|
|
|
|||||||
| قسم الشّعر الشّعبي قسمٌ مُخصّصٌ لإبداعات الأعضاء في الشّعر الشّعبي. |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
// متصفح تجميعي للشعر الملحون الصحراوي //
 |
|
|
أدوات الموضوع | انواع عرض الموضوع |
2015-03-18, 18:48
|
رقم المشاركة : 76 | ||||
|
قصيدة رثاء في الشاعر الفحل بلخضر قدور بعنوان
|
||||
|
|
2015-03-20, 19:09
|
رقم المشاركة : 78 | |||
|
|
|||
|
|
|
2015-06-13, 21:49
|
رقم المشاركة : 79 | |||
|
* قصيدة من نظم الشيخ محمد بن علال العطواني في سيد المداني : |
|||
|
|
|
2015-07-27, 19:12
|
رقم المشاركة : 80 | |||
|
بارك الله فيك في انتظار الجديد |
|||
|
|
|
2015-09-05, 14:48
|
رقم المشاركة : 81 | |||
|
مشكوووووور |
|||
|
|
|
2015-09-12, 09:36
|
رقم المشاركة : 82 | |||
|
يا صاحب الحانوت :
يا صاحب الحانوت ,,,,,,,يا مسعف المكبوت انا عامل من بداية الصيف ,,,,,,الى شهر اوت اولادي هم تسعة ,,,,,وفي بطن زوجتي كتكوت كم اشتهت لي في ليلة,,,,,,,صينية من قوت واشتهت من قبلها ,,,,,موزا وبعض التوت ومن قبل قبل قبلها ,,,,,عودا رخيم الصوت لتنتج كتكوتها ,,,,,,كالشاعر المبغوت فقلت يا ولادتي ,,,,,,كولي الحصى او موتي |
|||
|
|
|
2015-11-21, 17:12
|
رقم المشاركة : 83 | |||
|
شكرا لكم على هذا الابداع |
|||
|
|
|
2016-02-11, 12:47
|
رقم المشاركة : 84 | |||
|
ألف ألف شكر على هذه المنقولات الرائعة الا أن هناك قصائد غير مكتملة لا ندري ما السبب... أنتظروا المزيد بحول الله |
|||
|
|
|
2016-02-14, 15:14
|
رقم المشاركة : 85 | |||
|
يا اخي محمد من ورقلة احيك وكل سكان ورقلة واتمنى لك التثبيت لكن عندي ليك طلب يا ريت تعطيني صاحب الانشودة الوطنية التي يقول فيها ... يا دزاير زهرة الاوطان نجمة تظوي وتبان كي الوردة في وسط جنان نموت عليك يا الجزاير....والله عندي مدة وانا نحوس عليها حتى في النات ما خرجتليش.. احييك من جديد |
|||
|
|
|
2016-03-25, 18:37
|
رقم المشاركة : 86 | |||
|
يا قاري في امنافعك لا تستهزاش
قصيدة روعة من التراث الأصيل مملوءة بالنصائح و الأمثال الحكيمة
