batoul · 2014-11-28, 14:35

بارك الله فيكن

idron0 · 2014-11-28, 18:52

موسكوتشو بالقارص والتشينة بشرى2008

3 حبات بيض كبار كاس ناقص شوية سكر عادي خلطتهم مليييييح كاس ناقص شوية زيت وقشور وعصير حبة قارص وقشور وعصير حبة تشينة وباكي ونص خميرة و2 ونص كاس فرينة وبعد ماطابت درتلها المعجون وشوية نواة كوكو جات روووووووووووووووووعة للأسف ماصورتش.

idron0 · 2014-11-28, 19:12

السوفلي touta2010

زوج كيسان فرينة
ثلاث مغارف زيت
مغرف خميرة خبز
نص باكيخميرة حلوة
ملح ونلم بالحليب الدافى
نخليه يرتاح ثم نخلط فيه شوية
ونخليه يرتاح للمرة التانية بعد نقسمه علو زوج نحل الكورة رقيقة ونخليها ترتاح بعد مانكون عملت صوص طماطم نفرغها فوقها ونزين باللحم المرحي والزيتون الاسود وكل ما تقدري وفي الاخير فرماج روج ونغلقها بالخبزة التانية لتكون ارتاحت هي الاخرة والى جهنم ههههههههههه
تاكل سخوووونة .

lala-lhadga · 2014-11-28, 23:32

صباح الخير اختي هاذي طريقتي في الكباب
نقلي بصل مرحي + دجاج + حمص + قرفة +ثوم + فلفل اكحل ونمرق ونخلي يطيب
ومن جهة اخرى نقلي البطاطا