همزة وصل بين المعلم والولي : في طبعته الثالثة - الصفحة 92

صابر 2008 · 2014-10-22, 22:48

اليوم أخبرت تلاميذي بأني إبتداءاً من هذا الأسبوع _ إن شاء الله
سآخذ كل يوم كراس لمادة من المواد لتصحيحه
وفعلا أخذت اليوم كراس التربية العلمية من عند كل تلميذ

الهدف من هذا:

- أولا من اجل زرع الحرص لديهم بأني أراقب وأدقق في الكراريس حتى يهتموا بها لأن التجوال والمراقبة بين الصفوف
وهم يكتبون ليس كافيا

- ثانيا من أجل توجيههم وتنبيههم للأخطاء المرتكبة ونوعها وتصويبها

- ثالثا من أجل أن يحضروا كراريسهم للإمتحانات من حيث تنبيههم لمن نسي درسا ولم يكتبه (السهو عنه) أو من لم يتمم درسه وهكذا

طبعا أهم الملاحظات
-حوالي الـ 05 تلاميذ كان من بينهم من نسي درسا او لم يكمل كتابته
- البقية كانت الملاحظات قد تنوعت بين عدم التسطير على العناوين والتاريخ، نسيان كتابة التاريخ مع ترك مكان له، عدم التنظيم، إهمال الكراس وعدم الإهتمام به

وسأواصل _ بإذن الله
مع باقي الكراريس: التربية الإسلامية- المدنية- التعبير الكتابي- المحفوظات-

وكراس المحاولة بالعادة أراقبه أسبوعيا أثناء تصحيح التمارين المنزلية أو الكتابة أو غير ذلك

ماريا205 · 2014-10-22, 23:06

السلام عليكم ورحمة الله تعالى
بارك الله فيك استاذ صابر على التصحيح والتوجيه سنعمل به ان شاء الله
بنتي ماريا قرات ردك امس بخصوص الخط والتنظيم وفرحت ياسر وغدا لما تتطلع على العلامة9/10 راح تطير من الفرحة ربي يفرحك اخي ويعطيك ويمنيك امين
بعد ملاحظتك اكتشفت اني مزيرة على بنتي ياسر ونحاسبها ياسر خاصة الخط والتعبير في قرارة نفسي ميش راضية عليها ربما نحاول نخفف عليها الضغط شوية
المساء عملت تقويم في اللغة العربية جات فرحانة قاتلي فهمت كلش فقط ما كفاهاش الوقت باش تكمل التعبير يعني بدات فيه وما كملتش.بنتي بطيئة نوعا ما في الاجابة تاخذ وقت .
شكرا على اطلاعنا من حين لاخر كواليس ان صح التعبير مع التلاميذ و
متابعة كراريسهم راح تخليهم يلتزمو اكثر بارك الله فيك

~ حراير ~ · 2014-10-23, 08:19

السلام عليكم و رحمة الله تعالى و بركاته

خويا ابو ياسين كنت حابة نساعدك بزاف بزاف
لكن للاسف كيما قلت لعطوفة راني مع صديقتي غير بالتيليفون راهي بعيدة عليا تسكن في قالمة

و رغم هذا امس كلمتها و حكيتلها
هيهيهيه و فرحت بزاف بزاف انه كاين الي يهتم بهاد العلم
"لاني انا مانأمنش بيه و يجيني و كأنه قراءة في الغيب او دجل"

المهم هي مافهمتنيش وش شرحتلها على الصورة الاولى

لكنها حارت بزاف قاتلي بما انه دخل للتحضيري فمن المفروض يعرف يرسم حانوت يعني انه قراءة رسمتو امر مهم بزاف لانه عنده وش يقول
و قالتك انه كاين كتب تقدر تقراهم و تفهم بيهم
و انه قراءة الرسم من عدة نواحي
تحليل الشخصية و سلوك الطفل و دلالات نفسية اخرى

