خطبة دون خاطب

[مشكلتي]

السلام عليكم باختصار و بكل صراحة انا مخطوبة عندي 3 اشهر خطيبي لم يتصل يوما حتى الرؤية شفتو مرتين نهار الرؤية الشرعية و نهار الخطبة
مانيش حابة حكايات و سهرات اكيد لا مي على الاقل نعرف السيد كيفاه تخمامو و هل بيننا توافق عقلي ام لا
حاسة اني رايحة عروس كما في العصر الجاهلي نشوف زوجي نهار العرس
كان عندي امل انو العرس كان في اقرب وقت قلت يقرب العرس نحكو لكن حتى العرس تاجل لانو راح يعدل المطبخ و و و
المهم طفح الكيل هل نتراجع و نبطل ام ؟؟؟؟؟

[مراد سابقا10]

من حقك ان يتكلم معك الخطيب

ومادام لم يتكلم معك لمدة 03 اشهر وخطيبك لم يتكلم معك فالأمر فيه ان خاصة انننا نعرف ان الشباب يتمنون الزواج والحديث المعسول

لذا يجب ان تقومي بالتحريات المناسبة هل خطبك هو او اهله هل لديه واحد اخرى في حياته ؟؟؟؟

هل هذا الشخص سوي نفسيا فالكثير من الأباء والأمهات لهم ابناء مريضون نفسيا ويتكتمون عن ذلك لذا احذري اسالي جيدا

[redeye]

من حقك ان تتعرفي على خطيبك خاصة انه في حال الزواج ستعيشين معه حياتك كاملة.
حاولي ان تتصلي به وتتعرفي عليه أكثر وبعدها قرري مستقبلك
عدم الزواج سيكون افضل من ان تتزوجي شخصا غير مقتنعة به او بعدها يظهر لك صفات لا تلاؤم افكارك.
بالتوفيق

[kacimo.samy]

السلام عليكم
من حقك تسقسي
بلاك شخص مريض؟؟ او شئ اخر
والله كنت امزح مع شخص الامس
وجبذت سيرة جندي كانوا العسكر يتحسسون منه وسبب الشخير
صوته قاوي
سألته في رأيك يخبر زوجته ام لا وماذا تفعل زوجته....
قالي من حقها تعلم وان لم يعلمها زوجته حصلت من الاخير

المهم يا اخت كريمة
ربي يهنيك ويسهلك

[زبدة ذايبة]

يا اختي وش راكي رايحة تعرفي؟؟؟؟

خرجو معاهم

ومشاو معاهم

وكلاو معاهم

وراحو وخلاوهم.

أو تزوجو بيهم وطلقوا

أو تزوجو بيهم وعاشو حياة الشك والجحيم.

نقدر نبان بالنسبة ليك قديمة جدا.

لكن

أفضل عدم الاختلاط بالخاطب.

الرجال يعرفوهم الرجال

مستحيل المرأة تعرف الراجل.

الوقت اللي زعمة راهي تتعرف فيه عليه

تكون تخسر في أشياء كثيرة دون أن تشعر.

ماكالاه تخلصي باش تعرفيه.

وماراكيش رايحة تعرفيه مستحيل.

ممكن تكوني تبحثي على الارتياح العاطفي نحوه.

وهو على مايبدو ماراهوش مستعد لهذا

أو مايحبش هذا الشيء.

مع الوقت اللي رانا فيه الرجال كرهو من النساء ومن كلامهم.

من شدة انتشار الاختلاط والفساد.

إذا كان هو متحفظ ماعندك علاه تطلبيه للحديث.

وبالنسبة لشخصية هذا الخاطب مانظنش ماسقسيتوش عليه.

لأنه لو كان مريض نفسيا مستحيل تفيقيلو من جلسة أو اثنين أو ثلاثة.

ماعندك الآن غير الصبر إلى حين موعد الزواج أو ظهور مايثبت أنه لايصلح.

والدينا بكري يتزوجو ماشافها ماشافتو

ورب يطرح بينهما المودة والرحمة بطريقة عجيبة جدا.

والوقت اللي رانا فيه مستحيل تعرفيه.

رانا متزوجين بيهم هذي سنوااات وكل مرة يخرج بخرجة.

حتى تحيري وتتعجبي.

يعني غير اخطيك من الأوهام.

إذا كان صالح ووافقت عليه على هذا الأساس

يكون انتهى ماعندك ماتزيدي.

