العنوسة في مجتمعنا

[محارب الحمق]

المشاركة الأصلية كتبت بواسطة النجمة القطبية

شوف يا الاخ انا مرانيش انسانة متبلدة المشاعر باش منحسش بالاخرين وكون الموضوع لا يمسني بصفة مباشرة لا يعني انه لا يعنيني او انني لا اتمنى الخير لاخوتي شباب وبنات
لكن انتم ايها الشباب لما تحطوا مثل هده المواضيع متراعوش ابداا مشاعر المراة ولا الاوانس ووصلت بالبعض حتى اتهام المتاخرة في الزواج في شرفها
راني هنا في المنتدى مند 5 سنوات وحتى البنات اللي كانوا هنا هجروا المنتدى وشبعت مواضيع من هدا النوع
انا تعلمت في هدا المنتدى ان لا مكان عندكم للعواطف ولا لاحترام مشاعر الاخر ادن متلوموناش لما الواحد يكون صريح حتى لو كانت الحقيقة قاسية
الحقيقة اللي اغلب البنات يخافوا يقولوها حتى لا تقابل بهجوم من هنا وهناك
الحقيقة افضل من الكدب
والحقيقة ان المراة كائن عاطفي وانسان عندها نفس مثلها مثل الرجل وتقدر نفسها مثلها مثل الرجل
فمثل ما الرجل من حقوا يشرط مهما تقدم به السن حتى لو كان فرطاس وشايب ومكمش حتى الفتاة عندها عينين وراهي تشوف ومن حقها تدي واحد شباب وقريب من سنها وحتى من حقها تعيش حياة كريمة مع موظف وببيت مستقل !!
كاين بعض الامور النفس تنفر منها الله غالب فمثل ما انتم مرات تنفروا من واحدة كبيرة تقدر الصغيرة تنفر من الشايب !!
ماشي حرام انا راني نقول في الحقيقة اللي عجزوا يقولوها البنات رغم انها تشرطها في واقعها او تتمناها
مرانيش نضحك على العباد او نسخر منهم بقدر ما راني نضحك على الموقف نفسه لكن لما يكون هناك الف موضوع بعنوان عنوسة الفتيات وتلقى تهجم وحط من قدر الانثى بكل الطرق مع تشفي فيمن تشترط من حقي نرد
الخاطب لما يشوف الفتاة لا دين لا لاطاي لا زين على قولك مالا ميتقدمش احسن من ان يجرحها ويحط من قدرها ومن حقها تشرط تماما مثله لانه قد يكون هو الاخر مزعوق وبدون اخلاق وشايف عمروا عريس لقطة

أبدأ من حيث انتهيت. هو كون ماجاش يشوف روحوا على قد حالوا مايروحش يقصد وحدة لا زين ولا دين ولا طاي المشكل ان المخلوقة ماشفتش مع روحها في المراية بلا ماكياج وتشرط لالة سكنة وحدها....أمثالها كثيرات في هذا المجتمع بل يعج بهن البلد....كيما نقولوا: "أعطيني وجهك نحرث بيه الأرض ونرجعهولك".....هو موضوع حساس نعم لكن ليس محرم علينا الحديث عنه. وما تقولينه عن الشايب الفرطاس الذي يتقدم لبنت العشرين نادر الحدوث ولا يوجد على الأغلب الا في خيالك أما التشراط الذي نتحدث عنه فهو منتشر وملاحظ. اشتراط البيت المستقل يكون مقبولا في السويد أو الدنمارك أو السعودية, لكن في الجزائر هذا الشرط هو ما يصدق عليه القول "والله مايحشموا وجوه البق لا زين لا دين لا طاي"

[محارب الحمق]

