مقروط الكوشة على الطريقة التقليدية

[oum islem]

السلام عليكم ورحمة الله تعالى وبركاته
حبيت نحط موضوع المقروط رغم انو بسيط جدا لكن بزاف بنات يخافو منو خاصة المبتدئات
هذه الطريقة لي تعلمتها على امي الغالية لكن مع الوقت حرفت فيها

سهلة جدا وبسيطة وتقليدية
نبدا بسم الله
اذا اول مرة تخدميه
ديري كيلة ونصف دقيق احرش متوسط الخاص بالبسبوسة
وكيلة ونصف دقيق عادي تاع الكسرة

واذا متعودة عليه ديري 2 كيلات دقيق احرش وكيلة سميد عادي
وكيلة خليط سمن ومرغرين وزيت و الزيت يكون كمية قليلة مقارنة مع السمن والمرغرين
نمزج الدقيق جيدا مع المادة الدهنية نخليه حوالي ربع ساعة ونعاود نخلط



نجمع الدقيق المبسس على جهة من الجفنة وكل مرة نخرج كمية قليلة ونبللها بخليط من الماء وماء الزهر نذيب فيه شوية ملح
ونفرك باطراف الاصابع بلا ما نعجن نحرك بشكل دائري وبسرعة حتى تحسي وكان الخليط راح يرجع عجينة سائلة في يدك
تشوفي الماء سائل بلون ابيض خليه ثوان بسيطة ينشف زيدي رشة ماء الزهر مع التحريك باطراف الاصابع ودون عجن



نشكل حربوش عجينة ونحط في الوسط حربوش غرس معجون جيدا بماء الزهر حتى يصبح كما الزبدة الطرية مع اضافة القرفة والقرنفل




نغلق على الغرس جيدا



ونسوي الحربوش بحيث يكون رقيق شوية لما نطبع المقروط بالطابع تبقى الحبة بومبي عالية وما تخرجش الحواف





نحرص دائما يكون الغرس في وسط العجينة

[IMG]https://store2.djelfa.info/vb/2015-08/1439361732611.jpg[/IMG

نقسم حبيبات المقروط



ونحي العجينة تاع الاطراف وننزع منها الغرس ونخلطها مع العجينة لي راح نخدم بيها لو نخليها تتراكم ونخدم بيها ما تمدليش نتيجة مليحة
وكذلك بالنسبة للغرس كل ما نحي لي شيت نخلطو مع الحربوش الجديد ونخدم

نضرب ضربا خفيفا العجينة من الجانبين بجانب طابع المقروط حتى تبقى كل الحبات بنفس الحجم



نهز الحبات بواسطة قراتوار او سكين عريض بحذر لانها طرية ونحطها متراصة في بلا حتى ما يحترق الغرس



من الاحسن نخليه مدة قبل الطياب ليلة او على الاقل 5 الى 6 ساعات

نشعل الفرن على درجة عالية 220 يسخن جيدا
ونحط المقروط في اعلى رف من الفرن حتى يطيب من تحت
ثم نهبط البلا لاسفل رف ونشعل الفرن من فوق

لازم الحراسة المشددة للفرن
راقبيه جيدا وطيبيه على حسب ذوقك اصفر ذهبي او مع احمرار خفيف

مرات تتشقق الحبات من فوق عادي لما يبرد الغرس يولي مليح



خليه يبرد مليح وخبيه في علبة بلاستيك واغلقي مليح
وعسلي الكمية لي تحتاجيها

هذا الصحن لام هزار كنت وعدتها بيه تسمحلي طولت عليها







اتمنى ان تستفدن غالياتي خاصة المبتدئات ما تخافوش جربو كمية صغيرة حتى تتعودو

لان المقروط يبقى سيد الحلويات سواء بالطابع او بالنقاش


دمتم في حفظ الرحمن

[أم عيشوش]

شكرا على الطريقة وعندي سؤال بالنسبة للعجينة قبل ما تبليها ما تخليهاش تبات ؟

[ماريا.م]

بارك الله فيك
قوليلي برك شحال لازملو تقريبا باش يطيب؟

[lyzzabel]

مممممممممممممم اول ما دخلت للمنتدى طحت في موضوووعك حبييبتي الغااالية ام اسلاااام هههه ،، مازاال ما قرييتش المقاديير و الطرييقة على باالي رووووعة من عندك ،، تسسسسلميييي يااا عسسسسسللللل موااااااااااااح

[lyzzabel]

يا سلاااااام مقرووظك رااائع رااااائع حسييت بييه يدووووب في فميي و شااارب العسل مممممممممم يعطيييك الف صحة و عااافية و ربي يخلييلك لمييمة و يطول في عمرهاا ياااارب

[ام محمدالحسن]

يعطيك الصحححححححححححححححححححححححححححححة

[أنواار الإيماان]

اممممممممممم ام اسلام يعطيك الصحة خيتي راه يشهيييييييييييييييييييي وعجبتني الحراسة المشددة امام الفور ههههههه فكرتيني الحراسة تشدد عندي على التيراميسو امام الثلاجة خخخخخخخخخخخ لزوم اللحيس
يعطيك الصحة وفعلا المقروظ والبقلاوة محال صينية الحلوى تحلى من غيرهم مشكوووووووورة شرح ممتاز بكل التفاصيل بارك الله فيك

[ام احمدي]

هااااااااااااااااايل حنونة يعطاك الصحة على الطريقة الراااائعة والسهلة

[أم محمد تاج]

ياخراشيييي يهبل يهبل وانا اول وحدة تحرس الكوووووشة على خاطر نموووت عليه مع يخرج ممممممممممممم
الله يعطيك الصحة ويبارك فيك وفي عائلتك

[umabdullah]

بارك الله فيك

[sabrine82]

طريقتك هي نفس طريقتي انا وامي يعطيك الصحة على الشرح الوافي و المفصل

[kbenfilal]

مشكووووووووووووووووووووووووووووووووور

[oum haithem88]

ماشاء الله يعطيك الصحه

[حبيبة امها]

بارك الله فيك على الشرح نجرب طريقتك في العيد إن شاء الله أنا نستعمل فقط سميد عادي

[نهلة25]

بارك الله فيك