كيف أطلب الطلاق وماهو الحل

[مشكلتي]

السلام عليكم ورحمة الله وبركاته
انا فتاة عمري 26 سنة
تزوجت منذ 6 اشهر عشت 3 اشهر عادية مقبولة المشكلة ان زوجي كانت له زوجة اولى وطلقها وعنده 3 اطفال بعد مدة 4 اشهر حدثني عنها وقال انه حاب يرجعها تعارقت معه وبعد مدة حسب ظني يتكلم معها في الهاتف فهو كان يأخذ لها الاطفال يقعدو عنها مدة وثم يرجعهم عندي في لدار
في احد الايام جاؤو اخوة زوجته السابقة وقالو لقد هرب بيها وجاءت لابوليس لداري يحوسو عليها ومن داك غدوة بانت معاه تلمو فاملتو ودارو ليهم الفاتحة وجابها للدار جنيت ولقت وبكيت سكرت الدار على روحي 3ايام المشكلة مقلتش لدارنا وقلت نحل المشكلة وحدي مي مقدرتش وزيد هددني من بعد ما جابها للدار وقالي تسنييلي على الزواج ولا نمرمدك ونرهلك حياتك روحت كي المهبولة سنييتلو وروحت تعرفت عليه مدة فصيرة وتزوجت زواج تقليدي ظهر رخيس
عيط لدارنا ثما جاء بابا ولقاها داخلا في بعداها هزني وروحت لدارنا ودرك عندي شهرين مافهم واش ندير معاه هو راهو متهني مع مرتو
حبيت نخلص واش دار بيا خدعني ورجع مرتو الله لابترحو مفهمتش واش ندير معاه ندير خلع ولا كيفاه قالولي دير الطلاق بالتراضي وانا قلت لالا لازم نسلك واش دار بيا معرفتش كيفاه نخرجو خاسر الله يحفظكم واش هو الحل خاص الناساللي يعرفو القانون كرهت هذا الزواج وكرهتو

[نورسين.داية]

السلام عليكم

عزيزتي أين الخديعة في الموضوع ؟

السيد أبلغكي عن رغبته و أنتي أمضيتي على حسب روايتك على قبول الزواج الثاني ؟

علما أنه لديه كل الحق في مثنى و ثلاث و رباع
مسألة الإنتقام ترفعي عن هذا التفكير الوضيع فكري في استقرارك الإجتماعي و النفسي و المادي الغير هم أحرار في إختياراتهم لا تستطيعين أن تفرضي نفسك على الغير ................هذا هو الواقع لا أنصحكي بالبقاء أو الطلاق ...القرار يعود إليك لكن أمام القاضي هو لم يخطأ تماما

على افتراض فكرتي في الطلاق ، الضرر غير وارد لأن التعدد حق أحسن طريق هو طلاق التراضي و السلام

بالتوفيق عزيزتي

[Rofrof]

روحي ابحثي عن محامي جيد واسالي ايضا محامية اسالي اكثر من واحد قبل ماتعيني واحد.. ممكن امراة تحس بيك اكثر.
للاسف هو هددك وانت خفت وسينيتيلو ..*
عندك الحق تكرهيه وتحبي تخلفيهالو*
احرصي برك انك تجيبي حقك ماشي زيادة يعني ماتظلميهش .. لي يعميلك عين ماتعميلوش زوج..
وقبل ماتروحي لمحامي كيما كان يقول الشيخ كشك ارفعي القضية لمحكمة العدل الالهية*
وكلي ربي وادعيه وقومي ليل وادعيه يريحلك بالك وقلبك ويعوضك. واستخيري الله ع اي خطوة

*

[nouri hakim]

لما كنت نقرا في الموضوع كنت فاكر انك مازلتي عندو بالبيت. ... لكن لما قريت انك في بيت ابوك.
ما عرفت وش انقول ..
لانك في الحقيقة عندنا اخترت حل المشكل بنفسك دون مشورة الغير او الاهل تورطتي اكثر ..
كان يمكن الاهل يرشدوك الى عدم الامضاء على الزواج الثاني .. و في هذي الحالة تكوني انت المسيطرة على زمام الامور ... يضغط عليك في المعيشة ... ترفضي الامضاء و تخليه معلق مع الزوجة الاولى .. و هو يضطر انه يختار يا انت يا الزوجة الاولى ..لكن عندما امضيتي .. و حبست في داركم .. هنا اغلقت امام القانون انه يعطيك الحق ...
نصيحتي انك تشوفي كيفاش تتراضاي مع زوجك و ترجعي ليه ... و بعدها تبداي حياة عادية سواءا بالاتفاق مع زوجته الاولى او بالسكن لوحدك .. وربي يوفقك

[ksaido]

غريب امر بعض النساء الم اقل جميعهم تظن انا الرجل غنيمة لا يحق للغير ان يقترب منه البعد عن الدين وعدم فهم الحياة جيدا انتج مجتمعات يصيبك الجنون عند سماع اخبارهم الله المستعان

[Djelfa2021]

قيمة الفتاة ذو 26 سنة في سوق الزواج مرتفع حتى و إن كانت مطلقة. إذن احتمالين، تريدين البقاء ابقي معه تريدين الانفصال و الزواج بالطريقة التي تعجبكي لكي ذلك ايضا، الانتقام لن يجدي نفعا (شيء مثبت علميا و من تجارب الناس)، الاحتمال الثالث، عيشي حياتك سعيدة مع العائلة، اخدمي لمي صوارد عاوني والديك اشري سيارة اقراي روحي تحوسي، الزواج ماشي بالسيف.

[قدور بن عاشور]

رجع زوجته و أولاده راهي حاجة مليحة، أين الخيانة؟
لو خانك صح لوكان راكي سمحتيلو.
ارجعي لدارك يهديك ربي، الرجل عاود لم العائلة،

أنت المخطئة بخروجك من بيت زوجك بدون إذنه