مُساعدة في إختيار حكَـايَــة !

[اعجوبة الحياة]

اخترت تاع السندباد البحري زعما لقيتها واجدة في قوقل باسكو استاذتنا متقراش المشاريع كيشغل متعطيهمش اهمية خخخخخخخ

[ندوشةة]

المشاركة الأصلية كتبت بواسطة اعجوبة الحياة

اخترت تاع السندباد البحري زعما لقيتها واجدة في قوقل باسكو استاذتنا متقراش المشاريع كيشغل متعطيهمش اهمية خخخخخخخ

هيا بيان دبرتيوها حنا نقراوها و نناقشوها و كلش

[صمود خديجة]

سلام ندوووشة وش رااااكي
حنونة ايذا درتي المشروع تاعك
ابعثيهولي رسالة خاصة باسك نسحقو

[باردة القلب]

لي دارو يبعثهملي في الرسائل الخاصة ارجوكم نحتاجهم غدوة

[صمود خديجة]

عاونوني في حكاية ملخصة من حكايات ألف ليلة وليلة
ارجوووووكم

[ندوشةة]

انا درت الياقوتة العجيبة و هذا كان تلخيصي :
الياقوتة العجيبة:
كان نور الدين تاجرا ناجحا و في احد الايام ذهب مع قافلة تجارية الى بغداد و في الطريق الى هناك توقفوا للراحة في سهل اخذ نورالدين يتنزه بين الاشجار ولما عاد لم يجد القافلة فمشى في الصحراء القاحلة و بيده الياقوتة بأمل أن يجد مدينة يستريح فيها .و بعد يومين من السفر دخل الى مدينة و استطاع ان يقايض الياقوتة بالمال لتامين قوته مع سلطان المدينة. و ذات مرة كان السلطان يفرك الياقوتة الا أن خرج منها شاب وسيم مع غبار كثيف يستطيع تلبية كل رغبات السلطان دون إباحة سره.
فطلب منه السلطان ان يخلص مدينته من تنين مخيف فاستجاب له الشاب و قضى على التنين.
فتزوج أمير الياقوت بإبنته نور الحياة وفاءا للوعد الذي قطعه بأن يزوجها لمن يقضي على التنين لكن نور الحياة ارادت ان تعرف سر زوجها و في احد الايام عندما كانت معه يتنزهان على شاطئ البحيرة حول القصر اصرت ان تعرف قصته . وما إن بدأ بالكلام حتى أتت موجة واختطفت أمير الياقوت. دبّ الخوف في قلب الأميرة وأسرعت عائدة إلى القصر وفي إحدى الليالي ، خرجت من القصر وسارت على محاذاة البحيرة في المكان الذي فقدت فيه زوجها. ولما تعبت، جلست تحت جذع شجرة تبكي على زوجها فجأة سمعت أصواتا غريبة تنبعث من وسط البحيرة، ثم ظهر مشهد غريب . رأت جماعة من الجنيات الصغيرات يفرشن الأرض حول البحيرة، بالحشائش الخضراء والأزهار الملونة، ثم ظهر شيخ عجوز يمسك بيده أمير الياقوت عجبت نور الحياة لهذا المشهد الغريب. فتحدث اليها الشيخ و أخبرها بخطورة إباحة سر أمير الياقوت ثم أشفق عليها و أعاد اليها زوجها شرط أن لا تسأله عن سره مجددا ثم عاشا بسعادة الى الأبد .
و استعنت بهذه الصور في بحثي :













بالنسبة للمغزى :
* النفوس أسرار و لكُلّ سرّه فلا يجب التدخّل في نفوس الّناس .
* على الزوجة أن تكون مطيعة لزوجها و تقف معه في السراء و الضراء .