المشاركة الأصلية كتبت بواسطة nilly

صح قولتي صح هما لازين لا لاطاي يزيدو يشرطو ههههه ومبعد يقولوك حنا نديوها مولات 20 سنة وتكون شابة هههههه سبحان الله ويقولك بنت العشرين تناسب صاحب الاربعين يعني شافوا واش يناسبهم قمة الانانية ومبعد يقوله بلي نساء برك لراهم انانيات هههههه مكنش بنت لتحب تتزوج بشايب هههه لازم تفهموها مليح غير لتكون مضطرة لظروف قاسية هي ثاني حابة تتزوج بشاب ويكون وسيم كيما مهند او اقل قليلا معليهش ههههه ويكون الله الله واش من لبسة وةش من طونبيل واش من نواظر. كي يخرج مو طونبيل تقول القمر لراه يضوي والبنات كامل يخزرو فيه ويغيرو منك وانتي تديرلهم زكار. لهدوك المغيرات شكون لمتحبش هذا

اما يجي واحد مكمش ماكنش بلاصة ماتكمش فيها وريحته تفوح من بعيد معلباليش كيفاش يتزوجوا هذا صنف لانه لا م يبعد عليك بمترين على الاقر باش تهدري معاه و سنانه صفرا ومعوجة واحدة كاينة والاخرى مكنش ووجهه تقول الكاميون مر على وجه بشرة نتاعه دارت حرب عالمية الاولى وثالنية مسكين. ههههه وزيد لاطاي صفر حتى لو كان تلقيه طويل تلقاي طول في باطل الكرش واصل لباب حامل بتوئم ومدى الحياة ههههههه لا حاطة ولا هم يحزن ن وكي يفتح فمه كلشي يخرج مايعرف يهدر ماوالو غثيان من شكله غثيان من عقليته هههه ومبعد يقولك لازم تكون صغيرة وشابة بزاف وقارية وماكثة في البيت وتطعني وتسمع هدرتي وتصون شرفي ووتكون طباخة ماهرة تتشبع بطنه وتشبع التوائم الذان مستحيل ان يخرجان لدنيا طول الحياة هههههههه.
روحه روحه تصيده الحوت فصحرا روحه ولة كمله احلامكم دركا ماشي كيما بكري عليكم ان تفهم ا كلكم اوه بكري كان عيب راجل برك في جيبه دركا لا حتى في شكله زماو مكنش تلفزيون. ونساء. مان مسةكن كانو يظنون ان هذا هو الجمال نتاع راجل بصح درما يا شاطريو شفناهم بتلفزيون نشكر مخترع تلفزيون شفنا الجمال وشفنا رجلة روحه شوفوا عمار الموسوفي. ىش نن لطاي واش من جمال اش مو رجىة رجل رجال ولا كيفاش يحب كيفةش يدير المةسميل من اجل ان يتزوح من يحب انةم هنيا فديتونا كرهتولنا حياتنا كلشي حرام عندكم وتصورلنا رجلة بشكل مختلف عندكز رجل ه. ليخلي مرته فدار مايشوفهاش شمس ويحكمها نقص فيتامين دال يحكمها اكتئاب وتنتحر وانتومى تتزوجوا بعد ثلاثة ايام من لي كانت تغسل البطاطا فالموش والمسكينة واش ربحت ماتت وكل حياتها عذاب وانتم تتزوجون لا وجود للوفاء بقاموسكم كل همهكم عفس النساء كاان احد سلطكم ههههههه شوفوا لعمار الكوسوفي شوفه تعلم رجلة
دركا زين مهم لرجال وصغر العمر شاب في العشرين او ثلاثين ويكون كور وديكور والعقلية فور .
المشكل انهم يحسبوا روحهم عندهم حق يشرطوا كي تشرط البنت الدار ويكون خدام يقولك مادية مع ان هذا حقها يقولك مادية ماعندهاش اخلاق وكي تشرط واحد وسيم يقولك مراهيش شريفة ههههههه ياك راهي شركته لزواج ماشي باش تديره فلكادر عندها حق باش ولادها يخرجوا زوينين وباش ماتشوفش لغيره ملا انتوما ثاني ماتشرطوش شابات والا ستكونون غير شرفاء كلهة اعذار وهية وهذه انانية ولا يوجد لها اسم اخر حلال حليهم وحرام علينا.
يلا انقرضوا