لكن قاتلي تنتبهلو و هو يرسم لانه قراءة تكون من نواحي عدة و كلها مكملة لبعض
يعني مثلا منين بدا يرسم من اليمين للشمال او من الفوق للتحت
و وين حط رسمتو في الوسط في الاعلى على اليمين
و طبعا الالوان
و الحجم و طريقة مسك القلم و ضغط على القلم اولا ..... و هكذا يعني بزاف حوايج

و قاتلك مستحيل تحكم عليه من رسمة واحدة يعني جلسات بزاف

المهم انك تنتبهلو منين بدا رسمتو

اذا بداها من اليمين يعني راه طفل متمسك بالماض يعني مايحبش يعيش تجارب جديدة و بلاك يكون مش اجتماعي اذا بداها من اليسار راه طفل يميل للمستقبل اذا بداها من لفوق راه يحب الخيال اما اذا بداها من تحت فعنده مشكل او حالة نفسية و هاد الحالة النفسية نعرفوها من تموضع الصورة يعني وين حط الصورة

اذا كانت في النص راه انسان متفتح و اجتماعي و واضح مايحبش الغموض و مايحبش تقييد حريتهو يحب يجلب الانتباه ليه او يقدر يفرض هاد الشيئ بشخصيتو.... و اذا على ليمين راه سريع الفهم لكنه حساس و يخاف و مايحبش يمد اسراره .... اما اليسار فهو محب للحياة و يستمتع بحياته متفاءل و ينجز اعماله باتقفان اما من فوق فهو مش عملي ينجز اعماله في الخيال يعني راح ندير راح ندير و لكنه متدين
اما الاسف فتدل على انه الطفل مريض او مقلق او غضبان و للاك حتى مكتئب

الالوان تبينلنا قدرات الطفل و ذكائه
مثلا الاصفر طفل مبدع الازرق هادئ الاحمر طفل حاب بثير امر ما في نفسه
البني حازم و قوي و يهتم بالمظاهر
الاسود يحترم نفسه و فخور بروحو مش غرور لكن
الاخضر هادئ و عاطفي بصح يحب يتملك

و الاشكال تبنلنا الصفات
مثال فقط
الدواوير هو مثل البركان هادئ لكن غضبه انفجار صبور و متسامح و يحب المساعدة و هو في العادة يتماشى مع اللون الازرق
المربعا ت هو يبانلك هادئ لكنه داخله كتوتر لكن توتره بلاك منقول له من والدين او معلمين يعني راه ساهل خلاص انك توترو و هو سهل انه يستجيب للضغوط الخارجية على هك يفضل انه يكون قليل التعامل مع الاخرين
المثلث عصبي سريع الانفعال مندفع و مزروب مايفكرش في العواقب يزرب يتصرف و ماتفهموش ساعات يزهى ساعات يغضب يعني مزاجي على هك يميل للون الاحمر

و رغم كل وش تقال ماتقدرش تقول فهمت طفل من تحليل الرسم راهي عوامل متعددة

يعني و لو قريت ماطبقش

هذا كلامها
اما انا نقلك مادوخ راسك ماوالو نعطيلك مثال برك الي يبدا من اليمين
رانا كل نبداو من اليمين يعني رانا كل مش اجتماعيين
ماكانش انسان اجتماعي في الدنيا قدي انا
على هك راه "اسمحلي في الكلمة " خرطي

المهم هي قاتلك هات حق الفيزيتا و انا هاتلي حق لكريدي الي كليتو هيهيهيهيهيه
اكيد نتمسخر المهم ركز على وش قاتلك اقرا راه علم ممتع و مفيد و نقدرو نغيرو بيه اذا احسن استغلاله لكن ماطبقش من راسك