اذا أردت قصص أخرى تقدري تلقاي هنا قصص ملخصة + المغزى
https://djelfa.info/vb/showthread.php?t=259612
موفقةة

[انسام الريح]

سلاام ..
نادو اعطيني كاش فكرة ندير بيها البحث باسكو الاستاذة قاتلنا ماش لازم تكتبوه اذا قدرتو ديرو عفسة تاع data show

[ندوشةة]

ماكانش فيها أفكار بزاف لكن تقدري تشوفي كوميك ف كرتون نتوورك كاين تاع الف ليلة و ليلة تعرضيه على شكل فيديو
و البحث تكتبيه عادي في powerpoint
ولا تقدري ديريه على شكل مسرحية بصح مش ب data show هادي
موفقةة حبوبتي

[mira marwa]

ساعدوني في اختيار حكاية من الف ليلة و ليلة نقدروا نمثلوها لان الاستادة قالتلنا ديرولي مسرحية ماشي بحث

[☜ ندى ☆]

السلام عليكم حنا مادرناش هذا المشروع جاتنا مستخلفة قاتلنا متأخرين بزاف و تحتاجو النصوص الادبية و القواعد العام الجاي.. اختي في القسم الاخر دارت تاع الياقوتة العجيبة وداروه مسرحية لكن اضافتلها عبارات لانه مافيهش بزاف حوار على حد قولها ومثلوها الاسبوع الماضي

[ندوشةة]

المشاركة الأصلية كتبت بواسطة mira marwa

ساعدوني في اختيار حكاية من الف ليلة و ليلة نقدروا نمثلوها لان الاستادة قالتلنا ديرولي مسرحية ماشي بحث

قريت عدة حكايات ما فيهمش حوار بزاف لكن تقدري ضيفي منعندك جمل مفيدة شغل فالمعنى تاع لحكاية

[mira marwa]

المشاركة الأصلية كتبت بواسطة .ندوشة.

قريت عدة حكايات ما فيهمش حوار بزاف لكن تقدري ضيفي منعندك جمل مفيدة شغل فالمعنى تاع لحكاية

ولكن اختي ندوشة اعطيني عناوين تاع كاش حكايات نقدر نمثلها و الحوار هو الساهل نقدر نزيد من عندي ارجوووكي لا تبخلي علي

[ندوشةة]

المشاركة الأصلية كتبت بواسطة mira marwa

ولكن اختي ندوشة اعطيني عناوين تاع كاش حكايات نقدر نمثلها و الحوار هو الساهل نقدر نزيد من عندي ارجوووكي لا تبخلي علي

نعرف حكابة أغرابروكا داروها القسم الآخر على شكل مسرحية و هي أصلا داروها حلقة و كوميك في كرتون نتوورك فيها الحوار بزززافف تقدري ديريها بلاما ما تزيدي منعندك جمل
موفقةة

[mira marwa]

المشاركة الأصلية كتبت بواسطة .ندوشة.

نعرف حكابة أغرابروكا داروها القسم الآخر على شكل مسرحية و هي أصلا داروها حلقة و كوميك في كرتون نتوورك فيها الحوار بزززافف تقدري ديريها بلاما ما تزيدي منعندك جمل
موفقةة

اعتقد ان هده الحكاية ليست من الف ليلة و ليلة لانني بحثت في العناوين فلم اجدها اما بالنسبة لكرتون الف ليلة و ليلة لي داروه في كرتون نتوورك فمعظم حكاياته لم اجدها في كتاب الف ليلة و ليلة فهل هناك اختلاف في اسماء الحكايات ام مادا ارجوووكييي افيديني لقد اقترب موعد تسليم البحث

[ندوشةة]

المشاركة الأصلية كتبت بواسطة mira marwa

اعتقد ان هده الحكاية ليست من الف ليلة و ليلة لانني بحثت في العناوين فلم اجدها اما بالنسبة لكرتون الف ليلة و ليلة لي داروه في كرتون نتوورك فمعظم حكاياته لم اجدها في كتاب الف ليلة و ليلة فهل هناك اختلاف في اسماء الحكايات ام مادا ارجوووكييي افيديني لقد اقترب موعد تسليم البحث

الاستاذة تاعهم ما قاتلهم والو عليها قالولها بلي شافو القصة في كرتون نتوورك و ما عارضتهمش
انا شخصيا لا أدري لكان كاينة منها ام لا