والله ديرو أمثلة خيالية وتقعدوا تبنوا عليها, هذا المثال تاع شايب مولا ربعين قاصد وحدة مولات عشرين (أقصد تحت 25) هل هذا هو موضوعنا؟ وهل هذه الظاهرة منتشرة؟ أمثلة قليلة الحدوث ووالله أعرف رجالا كثيرين في الأربعينات يغلب عليهم الشباب على عكس أغلب النساء اللاتي تظهر عليهن علامات التقدم في السن بسرعة. كما نقول نحن الرجال: "النساء سريعات التلف". أصلا كون يقطعوا استيراد الماكياج ومساحيق التجميل سترين العجب العجاب. رحم الله امرء عرف قدره

[النجمة القطبية]

المشاركة الأصلية كتبت بواسطة محارب الحمق

أبدأ من حيث انتهيت. هو كون ماجاش يشوف روحوا على قد حالوا مايروحش يقصد وحدة لا زين ولا دين ولا طاي المشكل ان المخلوقة ماشفتش مع روحها في المراية بلا ماكياج وتشرط لالة سكنة وحدها....أمثالها كثيرات في هذا المجتمع بل يعج بهن البلد....كيما نقولوا: "أعطيني وجهك نحرث بيه الأرض ونرجعهولك".....هو موضوع حساس نعم لكن ليس محرم علينا الحديث عنه. وما تقولينه عن الشايب الفرطاس الذي يتقدم لبنت العشرين نادر الحدوث ولا يوجد على الأغلب الا في خيالك أما التشراط الذي نتحدث عنه فهو منتشر وملاحظ. اشتراط البيت المستقل يكون مقبولا في السويد أو الدنمارك أو السعودية, لكن في الجزائر هذا الشرط هو ما يصدق عليه القول "والله مايحشموا وجوه البق لا زين لا دين لا طاي"

احترم رايك يا الاخ
لكن لاحظ ان طريقة ردك فيها الكثير من الاهانة لمن قدر الله عليها رزقها في الجمال
هاتي وجهك نحرث بيه الارض خخخخ وتحبني منضحكش !!!
شفت كيفاه تفكروا نتوما وكيفاه تحكوا وكان المراة مجرد سلعة تقدر بشكلها الخارجي والثمن حسب الجودة واللي متوسطة الجمال ماشي من حقها تفكر تشرط!!
شخصيا لو كان عندي بنت فاتنة الجمال وجاني شخص يفكر بهده الطريقة وقالي راح نعمرها بالدهب والمرجان من راسها لاخمص قدميها والله ما يشوفها
النساء ماشي سلعة الاخ وانا نمد بنتي للي يقدرها ماشي يدي الكاركاسة فقط كي يمل يمرمدهالي
وبالنسب للبيت المنفرد انا شخصيا شرطت بيتي وحدي !!! جهلت ام كفرت لكل واحد ظروفه واسبابه وكل واحد كيفاه تربى
وملاحظة تاني الواحدة لازم تشرط جمال نسبي في الرجل على الاقل ادا خرجت البنوتة تشبه لابوها تخرج مسرارة ماشي يقولولها هاتي وجهك نحرث بيه ونرجعهولك :d:d
يا الاخ راح يجي النهار ينعم ربي عليك بالزوجة الصالحة ويجيبلك ربي بنوتة فاتنة وجميلة وتولي الحب كله ليها ونفكرك ادا تقدر تسمح واحد يمس شعرة منها او حتى يجرحها بكلمة اكيد راح تعرف عقلية الرجل من النظرة وتخير وتختار وتتشرط متخافش الدنيا قصيرة وجاي هداك النهار وقول منشرطش في بنتي

[محارب الحمق]

