تطبيقي للبريوش بدون بيض للشاف نجوى بن بريم

RIMA.87 · 2018-01-14, 23:02

السلام عليكم أخواتي في الله كيف حالكم ان شاء الله بخير ،
تلبية لطلب الأخت حياة نور الدين و حتى يستفيد الجميع قلت نحطلكم الوصفة على شكل موضوع
تفظلوا الوصفة مع التطبيق للبريوش بابلي لنجوى بن بريم ،
مافيهش البيض و خفيف و يشهي و بنيين ،جربوا و ردولي الخبر،
ما صورتش المراحل لكن الكريقة سهلة ،
المقادير :

المكونات الجافة:
500غ فرينة،
80غ سكر عادي،
15غ (حوالي م ك)
من خميرة الخبز،
م ص خميرة كيميائية ،
نصف م ص ملح،
م ص لافاني،
قشور ليمونة
و قشور حبة برتقال،

المكونات السائلة :
80غ مرغرين ذايبة و باردة ،
50غ زيت ،
1 أو 2ملاعق ك ماء الزهر ،
100ملل حليب دافئ،
150ملل ماء دافئ،

طريقة التحضير:
أولا:
في إناء نضع خميرة الخبز+م سكر+م فرينة+نصف كمية الحليب الدافئ و نتركها تطلع حوالي 10دقائق ،
ثانيا:
بعد مرور ال10دقائق نضيف المكونات الجافة و نضيف الزيت و المرغرين و ملعقة ماء الزهر و
نخلط ثم نجمع بكمية الحليب المتبقية و نضيف كمية الماء الدافئ بالتدريج ممكن نكملها كلها او لا حسب نوعية الفرينة ،
ثالثا:
نعجنها جيدا مدة 5 إلى 10دقائق و نتركها تختمر جيدا حتى يتضاعف حجمها ،ثم نكسرلها الخمور و نقسمها لكرات صغيرة و ندهن المول و نحطها بالشكل لي تشوفوه و ندهن الوجه بالحليب السائل فقط و نعاود نتركها تختمر حتى تصل لمستوى المول يعني تخمر مليح و نطيبها على 180درجة مدة 15ثم نزيد للفرن حتى200درجة
و نخليها تزيد طيب 5دقائق حتى تتحمر جيدا وطيب من الداخل.

ملاحظة:

و بعد ما يطيب و يبرد نذوبو كمية من المرغرين مع نفس الكمية من العسل و ندهنو بيها وجه البريوش و التزييين اختياري.
و الآن أترككم مع الصور.

وهذه الوصفه مصورة حتى يسهل الاحتفابها .

في أمان الله

اميريم19 · 2018-01-15, 10:20

يعطيك الصحة اختي rima يبان هايل خرجلك روعة نجربو ان شاء الله

fadila34 · 2018-01-15, 13:22

بارك الله فيك ريمة خرجلك هاااااايل وكما تاع سميحة ولا خير وشكر ليك على الوصفة حتى انا كنت حابة نجربو بصح محفضتش المقادير وذرك كي حطيتيه شجعتيني باه نديرو وان شاء الله يخرج كما تاعك بصحتكم ويعطيك الصحة