يقولون للشاعر: الشيخ الرفاعي يا قاري في امنافعك لا تستهزاش*** احصي علمك و زد علم الا تدريه اتعلم في مسايل الا تعرفهاش***و فهم فحو الكلام و شروط معانيه حكمة بلا شيخ لا تتعلمهاش***ما يدخل في العقول علم ابلا تنبيه و احرز من كل فايدة لا تستغناش***لابد يجيك وقتها تصرف فيه و اذا حافت للوعر لا تتبعهاش***سلم في حاجة النفع و الشوم اخطيه ساعف اكلام الخشين الي يحراش***تغلبه بالصبر و العقل و الغيض اخطيه لا تصحبشي المقلق الي ما يزكاش***تعي من صحبته و تهرب و تخليه المحبة الناصحة تجي بعد التغباش***الي ما عاشر حبيب ما يعرف ما فيه اذا تبغي اخيار ظنك ما تلقاش***الي تستخبر تكون الدولة فيه الحبيب الي تقول هذا ما يرداش***زوره في ساعة الخصام تعرف ما فيه والي لغالك لا تقول له شي لياش***قرب حتى يكون سرك منك ليه تعرف ما فيه لا اتظنهشي غشاش***ما تعرف حاجته و لا صالحتك فيه و استحذر لا تكون في سرك فشاش***ابن آدم كثرته اخدع لا تامن فيه الغتبة و الكبير لا تتحدثهاش***راه ينتقل الحديث و يوصل ليه الهدرة لا اتكون شي بها فياش***ماذا من عبد فاز و لسانه ياذيه و اشري من الي تعجبك لا تستهزاش***و اتكلم فوق سومتك و الوعد أوفيه و تهلى في اوصايتي لا تنساهاش***عندك الهبيل بلاك اتجافيه الكسوة الي عارية لا تلبسهاش***الي ما عنده أعقل يتعزى فيه إذا كانت العرب على حال التشواش***لم احبالك قرب المال و دنيه و لا تستهزا و لا اتطيش مع الطياش***و لا تسبق قبل الرحيل و لا تبقى تاليه و لا تكون بينتهم أذليل و لا مدهاش***و لا تكون تايك للبلا تتعرض ليه صاحب السوء فارقه ما كان علاش***حقه اعطيه له و حقك سلم فيه و البراني يكون ثوبك ليه فراش***و الباقي قطعه باش تغطيه كمش ايدك بالقدر لا تطلقهاش***الكرم ابلا جهد يقولو كاذب فيه و الي غرزت ناقته لا ينحرهاش***هاذ العام اقضى و عام آخر تسقيه و الطايق على فراشه لا تتوطاش***يحفر لك بير من القدر ايقسك فيه و تهلى في جماعتك لا تخرجهاش***وذا ضامك هبيل منهم لا تحافيه وذا لاح لبسته لا تلبسهاش***تحتاجه للغير تتلقاهم بيه اسخى و تكرم اذا صبت مناش***و الرزق لي