كاب كيك بشيوكلا منى ممممممممم رائع جدا

[شمس الاصيل 66]

مممممممممممممم شكون ليميحبش لي كاب كايك وسيرتو بالشيكولا هههههههه عالم اخر
لتحضريها تحنتاج الى : 2 بيض /100غ سكر /120غ فرينة / 100شيكولا منى /120غ زبدة طرية /مغرف قهوة مليانة خميرة حلوة .
التحضير :
نسخن لفرن على درجة حرارة 180

نحط الشيكولا مع الزبدة يذوبو عى حمام مائي .

نخفق البيض مع السكر جيدا نزيد عليهم الفرينة المغربلة مع رشة صغير ة ملح ونخلط مليح منبعد نفرغ عليهم الزبدة والشيكولا الدابين ونخلطهم مليح .

من نوجد السني الخاص بلي كاب الكيك او بنتاع المدلان ونحط فيهم لي كيسات الخاصة ونفرغ فيهم الخليط فوق النص بقليل

ونخدلهم يطيبو
بعد مايطيبو نخرخجهم يبردو ونوجد التغليفة نتاعهم وهناك نوعين :

-150شيكولا دايبة على حمام مائيثم نزيد عليها 45غ زبدة ونخلط حتى تولي كريمة
-علبة شيكولا منى دايبة على حمام مائي نزيد عليها علبة دانون شيكولا ومغرف قهوة زبدة نخلط مليح وندخلها للثلاجة تبرد من بعد نزين حسب الرغبة

وهاد الكمية تخرجلك 12 الحبة مممممممممممم راه بنين بزاف جربوه