المشاركة الأصلية كتبت بواسطة النجمة القطبية

احترم رايك يا الاخ
لكن لاحظ ان طريقة ردك فيها الكثير من الاهانة لمن قدر الله عليها رزقها في الجمال
هاتي وجهك نحرث بيه الارض خخخخ وتحبني منضحكش !!!
شفت كيفاه تفكروا نتوما وكيفاه تحكوا وكان المراة مجرد سلعة تقدر بشكلها الخارجي والثمن حسب الجودة واللي متوسطة الجمال ماشي من حقها تفكر تشرط!!
شخصيا لو كان عندي بنت فاتنة الجمال وجاني شخص يفكر بهده الطريقة وقالي راح نعمرها بالدهب والمرجان من راسها لاخمص قدميها والله ما يشوفها
النساء ماشي سلعة الاخ وانا نمد بنتي للي يقدرها ماشي يدي الكاركاسة فقط كي يمل يمرمدهالي
وبالنسب للبيت المنفرد انا شخصيا شرطت بيتي وحدي !!! جهلت ام كفرت لكل واحد ظروفه واسبابه وكل واحد كيفاه تربى
وملاحظة تاني الواحدة لازم تشرط جمال نسبي في الرجل على الاقل ادا خرجت البنوتة تشبه لابوها تخرج مسرارة ماشي يقولولها هاتي وجهك نحرث بيه ونرجعهولك :d:d
يا الاخ راح يجي النهار ينعم ربي عليك بالزوجة الصالحة ويجيبلك ربي بنوتة فاتنة وجميلة وتولي الحب كله ليها ونفكرك ادا تقدر تسمح واحد يمس شعرة منها او حتى يجرحها بكلمة اكيد راح تعرف عقلية الرجل من النظرة وتخير وتختار وتتشرط متخافش الدنيا قصيرة وجاي هداك النهار وقول منشرطش في بنتي

مالصباح وانتي تقولي الصراحة والصراحة هاني مصارحكم من ذاك الزمان بالصح ماعجبكمش الحال. المرأة تنكح لجمالها فالجمال مطلوب والجميلة مقصودة والمقصودة تولي تشرط. قادر التشراط تاعها يفيدها وقادر تبلع سنانها مع الوقت. هذا هو الواقع.... أنت شرطتي بيتك وحدك وبالاك صلحتلك وبالاك عندك مميزات خلاتك تشرطي بصح موش في كل مرة تسلم الجرة. نعرف بزاف بنات راهم بلا زواج درك اشترطوا والطوطو على شباب قصدوهم وهوما والله العظيم يجوا يخطبوني و يمدولي مليار مقدم ومليار مؤخر مانديهم (لا دين لا زين لا طاي). يعني قوليلي برك, كون يجي واحد عندو الدراهم وسكن منفرد والعمل ما تمديلوش بنتك؟ خلونا يرحم والديكم رانا نعرفو كيفماش تخموا, التدين اخر هم الجزائريات مع الأسف. المهم يكون خاطيه ماشاكل وناس ملاح أما يصلي ما يصليش الكثير من الجزائريات لا يهمهن الأمر. انا منهجي ولله الحمد يجعلني أفضل الملتزم الفقير على غير الملتزم الغني والكثير من أصحابي و معارفي من الملتزمين الكبار في السن زوجوا بناتهم (الجميلات) لملتزمين على قد حالهم

[ing.Youcef]

يا لطيف

رجال ونساء ودردشة حول الجمال والنساء والفتنة و ....

الله يهدينا ويهديكم

(من كان يؤمن بالله واليوم الآخر فليقل خيرا أو ليصمت)

[المُهَاجر]

اخي الكريم، جميع من تستر نفسها فقط تلقى الخطابة دائما عند الباب، هذا بمجرد وضعها للجلباب واحكي عن واقع أعيشه، معناه هادوما لي راك تحكي عليهم جلهم هما سباب المشكل لي راهم فيه..
أين هي المتدينة لم يتقدم لها رجل؟
أين هي العفيفة التي لم تنشئ عائلة؟

نعم هنالك ولكن بصفة قليلة جداً جدا تكاد تنعدم.
دوكا رجال بخيرهم تلقاه فات ال 35 يقولك مالقيتش امرأة صالحة،والله المستعان

[nilly]

المشاركة الأصلية كتبت بواسطة محارب الحمق

والله ديرو أمثلة خيالية وتقعدوا تبنوا عليها, هذا المثال تاع شايب مولا ربعين قاصد وحدة مولات عشرين (أقصد تحت 25) هل هذا هو موضوعنا؟ وهل هذه الظاهرة منتشرة؟ أمثلة قليلة الحدوث ووالله أعرف رجالا كثيرين في الأربعينات يغلب عليهم الشباب على عكس أغلب النساء اللاتي تظهر عليهن علامات التقدم في السن بسرعة. كما نقول نحن الرجال: "النساء سريعات التلف". أصلا كون يقطعوا استيراد الماكياج ومساحيق التجميل سترين العجب العجاب. رحم الله امرء عرف قدره