ضامنه هو يعطيه ونّي الوعد المطر قبل الترشاش***قبل الا ياتيك الرعد و بروق تشاليه أرض الخوف المطرفة لا تحرثهاش***و لو يجيك الزرع لا تفرح بيه و الهجالة المطلقة لا تاخذهاش***ما يكوي عيبها طبيب و لا يبريه راحتها في الشوم ديما و التشواش***ما ينهيها الزوج و ما يصلح ما بيه إذا كثرت ضربها زادت تحراش***و العيب الي فيك للناس توريه أما هي عيبها ما يتوراش***يستحي الزوج بالكلام اذا يوريه فيهم الي تقول ذي ما نوجدهاش***ساعة ساعة اتروح تهرب و تخليه بنت الراعي مع النقار تزيد هراش***وذا تنهيها على الصوت تعليه و البكرة من جهلها لا تتركهاش***ما زالت حتى تطيع للزوج ترضيه و العاتق الصغيرة من صغرها لا تكرهاش****تستعقل بعد الضنايه و تهنيه محبتهم للخدع لا تامنهاش***بعد ان يصفى اصبابها و يدور عليه بقرات بليس ضرهم ما يداواش***الداخل راي سوقهم ما يربح فيه و القلتة المختمة ماها غشاش***و من قلة سيلها ماها توتيه كمن يقع الحجر في الما يهشاش***يحسبه رطب و هو قاسح يوذيه و السلام ختام |
|||
|
|
|
2016-03-25, 18:40
|
رقم المشاركة : 87 | |||
|
هاك اوصاية شافية فيها لك خير
السلام عليكم قصيدة جميلة جدا كلها حكم و مواعظ حكم سلطانية و آداب ملوكية كتبها أبو عثمان المنداسي للسلطان مولاي اسماعيل بن علي سلطان المغرب هاك اوصاية شافية فيها لك خير***تتحصن بها احفيظة من الارذال مقمع هفوات الخطا من كل اقصير***من لا يقرا عاقبة في شاو الحال جملة الاشيا قيدها حسن التدبير***و الراي المسعود هو راس المال دبر و ابطش في المسايل بطش الطير***ما تحصل لك فايدة حتى تحتال يا داخل بحر الرياسة الامر اكبير***حصن فلكك في الوسع الامواج اغوال لا يطما جفنك مع الغفلة تكسير***و تغشيك عبوب الايام بالاهوال اختار لنفسك ابطال اعليك تدير***توجدهم عند الكريهة روس اجبال يرضيوك وقت الندا و الحرب عسير***يوم ان تزحف للبلا يبرق و افيال لا يغريك من المفاعل وجه شهير***صاحب غرضه مايله همة في بال قبل ان يطعم يتواضع و احقير***حتى يوقر يهجرك بدعة و اضلال من فرياته كان في الاشيات احذير***ناموس في كل مبهومة ختال كيف الحربة يبدع الوان