~ حراير ~ · 2014-10-23, 08:28

اخي صابر بارك الله فيك على حرصك
و على ملاحظاتك

ماريا ماشاء الله على بنتك تعبيها رائع اليوم وين قريتو مليح

امس افنان عطاتها المعلمة عقوبة تكتب القاعدة تاع القاعل 30 مرة
لانها ماحفظتهاش
رغم انه جاوبتها و عرفت الفاعل و عرفت تعربه
و حتى كي قالتلها عاوديلي القاعدة قالتلها هو سم و نسألو من فعل باش نلقاوه لكنها غلطت كي قالتلها مفرد
بكل صراحة لقيت المعلمة زعفانة بزاف منها لانها مش تحفظ في قواعد اللغة لا الاملائية و لا النحوية
بالدراع ما اقتنعت انه خطأي انا لاني مش عارفة بلي القاعدة لازم تتحفظ حسبتها تتفهم و يحسن التلميذ تطبيقها

التقويمات اجلتهم لبعد عطلة الخريف

ombouchra · 2014-10-23, 09:28

السلام عليكم اساتذتي الافاضل وكل الاولياء الاكارم
اليوم جيت وجبت خبر سعيد حبيت نتقاسمو معاكم لاننا كلنا اسرة واحدة هدا الاسبوع اتفقنا معظم الاولياء وعملنا وقفة احتجاجية عند باب المدرسة وما خليناش اولادنا يدخلو في اليوم الاول ما بان حتى شيء وبعض الاولياء خافو وقالو ما رايحين ديرو والو يضيعو غير الاولاد لكن اخريين جاوبوهم يضيعو اسبوع وما يضيعوش عام لكن في اليوم التاني كان الفرج بتقسيم القسم الى فوجين واحظار معلم اخر والحمد لله وطلبت المديرية ثلاثة اولياء لينوبو عن الاخرين وكان من بينهم زوجي بحيث درسو الوضعية وقسمو التوقيت بنظام الدوامين ثم طلب الوالي شخصيا (بفضل الصحافة) بتنفيذ كل المطالب تم ذهبو لطلب زيارة رئيس الدائرة فقد استنكر الوضعية تم وعدهم انو الموسم القادم ان شاء الله اولادنا يقراو في مدرسة جديدة وقلهم هذا الموسم مانقدر انديرلكم والو غير انه سيحضر لهم 2شاليهات لتقسيم قسمي السنة الاولى والثانية وفي الاخير نشكر كل من نصحني وساندني لانه ما ضاع حق وراءه طالب
اه نسيت راحين ناسسو جمعية اولياء التلاميذ

serine alger · 2014-10-23, 10:05

اقتباس:

المشاركة الأصلية كتبت بواسطة ombouchra

السلام عليكم اساتذتي الافاضل وكل الاولياء الاكارم
اليوم جيت وجبت خبر سعيد حبيت نتقاسمو معاكم لاننا كلنا اسرة واحدة هدا الاسبوع

مبروك ألف مبروك..هادا خبر مفرح.وأخيرا تهنيتي.الحمد لله.

~ حراير ~ · 2014-10-23, 10:08

اقتباس:

المشاركة الأصلية كتبت بواسطة ombouchra

السلام عليكم اساتذتي الافاضل وكل الاولياء الاكارم
اليوم جيت وجبت خبر سعيد حبيت نتقاسمو معاكم لاننا كلنا اسرة واحدة هدا الاسبوع اتفقنا معظم الاولياء وعملنا وقفة احتجاجية عند باب المدرسة وما خليناش اولادنا يدخلو في اليوم الاول ما بان حتى شيء وبعض الاولياء خافو وقالو ما رايحين ديرو والو يضيعو غير الاولاد لكن اخريين جاوبوهم يضيعو اسبوع وما يضيعوش عام لكن في اليوم التاني كان الفرج بتقسيم القسم الى فوجين واحظار معلم اخر والحمد لله وطلبت المديرية ثلاثة اولياء لينوبو عن الاخرين وكان من بينهم زوجي بحيث درسو الوضعية وقسمو التوقيت بنظام الدوامين ثم طلب الوالي شخصيا (بفضل الصحافة) بتنفيذ كل المطالب تم ذهبو لطلب زيارة رئيس الدائرة فقد استنكر الوضعية تم وعدهم انو الموسم القادم ان شاء الله اولادنا يقراو في مدرسة جديدة وقلهم هذا الموسم مانقدر انديرلكم والو غير انه سيحضر لهم 2شاليهات لتقسيم قسمي السنة الاولى والثانية وفي الاخير نشكر كل من نصحني وساندني لانه ما ضاع حق وراءه طالب
اه نسيت راحين ناسسو جمعية اولياء التلاميذ

