المحكمة العسكرية من الرقيب الاحتياطي

[hichem480]

السلام عليكم
الحمد لله انهيت الخدمة الوطنية وتحيا الحرية

[just do it]

المشاركة الأصلية كتبت بواسطة hichem480

السلام عليكم
اود طلب منكم ويتمثل في عقوبة التزوير أي إمضاء بالخطأ مكان القائد / الرائد/ فكم تكن مدة السجن
للعلم لست من أمضى مكان الرائد حتى أني من دفعة سبتمبر و بقي شهر على خروجي لكن المصائب
لا تدري من اين تأتي انصحكم بالابتعاد كل البعد عن الخدمة الوطنية والدليل أنك تضيّع عام بدون فائدة
في حين تريد جلب بطاقة خدمة وطنية تجلب معك سوابق عدلية غير صافية تحطيم للحياة و ظلم و عدم الحرية
و دائما نفسية محطمة اياكم ثم اياكم فمدة عام مشكوك فيها و لا بد من الحذر خاصة من الضباط فهم قوم
لا حول و لا قوة الا بالله منهم

الي ما فكرشو التبن مايخاف من النار
نتا زعما راك تهنيت منها وتغرر الناس باه ميفوتهاش
علاه راه عندك هذ النظرة
قانونيا نت ولا هذ الي امضى راه غلط وغلطة كبيرة واش دخله فصوالح الي بعاد عليه لوكان حتى الكومندو يقولك امضي فبلاصتي مندهاش
يداك اوكتا وفوك نفخا يعني درها بيديه يحلها بسنيه
خوتي مكن لا مصائب لاوالو بركاو متخوفو فالشعب
بصح كاينا حاجة خاصة نصيحة للضباط اي اسبيرو لانهم ذو مسؤولية
العسكر لا يعترف الا بالوثيقة
يعني كي توصل للمباصية كيما راه يقول الاخ حتى وحد ميسمع بيك وفالعسكر كنا نقولو تبكي امك ومتبكيش يما
يعني لازم مديرش ختى حاجة بدون ورقة مكتوبة ومكاشية
واي حاجة تصرا لافراد فصيلتك ولا للمتريال كتب ومتكرهش واكد على الكمندو يكاشيلك وخلي نسخة عندك
مشي تهدر غي باللسان لانو كي تتوخذ الكمندو هو الاول يقولك مقتليش بصخ كي تكون عندك الورقة قع متسمعش بيه
انا كنت حاكم فصيلة تع النقل الكماين الكمندو كنت مهبلو كل يوم كونتروندي هذي مفهاش الفران هذي متنوضش هذي الكريك ميخدمش هبلتو ههه
واحد النهار كاميون تع لابوبال فيها الفران زيرو يفريني غي فران موتور والله حبستها يومين مخدمتش قالي الكمندو معندناش وحدخرى
قلتلو حضرات الله غالب طبعا متلعبهاش مارق وقافز هذا كمندو ولازم تعرف تهدر لانو لوكن تلعبها عليه غادي يشريهالك من جهة اخرى
المهم كتبتلو كونتروندي بلي الفران مفيهاش وميحكمش كاشالي عليه وخليت نسخة عندي ثما عاد طلقتها تخدم
والحمد لله عام وانا عندي 30 شاخنة و 60 فرد جامي وقعنا في مشكلة

[أبو معاذ الفلسط]

بارك الله فيكم
وجزاكم الله خيرا

[hichem480]

اخطيكم مالعسكر خذو العبرة مني

[عصام720]

ما فهمتش وش حبيت تقول .................

[hichem480]

ميزيرية ظلم حقرة