التغيير***يصفار و يذبال للغمرة فعال و انت يا مولاي كن احجاب ستير***ضافي من الأخوان جامع كل اخصال من لا عنده ريش كامل باش ايطير***استعمل من خوتك اسوابق كمال كن موافق لمرهم سامع و ابصير***ذهب شيطان الجفا يبرا المعلال و عطف عنهم لو جفاوك كن ادرير***حتى ترضى من اجفاك بطيب الحال و اترك عنك من اوشى لو جاك ابشير***ضحكه يعقب بالبكا سمه قتال لولا الواشي ما ايجيك الحال عسير***حتى تحفض قدرك الساير الارذال لاترفع قدرك اعلى من لك عشير***في فجوات الهزل من عادة الاقيال و ابسط مدرار العطا بسحاب الخير***و تريس للملك برياسة الافضال واحذر غي النفس ذاك الحال اقدير***ساس الملك يثبته صالح الاعمال شد مطايا العزم و اتهيأ للسير***لا تحرز للمجد منها إلاّ شملال من لشراف يسطر البيد تسطير***للمطلوب يبلغك و معه اتنال هذا الا تمثيل و قياس و تعبير***و نهاية الاقوال تكشفها الافعال صل رحمك توجد بلسان شكير***لا تقطع دمك و زور ابلا محال و تحضر لامر العباد بقلب طهير***و سكينة و وقار و كرامة و اجلال بلسان الترحيب للوارد و صدير***و انسى ما تعطيه لا يخطرلك بال البس ما زانك من اثياب التوقير ***و اطرح ما شانك و ما مقتت الانجال و اتهلى في الصمت لا يغريك هدير***بين الناس امناطق السلطان ارطال و اترك نوم الصبح هو وقت الخير***من ملكه طيب الكراغز ما يثقال و اتحجب منها سوايع للتفكير***و اعطي حض النفس لابكار التعسال و اتنعم في نعمتك لاباس اضرير***و احذر غي النفس من ماكر الاشغال لا تصبا لشمول فهو فحش اشهير***هي راس الفتك في ساير الاعمال دعم ملكك بالصبر مولاك اخبير***ما يعزب عنه امن الذرة مثقال عادل ما يترك انقير الا قطمير***مما تسعى فيه و لو كان احلال أنا لك نصيح و اكلامي تذكير***يوريك او صير العدل فاتح الاشكال بامرك قبل اليوم عارف به ابصير***ما يخفاني من اسد غزلك منوال صاحب سرك ما ادحاني ... اقدير***سال اعليَّ اضميرك إذا كنت اتسال عشر اسنين انتبعك و انت يشّير***صبتك ما تفقه امع الجلاس امقال و اليوم اتوليت و أنا احقير***وين امثالي عندكم حتى نجهال خليناك ابخير يامن كان اعشير***و اسلامي عن من اجفاني جفو املال تندم و لا يندم اعلى ما زال |
