الى أختي السطايفية و كل من تستطيع مساعدتي في هذا البترون

[faizarbh]

السلام عليكم أخواتي.
أختي السطايفية حابة تفهميني مليح في هذا البترون ربي يجازيك

ما فهمناش انا و ماما كيفاش راهم خادمينو و خصوصا هاديك التكميشة اللي جاية مع لجناب و فيهاديك الشوشة هابطة

و شكرا عزيزتي

[faizarbh]

راني جبتلك صورة ليه من الجنب باش تفهميني مليح









و هنا من الخلف

[chouchou w]

https://store1.djelfa.info/vb/2015-04/1429386519481.jpg



سلام ودعي لسطايفية

[stayfiya]

سبقوني ناس الخير يعطيك الصحه شوشو

[chouchou w]

المشاركة الأصلية كتبت بواسطة stayfiya

سبقوني ناس الخير يعطيك الصحه شوشو

بلا مزية خيرك مغرقني سلام

[faizarbh]

ربي يحفظك اختي شكرا لك و للسطايفية بصح ما فهمتش عن الارجل وين داك الخط المتقطع واش هو ندير لاستيك تما بويسك شوفي التصويرة اللي بالجنب راه القماش طالع مع لجناب تاع الرجل كيما الفرقة

[stayfiya]

الخط لمقطع نتي تقطعيه بالمقص و تجمليه بالخياطه باش ما يجيش مدلي للارض بعد ما تنقشيه اختي

[faizarbh]

للاسف والله مافهمنا و فالارجل ما نديرش لاستيك كيفاش يجي طالع عتد الفرقة بلا لستيك

[stayfiya]

شوفي ختي من اسفل نتي حره تحبي تعرضب في فتحة الارجل و تخدميها بلاستيك ولا تحبي تضيقيها كيما درت انا هنا في هاذ النموذج

يبقى باش تتحصلي على الكشكشه هاذيك لازم تعرضي فيه مرتين و نص دوران الحوض كيمااي حاجه تحبي تعملي النقشات فيها لازم تعرضي ضعف العرض لي عندك زيدي شوفي واذا ما فهمتيش نزيد نفهم ختي

[faizarbh]

يعطيك الصحة حبيبتي راهو خرجلنا خلاص ربي يجازيك كل خير ان شاء الله

[stayfiya]

الحمد لله اختي بالتوفيق ياريت تحطيلنا صورتو كي خلصتيه