عجبني المثل لقلته منين جبته عطني وجهك نحرث بيه ونرجعهولك ههههه صحيت عمتني مثل مكنتش نعرفه
كلامك فيه الحقيقة فعلا الماكياج راه يبدل كليا ماشي برك نصف انا شفت في الانترنت نساء دارو فيديو قبل وبعد الماكياج غير تحير كانهم ماشي هما

بصح كاينين لميدروش ماكياج لدلك ننصحكم تروحه ديركت لراهم طبيعيين بالنسبة شكون ليبان اكبر هي المرا صح بصح انا هدرت على تجاعيد ياخويا متنكرش دركا حتى لعنده عشرين تلقاه مجعد صح يبان صغير بصح مجعد وشوف غادي نقولك حاجة خبيها طول حياتك المراة الجميلة لا تشترط كثيرا لراهي جميلة فعلا ماشي فالصو .

[nilly]

المشاركة الأصلية كتبت بواسطة محارب الحمق

مالصباح وانتي تقولي الصراحة والصراحة هاني مصارحكم من ذاك الزمان بالصح ماعجبكمش الحال. المرأة تنكح لجمالها فالجمال مطلوب والجميلة مقصودة والمقصودة تولي تشرط. قادر التشراط تاعها يفيدها وقادر تبلع سنانها مع الوقت. هذا هو الواقع.... أنت شرطتي بيتك وحدك وبالاك صلحتلك وبالاك عندك مميزات خلاتك تشرطي بصح موش في كل مرة تسلم الجرة. نعرف بزاف بنات راهم بلا زواج درك اشترطوا والطوطو على شباب قصدوهم وهوما والله العظيم يجوا يخطبوني و يمدولي مليار مقدم ومليار مؤخر مانديهم (لا دين لا زين لا طاي). يعني قوليلي برك, كون يجي واحد عندو الدراهم وسكن منفرد والعمل ما تمديلوش بنتك؟ خلونا يرحم والديكم رانا نعرفو كيفماش تخموا, التدين اخر هم الجزائريات مع الأسف. المهم يكون خاطيه ماشاكل وناس ملاح أما يصلي ما يصليش الكثير من الجزائريات لا يهمهن الأمر. انا منهجي ولله الحمد يجعلني أفضل الملتزم الفقير على غير الملتزم الغني والكثير من أصحابي و معارفي من الملتزمين الكبار في السن زوجوا بناتهم (الجميلات) لملتزمين على قد حالهم

كلامك واقعي جدا يامحارب الحمق واقعي وحللت الواقع الحقيقة من حق كل انان يشرطوا والجمال كاين لميشفلوش وكاين ليشوفله اما دار من حق الزوجة لو حبت تعيش وحدها بصح لازم ماتديروش شرطها الاساسي يعني لو لقات راجل عاقل وخاطيه علاه ترفضه بحجة البيت اصلا دركا عندنا كي تشقسي طفلة واش مواصفات خطيبك تقولك خدام في ... عنده دار عنده طونبيل ووو تدكر الاشياء المادية فقط اما المعنوية مكنش مكنش لتقولك ناس ملاح عاقل يصلي ووو لالا يقلولك المادية بصح كاين القليلات لواتي لا يهمهن كل هدا

يعني الدار وحدك تجنبك المشاكل حتى لزوج لان اغلب البنات دركا ملي تكون صغيرة تكره اهل زوج صافي واش تطمع لو كان الاهل يربيو بناتتهم على انهم يحبون اهل زوج ميكونش هكدا الحال بصح الله غالب ولانني اعرف ان الكثيرات هكدا نصحت بسكن الخاص نورمالمه اهل زوجها اهلها على الاقل تسكن معاهم بالاول تشوف كيفاه دايرين اما من الول بزاف هكدا
اما انها ترفضه لسكن الخاص هنا الف خط احمر لو كان انا راجل تقولي هكا مستحيل نتزوجها نقولك صح صح .