|||
|
|
|
2016-06-18, 13:18
|
رقم المشاركة : 88 | |||
|
ويقول الشيخ السماتي رحمه الله في قصيدته السفينة: ياﺧﻮﺗﻲ ﺭﺍﻋﻮ ﺍﺗﺮﻯ ﻛﺎﺵﻓﺎﻫﻢ ***ﻭﺍﻣﺪﺭﺱ ﻋﻠﻢ ﺍﻟﻨﺴﺎﺀ ﻳﻌﺮﻑ ﻣﻌﻨﺎﻩ
ﻳﻌـــﺰﻡ ﻟﻴﺎ ﺭﺍﻩ ﺷﻘﻔـــــﻲ ﻳﺘﻠﻄﻢ*** ﻓــــﻲ ﺑﺤـﺮ ﺍﻟﻌﺸﺎﻕ ﻭﺍﻟﻤﺎﻟﻮ ﻏﻄﺎﻩ ﺑﻜﺮﻱ ﻛﻨﺖ ﺍﺻﻐﻴﺮ ﻟّﺴــﻊ ﻧﺘﻌﻠﻢ *** ﺣﺎﻛﻢﻓﻲ ﺷﻂ ﺍﻟﺒﺤــﺮ ﻭﺍﻧﺪﻭﺭ ﺃﻣﻌﺎﻩ ﺍﻟﻠـــﻲ ﺩﺧﻠــــﻮ ﺭﺍﻩ ﺧﻼﻩ ﺍﻣﻌﺪﻡ*** ﻭﺑﺤــــﺮ ﺍﻟﻈﻠﻤﺔ ﻛﻢ ﻣﻦ ﻭﺍﺣﺪ ﻓﻮﺗﺎﻩ ﻳﺎ ﻻﺣﻘﻬـــﻢ ﺭﺍﻙ ﺗﻌـــــﻴﺎ ﻭ ﺗﻨﺪﻡ*** ﺗﻌﺬﺭﻧـــــﻲ ﻭ ﺗﻘﻮﻝ ﺭﺍﻩ ﺍﻟﺤﻖ ﺍﻣﻌﺎﻩ ﻛﻴﺘﻬــــﻢ ﻛـــﻲ ﻛﻴﺔ ﺍﻟﻠﻔﻌﺔ ﺑﺎﻟﺴﻢ ***ﺑﻌﺪﺍﻥ ﻳﺒﺮﻯ ﺟﺮﺣﻬﻢ ﻳﺮﺩﻯ ﻣﻮﻻﻩ ﻭﺍﺣﺪ ﻏﻴــــﺮ ﺍﻳﺸﻖ ﻓﻴﻬﺎ ﻣﺘﺤﺰﻡ ***ﻣﺴﺘﻐﻠﻒ ﻣﺴﻜﻴﻦ ﻏـــــﻲ ﺭﺏ ﻋﻴﺎﻩ ﺑﻌﺪ ﺍﻥ ﺷﺎﻓﻮﻧﻲ ﺍﻟﺮﻳﺎﺱ ﺍﻣﺪﻋﻢ ***ﻗﺎﻟﻮﺍﻋﻴﺐ ﺍﻧﺮﺟﻌــــــﻮﻩ ﻋﻠﻰ ﻣﺜﻨﺎﻩ ﻛﻲ ﻃﻠﻌﺖ ﻟﻌـــﻼﻡ ﻣﺤﺎﻝ ﺍﻧﺴﻠﻢ*** ﻫـــــــــﺎﺫﻱ ﺣﺎﺟﺔ ﺧﺎﺻﺔ ﻟﻜﺒﺎﺭ ﺍﻟﺠﺎﻩ ﺫﺭﻙ ﻗﺪﺭ ﺻﺎﺣﺐ ﺍﻟﻘﺪﺭﺓ ﻭﺍﺣﻜﻢ ***ﻭﺍﺩﺧﻠﻨﺎ ﺑﺤـــــــﺮ ﺍﻟﻈﻼﻡ ﻭﻋﺎﺷﺮﻧﺎﻩ ﺍﺩﺧﻠﺘﻮ ﻧﻠﻘﻰ ﺧﻼﻳـــــﻖ ﺗﺘﻌﺎﻭﻡ ***ﻭﺍﺻﺤﺎﺏ ﺍﻟﻤﺤــــــﻨﺎﺕ ﻗﺪﺍﻓﻴﻦ ﺍﻣﻌﺎﻩ ﺁﺧﺮ ﺭﺍﻛﺐ ﻓﻲ ﺳﻔﻴﻨﺔ ﻳﺘﻨﻌﻢ ***ﻣﺘﻬـــــﻨﻲ ﻻﺑــﺎﺱ ﻭﺍﻟﺨﺪﻣــــــﺎﻥ ﺍﻣﻌﺎﻩ ﻭﺁﺧﺮ ﺭﺍﻛﺐ ﻓﻲ ﺍﻓﻠﻮﻛﺔ ﺗﺘﻠﻄﻢ*** ﺍﻟﻤﻘــــﺪﺍﻑ ﺍﻗﺪﻳــــــﻢ ﺭﺍﺷﻲ ﻣﺎ ﺳﻮﺍﻩ ﻭﺁﺧﺮ ﻓﺎﺗﻮ ﺧﺶ ﻣﻦ ﺗﺎﻟﻲ ﻧﺪﻡ *** ﺧﺎﻑ ﺍﻳﻮﻟﻲ ﺑﻴﻪ ﺿﺤﻚ ﺍﻟﻨﺎﺱ ﺍﻭﺭﺍﻩ ﻭﺁﺧﺮ ﺭﺏ ﻳﻤﻨﻌﻮ ﻳﺨﺮﺝ ﺳﺎﻟﻢ ***ﻭﺁﺧﺮﻳﻐﺪﻯ ﻃﻮﻝ ﻳﺒﻘــﻰ ﻏﻴﺮ ﺍﻧﺰﺍﻩ ﺍﻟﺮﺍﻳﺲ ﻗﺘﻠﻮ ﺍﺭﺟﻊ ﺭﺍﻙ ﺍﺗﻨﺪﻡ *** ﺣــﻂ ﺍﻗﻼﻋﻚ ﺭﺩ ﺷﻘﻒ ﺍﻟﻨﺎﺱ ﺃﻭﺭﺍﻩ ﺍﻧﻄﻖ ﻟﻴﺎ ﻗﺎﻟــــﻲ ﻻﺵ ﺍﺗﺨﻤﻢ*** ﻫــــﺎﺫ ﺍﻟﻌﻤﺮ ﺍﻟﻠﻲ ﺍﺑﻘـﻰ ﻭﺍﺵ ﺍﺑﻐﻴﻨﺎﻩ ﺍﺫﺍ ﻛﺎﻥ ﺍﻃﻮﻳﻞ ﻋﻤﺮﻙ ﻻﺗﻨﺪﻡ*** ﻭﺍﺫﺍ ﻛــــﺎﻥ ﺍﻗﺼﻴـــــــﺮ ﺫﺍ ﺗﺠﺎﻟﻮ ﺟﺎﻩ ﺷﻬﺎﻧﻲ ﻓﻲ ﺳﻔﺮﺗﻲ ﺭﺏ ﻋﺎﻟﻢ ***ﻟﻜﻨـــــﻲ ﻣﺤﺘـــــــﻮﻡ ﻧﻤﺸﻲ ﺍﻧﺎ ﻭ ﺍﻳﺎﻩ ﻫﺎﺝ ﻋﻠﻴﻨﺎ ﺭﻳﺢ ﻣﻮﺟﻮ ﻳﺘﻠﻄﻢ*** ﻭﺍﺗﻘﻄـــــﻊ ﺫﺍﻙ ﺍﻟﻘــــــــﻼﻉ ﻭ ﻃﺒﻘﻨﺎﻩ ﺫﺭﻙ ﻃﺎﺡ ﺍﻟﻠﻴﻞ ﻋﻨﺎ ﺯﺍﺩ ﺍﻟﻬﻢ *** ﻋــــﺪﻧﺎ ﻏﺮﺑـﺔ ﻓﻲ ﺍﻟﺒﺤﺮ ﻭﺍﺳﺘﺎﻧﺴﻨﺎﻩ ﺍﺟﻤﻴﻞ ﺍﻟﻠﻪ ﺟﺎﺏ ﻣﺎﺷﻴﻨﺎﺕ ﺍﻓﺤﻢ *** ﺻﻨﻌــــﺔ ﻣﺎﺭﻳﻜــــﺎﻥ ﻏﺎﺛـﻮﻧﺎ ﻛﻴﻔﺎﻩ ﺍﻟﺒﺎﺑﻮﺭ ﺍﺻﺤﻴﺢ ﻭﺍﻟﺮﺍﻳﺲ ﻳﻔﻬﻢ *** ﻧﺎﻳﺾ ﻓﻲ ﺻﻨﻊ ﺍﻟﺒﺤﺮ ﻋﺎﺭﻑ ﻛﻴﻔﺎﻩ ﻓﺤﻤﻮ ﻣﺎ ﻳﺰﻳﻪ ﻣﻮﺟــــﻮﺩ ﺍﻣﻌﺮﻡ*** ﻭﺍﺷﻐﺎﻟــــــﻮ ﺑﺎﻟﻔﻮﺭ ﻣﻨﻘﻮﻟﻴﻦ ﺍﻣﻌﺎﻩ ﺍﻟﺪﺧﻠــــــﺔ ﺭﺍﻧﻲ ﺍﺩﺧﻠﺘﻮ ﻣﺘﺤﺘﻢ ***ﺷﻮﻑ ﺍﻟﺨﺮﺟﺔ ﻭﺍﺵ ﻧﻌﻤﻞ ﺍﻧﺎ ﻭﺍﻳﺎﻩ ﺍﻟﺮﺍﻳﺲ ﻫـــــﻮ ﺍﻟﻘﻠﺐ ﺍﻟﻤﺘﺤﻴﻄﻢ ***ﻭ ﺍﻟﺒﺎﺑـــــــﻮﺭ ﺍﻓﺮﻳﺴﺘﻲ ﻭﺍﻧﺎ ﻣﻮﻻﻩ ﻭﺍﻟﺒﺤﺮ ﺍﻟﻠﻲ ﺩﺍﺧﻠﻮ ﻋﺸﻖ ﺍﻟﻌﺎﺭﻡ ***ﺭﺏ ﻳﻠﻄـــﻒ ﻳﺎ ﺍﺣﺒﺎﺑـــــﻲ ﻧﺘﺮﺟﺎﻩ ﺛﻠﺚ ﺍﺣﺮﻭﻑ ﺍﻧﺰﻳﺪﻫﻢ ﻟﻠﻲ ﻳﻔﻬﻢ *** ﺱ ﻭﻣﻴﻢ ﻭﺗﺎﺀ ﻭﺧﻤـــﻢ ﻭﺍﺵ ﺍﺳﻤﺎﻩ ﺑﺎﻟﻌﺮﺑﻴﺔ ﺣﺪﺙ ﺍﻟﻠــــــﻲ ﻣﺎ ﻳﻔﻬﻢ*** ﻳﺎﺳﺎﻣـــﻊ ﻟﻔﻆ ﺍﻟﺴﻤﺎﺗﻲ ﺟﺎﺏ ﺍﻏﻨﺎﻩ ﺍﻟﻤﻜﺘﻮﺑﺔ ﻓﻲ ﺍﻟﺮﺍﺱ ﻭﺍﻟﻘﻠﺐ ﺍﻣﺤﻴﻄﻢ ***ﻗﻄﻌﺖ ﺑﻴﻪ ﺍﻟﺠﻴـــﺪﺓ ﻻ ﻣﻦ ﺩﻭﺍﻩ ﻣﻮﻟﻰ ﺍﻟﻜﻠﻤﺔ ﺑﻴﻪ ﺧﺎﻭﻳــــــﺔ ﺍﻟﻤﺤﺰﻡ ***ﻗﻠﺒﻮ ﻃــــﺎﺡ ﻋﻠﻴﻪ ﻣﺸﻌﺎﻟﻮ ﻗﺪﺍﻩ |
|||
|
|
|
2016-06-18, 13:34
|
رقم المشاركة : 89 | |||
|
يامن ڨتلي ڨول عن فيروز اشعـــار
وعنـها ڨتلي ڨـــــول وابــــدا بسماهــا واتمعـــن في زين مسبوغـــة لشفــار سلابـــــــة لعـــقــــــــول تفتــــــن ببهــــاهــــا نبــدا وصف الزيـــن عن زينــــة لبكار وقــدرة ربي واضحــــة في معناهـــا شــــوف الشمـــس اذان غابــت عــــــن لنظـــــــــــار ڨلنـــــــــا ذي فيـــــروز طلـــت بحذاهــــا حتى الورد اذا اذبل ورڨو واصفار بيـــــه الغـــــــيرة يـاك تــــــردي مولاهـــــا واللي عاقل ما ايڨـرب صهد النـــــار هاذ الفتنــــــة مـا ايغامــــــر بهـــــــواهــــــا وريت العــــذرا ما اتخاطبــهابجهــــار ريـــــح الغـــيرة ساط عنـــها واڨـداهــا واڨلوب الحساد تڨدي عن لجمــــــار غارت من فيروز من شًاو اصباهـــــا ڨلـــت انوصــــف زينـــها عارم لوكــــار سبحان الله خالقي واش اعطاهــــا اعطاها طولة ما تناسب حد اغـيار ذالصفصافـــة ساكنة جوف اسماهـا اعطاهـامشيــــــة صيفــــــة الطــــــاوس سحـــــــــــار زين السوجة سوجتو راح انساهــــا اعطـــــاها نظــرة كي السهــم ايطـــير اشطــــــــــــــار رميـــــة صايـــــد مـــــا ايحـــــبر لبلاهــــــا اعطاها بسمة فالظلام اتبان انهــــار مطبوعـــــة باسنــــــان جوهـــر يتباهـــا اعطاها هدرة كي النغم على لوتار صــــوت امرخــــم فيه نغمة نهواهـــــا عطاها صدة كي الريم ڨصد لوعار ذيك الصـــدة شوف عندو محلاهــــا من لبعـــــاد ايبــان فالي في النـــــوار وكاذا مــن ڨنــــاص ياســـــــر عيـــاهــــــا تشبه زهـر اربيع شـــب على لمطــــار