وليتلكم في الشرح تاع المناعة
ضروك ندخلو للصح : طرق التعرف على محددات المستضد >>>> الحالة الأولى قبل ماندخللها يليق تعرفو بلي في هادي الحالة تتدخل الاجسام المضادة و اللي تنتجها اللمفاويات البائية lb
و دوك ندخلووووو نياهاهاها
نديرو تجربة : نجيبو فأر مسكين نحقنوه بالاناتوكسين الكزازي و هو عبارة عن سم غير فعال بعد مانحقنوه نقارعو 15 يوم و نحقنو الفأر المسكين تااني بالتوكسين الكزازي اللي هو سم فعال يقتل ديركت >> لاحظنا بلي الفأر نجاه ربي و قعد عايش نستنتجو بلي الاناتوكسين الكزازي اللي حقناه من قبل اعطى للفأر مناعة استغرقت 15 باش تتفعل علابيها مين حقننا السم الفأر ماصراله والو
هادي المناعة هي عبارة عن انتاج الاجسام المضادة معناه بعد حقن الاناتوكسين العضوية اتعرفت عليه على أنه جسم غريب لذلك العضوية بدأت بانتاج الاجسام المضادة ضد الاجسام الغريبة و هادا نفسروه مين حقننا السم و الاجسام المضادة قضات عليه تماما
و ضروك نقولكم كيش تخدم هادي الاجسام المضادة و علاش المهمة تاعها ضرورية : هادي الاجسام المضادة مين تلتقي بالمستضدات تاع الاجسام الغريبة ترتبط بيها بعد حدوث تكامل بنيوي و تصنعلنا معقد مناعي (جسم مضاد و مستضد ) بالتالي الخلايا الغريبة يولو قليلين و يسهل على الخلايا البالعة بلعمتها
و باش نعرفو البنية الفراغية تاع الجسم المضاد درنا تجربة و لقينا بلي يتكون من غلوبيلينات من النوع غاما و نعرفو تاني بلي الجسم المضاد فيه منطقة ثابتة و منطقة متغيرة و المنطقة المتغيرة هي اللي فيها يتم الارتباط مع المستضد
و كاين شحال من نوع تاع معقدات مناعية مثلا تاع الكريات الحمراء أو سكر متعدد أو حتى بروتين أو فيروس نتوما ماتخموش على هاذو ركزوا على شايعطوكم في الوضعية
كيما قلتلكم هادا المعقد يتشكل باش يسهل على البالعات بلعمته و تبلعه عااادي عن طريق الاحاطة بالارجل الكاذبة ثم ثم تدخل في الحويصل البالع و بعدها يهضمها و يطرحها ( جعت و أنا نوصف فيها )
و في الكتاب ص 90 يورولنا كيفاش يتثبت المعقد على الخلية البالعة
و مين ينهضم المعقد ضروك الخلية الغريبة نجمو نقضو عليها و ذلك من خلال معقد الهجوم سموهم عناصر المتمم سااهلة هي كي شغل كيماويات تدير حفرة في الجسم الغريب باش يدخل الماء و تنفجر الخلية العدوووة
موراها ندرسو مصدر الاجسام المضادة و نكتشفوا بلي الخلايا lb تتشكل في نقي العظام ( النخاع العظمي ) و تتمايز في الاعضاء المحيطية ( مثل الطحال و العقد اللمفاوية ) تتمايز معناه تصبح خلايا بلازمية باش تنتج الاجسام المضادة
باش تتمايز يليقلها تمر بانقسامات و طبعا يليق المستضد هو اللي ينتخب و يخير كيما نقولو الخلايا اللمفاوية البائية اللي راه باغي تقضي عليه ( الغريب يخير العدو تاعه ) عن طريق الانتقاء النسيلي و في صفحة 96 الشكل واااضح نشوفو بلي في الاخير الخلايا اللمفاوية البائية تتحول إلى خلايا بلازيمة بالاضافة الى خلايا ميم الذاكرة ( الوظيفة تاعها الخطرة الجاية مين يجي نفس المستضد تكون عاقلة عليه و تليكيديه ديركت )
قااع هادي الهدرة هي الحالة الاولى من الدفااع و سموها استجابة مناعية خلطية معناه تحدث في أخلاط الجسم ( الدم و اللمف و غيرها ) و كل هاد الشي باش تنتج الخلايا اللمفاوية البائية الاجسام المضادة اللي ترتبط مع مستضد الجسم الغريب باش تصنع معقد مناعي باااش تقضي عليه الخلايا البالعة بسهولة
نكمملكم شوية هاكا مع الحالة الثانية للدفاع
\مارانيش نحب نحط كلشي في موضوع واحد خاترش كاين بزاف ناس يشوفو الموضوع طويل مايقروهش يكرهو و يضيعو على رواحهم
مانبطاش عليكم شوية و نكمل الجزء الثالث
نروح ناكل و نجي خخخخخ
( تقرير عن مشاركة سيئة )، و الموجودة أسفل كل مشاركة .
2018-01-15, 21:38
ملخص شاامل للمناعة على طريقتي (جزء 2)
العرض العادي