كلشي مبروك ام بشرى حسيت الفرح في كلامك

ايا الحمدلله و ان شاء الله بالتوفيق لوليداتكم

و ساع على ساع خبرينا بالجمعية وش دارو بلاك نديرو القلب حتى احنا و نديرو جمعية

ام الزهراء · 2014-10-23, 10:34

اقتباس:

المشاركة الأصلية كتبت بواسطة أبو ياسين29

السلام عليكم

تسجيل مصور لإبني البارحة وهو يتغنى بالحروف لإظهار حفظه و معرفته بكل الحروف

بعد أن تعلم قراءة الحروف بالفتحة

https://www.gulfup.com/?nuhbac

ما شاء الله على ياسين

ظليت نسمع ونعاود في الفيديو حتى صار كل من في المنزل يردد معه

حتى الصغيرة بلقيس عجبها اداؤو ودارت معاه جو تسرفق وتشطح

و ابتهال خرجت تقرا هذا الصباح وهي تردد بَ بُ ب بنغمة ياسين

حفظه الله ورعاه من كل عين حاسد واقر عينك به يا رب

ام الزهراء · 2014-10-23, 10:37

اقتباس:

المشاركة الأصلية كتبت بواسطة صابر 2008

اليوم أخبرت تلاميذي بأني إبتداءاً من هذا الأسبوع _ إن شاء الله
سآخذ كل يوم كراس لمادة من المواد لتصحيحه
وفعلا أخذت اليوم كراس التربية العلمية من عند كل تلميذ

الهدف من هذا:

- أولا من اجل زرع الحرص لديهم بأني أراقب وأدقق في الكراريس حتى يهتموا بها لأن التجوال والمراقبة بين الصفوف
وهم يكتبون ليس كافيا

- ثانيا من أجل توجيههم وتنبيههم للأخطاء المرتكبة ونوعها وتصويبها

- ثالثا من أجل أن يحضروا كراريسهم للإمتحانات من حيث تنبيههم لمن نسي درسا ولم يكتبه (السهو عنه) أو من لم يتمم درسه وهكذا

طبعا أهم الملاحظات
-حوالي الـ 05 تلاميذ كان من بينهم من نسي درسا او لم يكمل كتابته
- البقية كانت الملاحظات قد تنوعت بين عدم التسطير على العناوين والتاريخ، نسيان كتابة التاريخ مع ترك مكان له، عدم التنظيم، إهمال الكراس وعدم الإهتمام به

وسأواصل _ بإذن الله
مع باقي الكراريس: التربية الإسلامية- المدنية- التعبير الكتابي- المحفوظات-

وكراس المحاولة بالعادة أراقبه أسبوعيا أثناء تصحيح التمارين المنزلية أو الكتابة أو غير ذلك

بارك الله فيك استاذ صابر على ما تقوم به مع تلاميذك واحيي فيك حرصك وتفانيك

اتابع باهتمام كل ما تقدمه

ام الزهراء · 2014-10-23, 10:41

اقتباس:

المشاركة الأصلية كتبت بواسطة ombouchra

السلام عليكم اساتذتي الافاضل وكل الاولياء الاكارم
اليوم جيت وجبت خبر سعيد حبيت نتقاسمو معاكم لاننا كلنا اسرة واحدة هدا الاسبوع اتفقنا معظم الاولياء وعملنا وقفة احتجاجية عند باب المدرسة وما خليناش اولادنا يدخلو في اليوم الاول ما بان حتى شيء وبعض الاولياء خافو وقالو ما رايحين ديرو والو يضيعو غير الاولاد لكن اخريين جاوبوهم يضيعو اسبوع وما يضيعوش عام لكن في اليوم التاني كان الفرج بتقسيم القسم الى فوجين واحظار معلم اخر والحمد لله وطلبت المديرية ثلاثة اولياء لينوبو عن الاخرين وكان من بينهم زوجي بحيث درسو الوضعية وقسمو التوقيت بنظام الدوامين ثم طلب الوالي شخصيا (بفضل الصحافة) بتنفيذ كل المطالب تم ذهبو لطلب زيارة رئيس الدائرة فقد استنكر الوضعية تم وعدهم انو الموسم القادم ان شاء الله اولادنا يقراو في مدرسة جديدة وقلهم هذا الموسم مانقدر انديرلكم والو غير انه سيحضر لهم 2شاليهات لتقسيم قسمي السنة الاولى والثانية وفي الاخير نشكر كل من نصحني وساندني لانه ما ضاع حق وراءه طالب
اه نسيت راحين ناسسو جمعية اولياء التلاميذ

مبروك مبروك مبروك

افرحني كثيرا ما توصلتم اليه

هكذا تؤخذ الحقوق في بلادي ....تفتك افتكاكا

احسنتم

ام الزهراء · 2014-10-23, 10:49

ارجو من الاساتذة تصحيح اعراب ابتهال لجملة

الاطفال يكتبون الدرس

الاطفال مبتدا مرفوع وعلامة رفعه الضمة الظاهرة على آخره

يكتبون فعل مضارع مرفوع بثبوت النون لانه من الافعال الخمسة و واو الجماعة ضمير متصل في محل رفع فاعل

الدرس مفعول به منصوب وعلامة نصبه الفتحة الظاهرة على آخره

و الجملة الفعلية يكتبون الدرس في محل رفع خبر

serine alger · 2014-10-23, 10:50

أصحاب الخوامس
اليوم اختبارات المواد الثلاث اللغة والرياضيات والفرنسية.**بالتوفيق ان شاء الله**

serine alger · 2014-10-23, 10:51

اقتباس:

المشاركة الأصلية كتبت بواسطة صابر 2008

اليوم أخبرت تلاميذي بأني إبتداءاً من هذا الأسبوع _ إن شاء الله
سآخذ كل يوم كراس لمادة من المواد لتصحيحه

تصرف ممتاز.تشكر عليه .بارك الله فيك

ام الزهراء · 2014-10-23, 10:58

اقتباس:

المشاركة الأصلية كتبت بواسطة serine alger

أصحاب الخوامس
اليوم اختبارات المواد الثلاث اللغة والرياضيات والفرنسية.**بالتوفيق ان شاء الله**

بالتوفيق لعادل

حنا لا اختبارات ولا حتى تقويمات

الصراحة ابتهال بدات تشعر بالملل تقولي ديما نفس الدروس تتعاود

راهي شويا البارح جات متحمسة كي قراو درس الافعال الخمسة

قاتلي اوووونفى حاجة جديدة و طلبت مني نعطيها جمل للاعراب

yacidani · 2014-10-23, 11:34

السلام عليكم و رحمة الله و بركاته

أتمنى الأساتذة و الأولياء و التلاميذ بخير ان شاء الله

la connexion دايرا فيا رايها راني بالسرقة

المهم بالتوفيق لتلاميذ الممتحنين من السنة الأولى الى الخامسة

لم أستطع تصفح كل الصفحات راني بشوية

- بطاقات سلسبيل و ملاك ماشاء الله زادلها الجمال جمال الصورتان لنحولتين ما شاء الله

بالنسبة لياسين لم يطلب منهم المعلم انجاز البطاقة ؟؟؟

-يا "نين" ما شاء الله على صوتك الجميل و رسوماتك الجميلة دونك نخلق المنافسة بينك و بين دانية

- أستاذة عطوفة رسومات عبد المجيب رائعة ربي يحفظوا ..و هل من جديد لتلاميذ التحضيري

-
أستاذة حركاتية هل درستم "" الكاف" في اللغة ..و كيف أساعد ياسين ليشارك في القسم خاصة في اللغة