متخالــــــف بالـــــــوان للنظــــــر انزاهــــا لاح ابساط ايبان عـــم على لقطـــــار زيــــــن ڨـــــاع الكــــون بالورد اكساها تشبه نجمة ساطعة تڨــدح بانـــــــوار اعڨاب الليل اتبان تسطـــع بضياهــا ومن يتمعـــن زينــــها عقلــــــو يحتــــار ايبات ايخمم باش يسعى لرضاهــا وايعشي ممحــون تتلفلــــو لشــــــوار تڨـــــدي نارو في اعماقـــــوا بلظاهــــا وايجافيــــــه النـــــــــوم يتبقى سهــــــار وماهـــو قادر باش ساعـــــة ينساهــــا ويا سعــــــد اللي جــــــات من حظـــــو واختـــــــــــــــــار واملكـــــها في بيت زينة واحظاهـــا يسعدها وايديرها تحفة في الــدار بين اجفونوا طول عمــــرو يرعاهــــا ويحجبــها عن كل عين ورا لســـوار وعين الحاســــد خالقــــــو يتــــوالاهـــا والشاعــــــر سعدون جــــاب النظــــــــم اجهــــــــــــــــــار وما يعــرف فيروز من غير اسماهـــا الشاعر أحمد سعدون سيدي خالد |
|||
|
|
|
2016-07-16, 16:13
|
رقم المشاركة : 90 | |||
|
كلام من ذهب
ڨالولي كيراك؟ڨلت لهم لاباس!****واتجنبت اسرار ڨلبي ينفضحو ما ملكت امنيتي ماني مخصاص****ما ندخل باب الربا ما نفتحو شفت الدنيا سعاوها غير النقاص****واهل النية في هواها ما ربحو أهل الباطل لابسين احرير وماس****فوڨ اقبور الحق راهم يشطحو من بارود الموت يزيانو لعراس****تتفاتن الناس بيه و يصطلحو كف السارق فيه خبزة للعساس****يكثر خير الذيب رانا نسرحو امحاسد سنو مناشير التڨصاص****غير ينور عرف يبداو ينحو محال يحول الذهب ويصير نحاس****لوكان يظلو اهل الغتبة يرحو الساجي بخصايلو شكروه الناس****و الجايح برذايلو يشكر روحو لا تمدحش العبد في مطروز لباس****ياسيلني واش كاين في جبحو يتفنطز مول الجهل بلا قنباص**** و الغبار على اكتافو ما مسحو والعاقل في كلمتو رامي قناص**** اللي مايحكم في خصيمو يجرحو للشاعر المقراني رحمه الله |
|||
|
|
|
| الكلمات الدلالية (Tags) |
| المليون, الصحراوي, الشعر, صفحة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
// متصفح تجميعي للشعر الملحون الصحراوي //
العرض العادي
