اعاني من اكتءاب

[مشكلتي]

رجاءا ساعدوني باي نصيحة
انا فتاة عمري 29 سنة عازبة....اعاني من اكتءاب حاد لعظة اسباب و هي
اولا ابتلاء تاخر الزواج و الشيطان دايما يفكرني في كل لحظة بللي صحاباتي كامل تزوجو بقيت غير انا
ثانيا اعاني من مرض جلدي مازلت اعالج فيه الحمد لله انه ليس في الوجه لكنه في كامل الجسم
ثالثا هاتفي ضاع مني و ليس لدي مال لاشتري هاتف اخر
رابعا ابتلاء اخر و هو اني لم اجد وظيفة ...لدي ليسانس انجليزية لكن لم اجد اي عمل بها ...وجدت عمل في مصنع و العمل هناك شاق جدااا و العباد اللي فيه واعرين جدا يعني كل دقيقة اهانة و ظلم و الاجر قلييييل جدا 18 مية للشهر فقط هذي الخدمة زادت علي الاكتءاب كما اني وحيدة هناك معنديش صديقة انا حاءرة نحبسها او نكملها ؟ كان نحبسها نبقى في الدار يزيد يجيني اكتءاب و كان نكملها ثاني يجيني اكتءاب
خامسا انا احب شخص و هو حرق يعني هاجر الى اوربا و مستحيل يرجع الان الى الجزاءر الا بعد مرور سنوات كما انه يجب ان يتزوج باجنبية لكي يعمل الكواغط و ايضا هو تغير علي كثيرا اصبح لا يحادثني بالايام و يقول لي معنديش الوقت باه نحكي معاك
سادسا دارنا انا ساكنة مع امي و اخي و اخي مجرم خطير راني غير نتفادى فيه و كان بعيد الشر تروح امي يطيشني للشارع
سابعا انا اشرب في دواء نفسي ...هو اللي قلبني تعبانة منقدر ندير والو حتى الصلاة و مكتءبة طوال الوقت ...حاولت امي كثييييرا انها تحبسولي لكنها رفضت

في الاخير اعلم ان سبب اكتءابي هو كي عاد معنديش خدمة و زواج و كي عدت نشرب في الدواء النفسي
مع العلم راني نصلي و ندعي و بديت نقرى سورة البقرة لكن محبش يروحلي هذا الاكتءاب راه تقول حاجة ثقييييلة راني هازتها معايا شعور سيء جدا لا اتمنى لاي احد ان يجربه .......ساعدوني ماذا افعل لكي اخرج نن هءا الحزن رجاءاااااا

[noursm]

مساء الخير
حبيبتي لا تقلقي و سلمي كل أمورك لله .
تخيلي بأنك جمعتي كل مشاكلك في ملف و ارفعيه الى السماء لله و عيشي هاد الاحساس.
الله قادر بكلمة "كن" أن يجعل من ضيقك فرجا و انتي ما عليك سوى الدعاء و عدم الاستعجال بالاجابة ، الصبر ثم الصبر ثم الصبر .
عزيزتي مشكلتك ما تساهلش كل هاد القلق ، طنشي و تفائلي بالخير ..
بالنسبة للزواج أولا مازلني صغيرة و ثانيا ما هوش مشكل أصلا لأنه رزق من عند ربي سبحانو و هو الذي يرزقك متى شاء ( كيما نقولوها هادي حاجة تع ربي) ، انتي فقط ادعي و ادعي و ادعي و لا تيأسي أبدا ، وشيء جميل منك أنك مدركة بأن هذه الأفكار من الشيطان و العياذ منه.
بالنسبة للمرض الجلدي حاولي أن تتصدقي ولو بمبلغ بسيط جدا 50 دج مثلا بنية الشفاء.

بالنسبة للهاتف كل مرة تحصلي على الراتب خصصي مبلغ منو و لمي بالشوية حتى يكتمل الثمن و ماشي شرط تشري واحد غالي ، اشري واحد رخيص ديباني بيه الى أن يرزقك الله بوظيفة ذات راتب جيد.

بالنسبة للوظيفة استخيري الله اذا فيه خير تحبسي ولا لا ، البطالة راهي مشكل عام ربي يرزق الكل ان شاء الله .

أما بالنسبة للشخص اللي تحبيه صدقيني هذاك هو آخر حاجة تفكري فيها ، اخطيك منو و ما تبقايش تفكري فيه لأنك رايحة ضيعي برك طاقاتك ، انتي ادعي ربي اذا فيه الخير يجمعك به بالحلال مع عدم التعلق به اي سلمي امرك لله وحده لأن بيده كل شيء و أؤكد لك مع عدم التعلق بالشخص ، و الأحسن في رأيي انك تدعي ربي يرزقك بالزوج الصالح اللي يساهلك و يعرف قيمتك .

بالنسبة لأخيك، مصيرك ليس بيده ، كاين ربي ما تخافي منه ما والو و كرري " و أفوض أمري إلى الله إنّ الله بصير بالعباد "

أما بالنسبة للدواء ادعي ربي يوجهك للحل، ارجعي للطبيب لي مدهولك او طبيب آخر ديري فيه ثقة يشوف كيفاه ينحيهولك سواء بالتدريج او أي طريقة ، المهم ما تتصرفيش وحدك لأن هذه الأدوية ليست سهلة .

و في الأخير اختي نزيد نقولك حالتك لا تستدعي كل هذا القلق و الحزن ، الشيطان _و العياذ منه _هو اللي يضخملك في الأمور باش تكوني حزينة، تأكدي بأن مع الله كل شيء هين ، هذا ابتلاء و يفوت و لا يوجد شخص في الدنيا ماعندوش ابتلاء ، واصلي قراءة القرآن و لا تيأسي ولا تستعجلي النتائج، و اكثري من قراءة سورة الانشراح ولا حول ولا قوة إلا بالله، و دعاء "اللهم إني أعوذ بك من الهم والحزن والعجز والكسل والبخل والجبن وضلع الدين وغلبة الرجال"
و اي فكرة توهمك بعدم الجدوى من قراءة القرآن و التقرب من الله فهي من الشيطان _و العياذ منه_و ذلك من اجل ترك كل شيء ، انتي في هذه الحالة واصلي و واصلي و اكثري القراءة و الاذكار زكارة في الشيطان_ و العياذ منه_

استمتعي بوقتك تفكري في النعم اللي عندك و عيشي الحاضر و لا تفسديه بمخاوف المستقبل .

ربي يسهلك أمورك و يرزقك بكل ما تتمناي.

[مراد سابقا10]

يا اختي من المفروض قبل تناول الدواء النفسي تديري رقية شرعية عند راقي واعي قال عندك شيء يريقيك والشفاء بيد الله

مبيك والوا يقولك ما بيك والوا

ثانيا : انت موضحتيش الدواء النفسي هذا هل تشربين فيه بمتابعة طبيب ام تشربينه من نفسك انا ننصحك اذا تشرب الدواء

من عند بسيكاتر انا ننصحك شوفي معاه يقولك كاش ما يحبسوا نورمالموا انت تروحي عند طبيبة نفسانية بالهدرة تساعدك بالخروج

مما راكي فيه وهي اذا شافت عندك اكتئاب تدزك عند بسيكاتر

ثالثا : يا اختي انت متزوجتيش هذا قدر الله وقدره ماكيش انت في المشكلة هذي راهم 12 مليون عانس في الجزائر انا نقولك لازم تصبري الزاوج رزق كباقي

ألأرزاق نهار يكتبلك ربي تزوجي تزوجي متقلقيش روحك .

وننصحك اختي مادمت تشربي في الدواء النفسي انتاع الإكتئاب كيفاش تحوسي تزوجي وفرضا تزوجتي وانت تشربي ألأدوية النفسية كيفاش يكون موقف زوجك

اختي انت مرضك ماشي عقلي قادر تتخلي على ألأدوية النفسية انا كي نقولك هكذا ماشي نقولك حبسي ألدوية من تلقاء نفسك لالا الأمر هذا لا يمكن لازم تشوفي

مع الطبيب ينقصلك بالتدريج واذا مكانش شوفي مع الطبيبة النفسية تساعدك على التخلص منه .

بالنسبة للعمل لازم تلقاي حل شوفي تفتفي تعلمي خياطة بيعي الماكلة وألأطباق كيما يديروا اغلب الناس ضرك اكيد تعرفي حوائج انت امراة واكيد محترفة في كاش

حاجة ، راكي تقولي عندك ليسانس انجليزية علاه متيديريش دروس خصوصية . واذا مكانش اصبري راهي جاية منحة البطالة تقدري تستفيدي بالتوفيق

[Rofrof]

حوسي على مواقع اون لاين بش تقري الانجليزية بالعربية او العكس، اشغلي وقتك بالعمل*
لا تتركي صلاتك ولا تملي من الدعاء، ربي يطعل لك تيسيرا وفرجا.