[nilly]

المشاركة الأصلية كتبت بواسطة ع.عيسى

...اغلب الرجال اليوم يهتمون بشكلهم ..الزين ولاطاي .عكس البنات المكياج وما يعرفوش يديروه كأنها مهرج .حديدوان ....عندما تمشين في الشارع تجدين الرجال أجمل من النساء .....النساء عندنا لا تعرفها هل هي ذكر أم انثى . ..حتى العقلية والدين مكاين والوا ...لهذا السبب يركب الشباب في قوارب الموت بالالاف .ويهاجرون الى شرق اوروبا .هربا من هذا ...و كل الشباب الذي هاجروا تزوجوا خصوصا من الروسيات ...

لراهم بالعشرينات صح ماشاء الله الكور وديكور بصح المشكل نتاعكم انتوما كي تبلغون ثلاثين 35 ترجعوا للور ياخويا راني نشوف فيهم الكرش تقول حامل بتوئم الله اعلم يشربون الخمر على مااظن هو ليكبر الكرش وصح اصحاب العشرينات اجمل من البنات هادي عندك الحق فيها رغم انه ماعندهمش ماكياج لو كان نزيلدهم ماكياج معرفتش كيفاش يطلعوا .

[نجاة^^]

المشاركة الأصلية كتبت بواسطة ing.youcef

يا لطيف

رجال ونساء ودردشة حول الجمال والنساء والفتنة و ....

الله يهدينا ويهديكم

(من كان يؤمن بالله واليوم الآخر فليقل خيرا أو ليصمت)

اك تشوف ،ربي يستر -_-

[محارب الحمق]

المشاركة الأصلية كتبت بواسطة ing.youcef

يا لطيف

رجال ونساء ودردشة حول الجمال والنساء والفتنة و ....

الله يهدينا ويهديكم

(من كان يؤمن بالله واليوم الآخر فليقل خيرا أو ليصمت)

نرجوا من الاخ ان يبين مكمن الخلل شرعا لعلنا لم ننتبه

[محارب الحمق]

المشاركة الأصلية كتبت بواسطة المُهَاجر

اخي الكريم، جميع من تستر نفسها فقط تلقى الخطابة دائما عند الباب، هذا بمجرد وضعها للجلباب واحكي عن واقع أعيشه، معناه هادوما لي راك تحكي عليهم جلهم هما سباب المشكل لي راهم فيه..
أين هي المتدينة لم يتقدم لها رجل؟
أين هي العفيفة التي لم تنشئ عائلة؟

نعم هنالك ولكن بصفة قليلة جداً جدا تكاد تنعدم.
دوكا رجال بخيرهم تلقاه فات ال 35 يقولك مالقيتش امرأة صالحة،والله المستعان

أغلب الشابات بنات العايلة المحافظة التي تلبس الجلباب مقصودة وهذا مشاهد في محيطي على الأقل لذلك أوافقك الرأي في أن المتدينة بنت العايلة مقصودة اما ان كانت ذات جمال فصدقني عدد الخاطبين يصبح ضخما ويصبح من الصعب اللحاق بها قبل ان تطير على عكس المتبرجة الجميلة التي لا يقصدها الا الذباب من الذكور وانا أتحدث عن تجربة ومن واقع

[رندة.]

ربي يرزق بنات بلادنا الأزواج الصالحين، وشباب بلادنا الزوجات الصالحات ان شاء الله.

[zozman]

nilly
//////

بغض النظر عن المتحجبات أو المتبرجات..أنتي إتهمتي أغلبية الفتيات بأنهم ليسوا عفيفات....

شيء غريب حقا من فتاة....

[الجليس الصلح]

المشاركة الأصلية كتبت بواسطة zozman

nilly
//////

بغض النظر عن المتحجبات أو المتبرجات..أنتي إتهمتي أغلبية الفتيات بأنهم ليسوا عفيفات....

شيء غريب حقا من فتاة....

صحيح ماتقول سيدي الكريم الغتاة من كثرت اهتمامها بموضوع الزواج والمستقبل اضاعت طريقها وما كانت عليه من عفة وكرامة وسلامة
وفضيلة ثم تقول غير ممكن ان يحدث لي هذا