وإذا كنت حابة تعيشي لحظات الرومانسية معاه.

راه يبان هذ الخاطب ماعندوش الاستعداد.

الظاهر أنه يريد الزواج بطريقة تقليدية.

وآخر كلامي معك.

إذا انسحبت أنت كاين لبنات اللي يقبلو بيه.

هذا مازال ماتزوجتيش وراكي تفكري في الانفصال.

لو كان تعصرك مشاكل الحياة الزوجية وش راكي رايحة ديري.

[قدور بن عاشور]

ما عليك إلا أن ترسلي أهلك يتحققون إن كان هذا الشخص بكامل قواه العقلية.
لأن هناك الكثير ضربو النح و بعدها ظهر أن الزوج أو الزوجة مرضى عقليين مدمنين على الحبوب المهدئة.
ما عدا هذا فلا تقلقي على الرومانسية، كل شيء في وقته

[رندة.]

كيما قالولك الي قبلي الرجال يعرفوهم الرجال
واذا كنتوا وافقتوا عليه على أساس الدين والأخلاق، ما عندك علاه تخافي ولا تتقلقي.
صلي صلاة الاستخارة. وما يكون غير الخير ان شاء الله

[ابو سليمان10]

ساضرب لك مثلا بتفسي
انا الحمد لله لا اعاني من مشكل ووضعيتي مريحة و كل شىء الحمد لله...ولما ساخطب فتاه سافعل مثل خطيبك و لن احدثها...لانه مجرد نفاق و لن تستفيد شيئا...فان كانت مثلي تعرف ان الامر مضيعة للوقت فستفرح و تفهمها وحدها...وان كانت من جيل الفايسبوك فسيدخلها الشك و قد تكتب سؤال هنا في منتدى الجلفة و قد يرد عليها احدهم ان في الامر ان و ربما لديه عشيقة

لن تعرفي اي شىء عن التفكير الا لما تعاشرينه
اشئلي صديقاتك او قريباتك ممن تحدثن مع الازواج قبل الزواج .... ما الذي اكتشفته بعد الزواج و ان صدقتكي القول فستحدثنكي باكتشافات مذهلة

[abd el nour 2017]

نقلك وساوس فقط
انا عندي صاحبي خطب وحدة شافها رؤية الشرعية
تفاهمو مع ابيها اوكي خلاص
دوكا راه عندو 9 اشهر يدي يماه فقط في المناسبات...... كسوة ومصروف وووو
مزال لحد الان مسمعش صوتها ولا راح يزورها
راه يوجد في روحو
قالي كي نوجد روحي نروح ندفع المهر وندير العقد وندلها هاتف
علىى الاقل شهر واحد باش يدخل بها
كاين بعض رجال عندهم هدا تفكير
وربي يسهلك وان شاءالله تتسوى الامور وربي يجمع بينكم في خير ان شاءالله
ا

[محارب الحمق]

انت لا تزالين أجنبية عنه, الخطبة مجرد وعد للزواج. لا يجوز الحديث بينكما الا بضوابط شرعية. عجبا لزمان أصبح فيه مطبق الشرع مريضا !!!

[زهرة جوري]

انت لا تزالين غير محللة له لذلك اتقي الله

[عبدالنور.ب]

هذا رجل شهم ذو أصل ,اعلمي يا راعكم الله أن الخطبة ما هي الا وعد بالزواج فأنت اجنبية عنه فلا تجوز محادثتك الا بحضور وليك ....فهذا من الجانب الديني واظنه من هذا الباب لا يحادثكم بارك الله فيه .

وليس هو الاول من يفعل هذا فقد فعل هذا سلفه من الصحابة والائمة المصلحين ....الا ان زماننا انقلبت فيه الموازين صار الحرام واجبا فعله نسأل الله العافية والسلامة

موفقين

اكيد هو ينتظربعد العقد الشرعي لكي يكلمك و هذا هو الاصح

[mohamed nadim]

المشاركة الأصلية كتبت بواسطة مشكلتي

ا
حاسة اني رايحة عروس كما في العصر الجاهلي نشوف زوجي نهار العرس

ههههههههههههههههههههههههههههههههههههه

يتسمى انا كي نروخ نخطب الطفلة لي نخطبها

راح تخمم بنفس التخمام لي راكي تخمي فيه

ما تبطلي ما والو

هدا هو الزواج لي يصدق ادا ما كنتيش تاع مشاكل