من عين الفلى السيدة صليحة

[الكروان الجريح]

هذه احدى وصفات السيدة صليحة
قاطو بالبرتقال
250غ مرغرين طرية-4 م ك سكر ناعم -4 م ك عسل -4 بيضات مفصولين -علبة كبيرة فلان فاني *-كمشة كاوكاو افيلي محمص -
كمشة جنجلان محمص -فرينة - 1 خميرة -زاست 2 برتقال
للتزيين بياض البيض -كاوكاو افيلي
طريقة التحضير/اخدمي الزبد ة مع السكر جيدا اضيفي العسل ثم الصفار واحدة واحدة دائما مع الخلطاضيفي الفلان +جنجلان+ كاوكاو و الخميرة و الزاست و لمي بالفرينة اعمليها اصابع رمديهم في البياض + فاني ثم مريرهم في الكاوكاو افيلي و ادخليهم للفرن بعدها اتركيهم يبردوا اما تقدميهم كيما هكذاك او تذري عليهم السكر الناعم
و على قول السيدة صليحة اودعكم
هذه وصفتي قد قولتها و عندكم تركتها و ما عليكم سوى تجربتها

[liliane24]

شكرا جزيلا اختي على هذه الوصفة.
عندي مدة و أنا نحوس على وصفات السيدة صليحة ، بارك الله فيك.
أختي من فضلك عندي ليك طلب، أختي أنا من ولاية سطيف ، ما عندناش إذاعة عين الدفلى
نتمنى لو أنك تنقلينا وصفات السيدة صليحة، و انشاء الله نشارك معاك بالتطبيقات.
في انتظار وصفات أخرى شكرا جزيلا.

[الكروان الجريح]

اختي العزيزة لا شكر على واجب اما فيما يخص الوصفات الحل ساهل و هو اتجهي الى جهاز التلفاز الخاص بيك
و اذهبي لناحية الراديو اعملي بحث سوف تجيدين كل الاذاعات الجهوية استميعي و استمتعي

[liliane24]

شكرا أختي على النصيحة ، لقد جربت ذلك و ما حكمتهاش، حتى بحثت عنها في الأنترنت و ما نحكموهاش، لأنها و كما ذكرت إذاعة جهوية، فقط الجهات المجاورة لعين الدفلى يستمتعوا بها، فنحن نحكموا إذاعة باتنة، إذاعة البرح، إذاعة الصومام.......................أما عين الدفلى فيا ريت.

[الكروان الجريح]

اختي جربي مرة اخرى يا اختي انا من الشرق و منيش بعيدة بزاف على سطيف ونسمعها في التلفاز كيما نسمع السيدة رحيمة نتاعكم وشكرا

[remadna]

بارك الله فيك

[الصوامعية]

شكرا عزيزتي انا ايضا سمعت هذي الحلوة فعلا تبان شابة

[miri_27]

بارك الله فيك عزيزتي

[mimicha1977]

بارك الله فيك على الموضوع القيم والمميز

وفي انتظار جديد السيدة صليحة لان اذعة عين الدفلى منحكموهش

لك مني أجمل التحيات الكروان الجريح

وكل التوفيق لك يا رب

[السحابة]

ارجوكي اختي انا فاتتني تحلية تاع الفلان بالبنان الله يسترك ادا راه عندك اكتبيهالي وربي يحفظك وكدلك عصير الخوخ والمشماش وبارك الله فيك

[شريف83]

ممكن تقولونا وقتاش تطيب اقصد الساعة كم وهل يوميا ام لا

[belal25]

شكرا لكم جميعا