حلويات خطوبة خويا خليل تفضلو غالياتي

lahna moka · 2014-09-19, 21:51

مربا حبيباتي الحلوات
سمحولي على التأخير شحااال و أنا بغيت نحط الصور بصح الله غالب ظروف
خسارة ما صورتش الغذا ععععععع غاضتني هههههه لاخاترش مامات عروستنا كانت قاعدة تتغذى معانا و حشمت باش نصوّر قدامها
المهم فاتت روووعة و الغذا دارولنا حريرة رااائعة بالدجاج مع بوراك محشي باللحم المرحي و الفرماج . و دارو تاني نوعين سلطة واحدة خضراء مع الخضر المشكلة الطازجة و الثانية ماسيدوان مع خضر مفورة و مخللات. الطبق الرئيسي كان لحم مجمّر مع كريات لحم مرحي بالصوص كان رووعة تاني. و دارولنا السفة باللبن و الفواكه كانت عنب و دلاع و فقوس و التحلية باناكوتا مشرية فرغوها في صحون صغيرة و زينوها بشريحة أناناس و شريحة خوخ و قوفريط السيجار
و هاهي صور الخطوبة
نبداو بلابياس مونتي كانت صغيرة لاخاترش ماكانوش المعروضين بزاف . و كي شفتها قريب طحت هههههه قلت لعروستنا لوكان غير درتهالك أنا فالدار تجي خير من هاذي ألف مرة

شوفو مرت عمي كيفاه تصوّر فالحلويات كانت تسرق ليمودال على جال العرس تاع ولدها
هاهي الحلويات اللي دارتهم عروستنا

هاذا الحليب و التمر شربوه العرسان قبل ما يديرو الخاتم

هاهو الخاتم للقرعاجات

و هنا كي قسمو لابياس مونتي

و هاذا البلا اللي رجعوهلنا

دعولهم ربي يطيّب ما بيناتهم و يكمللهم بالخير ان شاء الله

أم ياسين الزهراء · 2014-09-19, 22:00

ربي يكمللهم للخير ويزين سعدهم الله يبارك حطىىىىىىىىىىىىىىىىىىىىىىىىىىىى

أم ماجد · 2014-09-19, 22:03

ماشاء الله
ربي يحفظهم ويروقهم الذرية الصالحة يارب
لعروسة باينة شابة هههههههههههه قبايلية ؟تقرعيج
ام ياسو سبقتيني ياوحد لعجوزة القرعاجة ههههههههههههههه

احلى حياة · 2014-09-19, 22:05

ما شاء الله كلشي بالطبع وحلويات رائعة كلها ربي يكملهم وبزيان السعد ان شاء الله والعقوبة للي مزالو

اسماء47 · 2014-09-19, 22:09

الله يبارك
ربي يكملهم ان شاء الله و يرزقهم الذرية الصالحة

yasmalak · 2014-09-19, 22:10

الف مبروووووووووووووك للعرسان بزياان السعدد
كلشي فوووووووووور
مي حابة نعررررف حاجة برك العروسة واش كانت لابسة؟؟

انتصار فاطنة · 2014-09-19, 22:12

ربي يكمل ويصلح هذي دعوة عجايز

بشرى2008 · 2014-09-19, 22:12

ألف ألف مبرووووووووووووووووووووك ربي يزين سعدو ويهنيه يااااااااااااااااااااارب

lahna moka · 2014-09-19, 22:13

اقتباس:

المشاركة الأصلية كتبت بواسطة أم ياسين الزهراء

ربي يكمللهم للخير ويزين سعدهم الله يبارك حطىىىىىىىىىىىىىىىىىىىىىىىىىىىى

يبارك فيك غاليتي ان شاء الله لعقوبة ما نفرحو بأولادك نتي و ام ماجد و كل الامهات هنا

اقتباس:

المشاركة الأصلية كتبت بواسطة أم ماجد

ماشاء الله
ربي يحفظهم ويروقهم الذرية الصالحة يارب
لعروسة باينة شابة هههههههههههه قبايلية ؟تقرعيج
ام ياسو سبقتيني ياوحد لعجوزة القرعاجة ههههههههههههههه

ام ماجد غاليتي بارك الله فيك على الدعوات الراائعة كروعتك . هههههه نموت عليك و على القرع اللي تعمريهم

ايه العروسة قبايلية أصلها من تيزي وزو بصح عايشين في سيدي بلعباس

اقتباس:

المشاركة الأصلية كتبت بواسطة احلى حياة

ما شاء الله كلشي بالطبع وحلويات رائعة كلها ربي يكملهم وبزيان السعد ان شاء الله والعقوبة للي مزالو

ربي يحفظك حبيبتي و نورتيني بردك العطر ربي يرزق كل الباقيين و الباقيات و خاصة اخواتي هنا بالمنتدى

lahna moka · 2014-09-19, 22:17

اقتباس:

المشاركة الأصلية كتبت بواسطة اسماء47

الله يبارك
ربي يكملهم ان شاء الله و يرزقهم الذرية الصالحة

آآمين يا رب؟ بارك الله فيك حبيبتي

اقتباس:

المشاركة الأصلية كتبت بواسطة yasmalak

الف مبروووووووووووووك للعرسان بزياان السعدد
كلشي فوووووووووور
مي حابة نعررررف حاجة برك العروسة واش كانت لابسة؟؟

حنان حبيبة قلبي ربي يحفظك و العروسة كانت لابسة قفطان أبيض و من الفوق جهة العنق و الاكمام الصغيرة فيه دونتال ذهبية شباااااااااب

اقتباس:

المشاركة الأصلية كتبت بواسطة الحزينة بجدارة

ربي يكمل ويصلح هذي دعوة عجايز

ربي يحفظك حبيبتي تعيشي

اقتباس:

المشاركة الأصلية كتبت بواسطة بشرى2008

ألف ألف مبرووووووووووووووووووووك ربي يزين سعدو ويهنيه يااااااااااااااااااااارب

بشورتي الحلوة مرحبا مرحبا فررررررررررحت كي شفتك توحشششششششششششششششششششتك موووت واش راكي ؟؟؟؟ موااااح تاع اشتياق بالجغابل هههههه لعقوبة ليك يا احلى بشورة

ladymillion · 2014-09-19, 22:34

الله يباااااااااااااااااارك الله يهنيهم ويجمعهم بالمودة والرحمة ويبارك لهم في زواجهم
القاطوات هااااااااااايلين لهونة

titina · 2014-09-19, 22:42

بالبركة ان شاء الله
بزيان السعد وربي يكمللهم
ولعقوبة لينا

آيات سرمدية · 2014-09-19, 23:00

بارك الله لهما وبارك عليهما وجمع بينهما في خير.

lyzzabel · 2014-09-19, 23:39

كلشي مبروووووك عليهم و ربي يطيب بيناتهم و يهنيهم ،، و لي قاتو فيييييلم الله يبارك باينة العروسة شاطرة ههههه
شكرا لهونتي الحلوة شاركتينا الصور مواااااااااااح و العقوبا لكل البنات و خاصة حبيباتي لي فالمنتدى

اييييه بغيت نقول لام ماجد والله ضحكت حتى سالتلي الدمعة الله يحفظك يا الحبيبة

دائمة الحمد · 2014-09-20, 00:00

الف مبروك لهنا وربي يتمم لخوك على خير ويهنيه