تارت النيسلي بالليمون

حياتي نبع امل · 2014-10-20, 23:26

السلام عليكم ورحمة الله وبركاته

والفتكم وانتوما والفتونى هههههههههه

رانى الحاجة اللي نديرها نصورهالكم ادا نجحت انى نجيبها وادا ؟؟؟؟حد ماشاف حد
المهم وصفتنا اليوم راح تعشقوها اكييييييييد هى تارت النيسلي بالليمون امممممممممم

وصفتنا البنة تهبل وبسيطة جدا وسهلة في خدمتها

مقاديرها
***علبة بيمو او بيسكوى مرحى
***زبدة
***علبة حليب مركز مكثف محلى نيسلي
***شانتيي
***علبة كرام فراش
***عصير حبة قارص والزاست تاعها

هدا بيمو مرحى باكى واحد انا سنيوتى شوية صغيرة نعجنوه بمغرف او 2 تاع زبدة لينة ونبسطوه في سنيوة وندخلوه للفرن ساخن مدة 10د الفرن يكون سخون كى تدخلوها نقصولو وادا كان سخون بزااااف دخلو السنيوة وطفيو الفرن وخلوها المهم انها تحكم روحها

خرجوها وخليوها تبرد

في هاد الاثناء نطلعو الشانتيي /بكاس حليب باااااااااارد مع 6 مغارف كبار شانتيي بودغ ومغرف فانى نطلعوها مليح

نزيد نضرب علبة الكرام فراش نضربها مليح وتقدرو تعوضوها بعلبة ياوورت طبيعي

الان نمزج الخليطين الكرام فراش مع الشونتيي من التحت للفوق باه مانهبطوهاش

نضيف الان علبة النيسلي وعصير حبة ليمون نكونو سكرفجناها

نضيفهم للخليط ونقلب من تحت للفوق حتى نتحصل على خليط متجانس وخفيف

نحطوه فوق البيسكوى ونسوى السطح بسباتولا

نزين بقشر الليمون ولا تحبو تزيدو وردات بالشانتيي ولا دوائر الليمون كيما درت انا

وخلوها في الفريجيدار تبرد من الاحسن من 4 سوايع للفوق وكى تبات افضل مع فرض حظر تجوال

بعدها استمتعو باحلى تارت تهبل تهبل وطعمها متجانس ولذيييييييذة جدا

الغريب في الامر انا حطيت 3 ترانش تاع سيترون فوقها خرجت من الكوزينة كى رجعت لقيتهم 4 قريب سميتها تارت ماجيك ومن بعد شكيت في روحى عاودت شفت لي فوتو لقيتهم 3

بقيت نخمم وندير في التحريات مع اولادى حتى قرت لالة بنتى قاتلي انا درتها انت نسيتيها ماحطيتيهاش درتها انا

على هادا قتلكم فرض حظر تجوال

نتمنى تكون عجبتكم الوصفة كيما نتمنى تطبقوها لانها راااااااااائعة

في الاخير نقولكم

ماتحرموناش من ردودكم ارائكم انتقاداتكم وتشكراتكم وجزاكم الله عنا احسن الجزاء

دائمة الحمد · 2014-10-20, 23:46

يا احياتي واش راح نقلك لعاباتي طاحو نقرى في الوصفة وحالة فمي
بارك الله فيك روووووووووووووووعة

tong2 · 2014-10-20, 23:53

مممممم تــجي كيــما تشيــز كيك روووعــة

الله يعـــــطيك الصــحة حــبيـــبة

Fatima fato · 2014-10-20, 23:56

اممممممم للاسف مارانيش صاحبة اول رد باه تعطيني مورسو ههههه
هايلة بارك الله فيك

Ikram_kouki · 2014-10-21, 02:57

تشهي سلمت يداكي اكيد رح نجربها

ام إثري · 2014-10-21, 06:16

الله يبارك والله غير تبان تشهي امل
تشبه لنتاع الفرماج في الشكل مانعرف حتى الفرماج عمري لاذقتها ههههههههههههههههههههههه
عندك لازم حضر التجوال واذا استدعى الامر النفي خارج المنزل حتى تجهز هههههههههههههههههههههههه

أم ياسين الزهراء · 2014-10-21, 07:34

اممممممممممممممممممممممممم وامممممممممممممممممممممم هدي مانديرلهاش حضر تجوال لازم طوارئ اممممممممممممممممممممم

أم محمد تاج · 2014-10-21, 08:10

مممم تهبل تهبل وانا لمن ندير حضرالتجول لعمري ?????? ياااي مانصبرش على اللسييييييح ياخاااااااه تهبل تهبل يعطيك الصحة وبنتك حبيت نعضها على صباعتيها حنووونة الحاذقة الله يحفظهالك والله ضحكتني