بوقلات رائعة ادخل ولا تندم واختر - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > منتدى هُنّ

منتدى هُنّ كل ما يتعلق بهموم حواء وطموحاتها ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

بوقلات رائعة ادخل ولا تندم واختر

 
 
أدوات الموضوع انواع عرض الموضوع
قديم 2009-04-28, 12:17   رقم المشاركة : 1
معلومات العضو
sem
عضو مشارك
 
إحصائية العضو










Mh04 بوقلات رائعة ادخل ولا تندم واختر

جبتلكم بوقلات هايلة ليدخل يخير من 1 الى 40 ويشوف زهرو وحظو مع بوقلات سوم وكل واحد يقول وش جاتو وش رقم خيرو
باسم الله بديت ..و على النبي صليت ...وعلى هذى البوقالة نويت...+++:1 9:++
-1 العين في العين والقلب احكم وفهم وحد مبغىيتكلم.
-2اطلع الطفل يفطر وطلعتالطفلة تنشر العين في العين والقلوبة فهمو
-3هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.
-4لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى
-5ياربي سقملي سعدي بغيت نتزوج
-6رشّيت عتبة الباب بالزهر و الطّيب ، وسقيت كل
الأحباب بالعسل و الزبيب ، و كى نسيت جاني جواب كنت نستناه من عند البعيد.
مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ
-7 يما يما ديريلي تويقة في وسط الحديقة باش نشوف زهرى كي تجيبو ذيك الوريقة.
-8 خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة
-9عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة
-10الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.
-11ليبعني بالفول نبيعو بقشورو
-12سيدي مليح خصو لهوا والريح

-13ليدخل بين القشرة
وبصلتها ما تنوبو غير ريحتها
-14حين تقلي حين تدري حين تصرف حين تعرف
-15لفيت فراشي لف لف ودقيتي بابي دقة دقة مصباحي ضاوي عمر لا يطفى
-16عمي يا عمي
شد وليدك عليا انا نلقط الزهور هو يتبلى فيا لوكان تنطبق السما على الار ض ما يتزوج بيا
-17
ادا بيكم على القهوة راني نعسانة وادا بيمك على المكلة راني
شبعانة وادا بيكم علىالتخواس راني عيانة وادا بيكم على الشباب ما يديني غير انا
18-
هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟قلت لها راحوا حبابي و خلاوني وحدانية.
19-
لو كان السعودتنغرس بالعود نغرس ميات عود في وطيّة ، لكن السعود بيدّك يا معبود . يا سقام السعودسقم لي سعدى.
-20

طلعت للغابة ، صبتالضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس ..
-21

رشّيت عتبة الباب بالزهر و الطّيب ،وسقيت كل الأحباب بالعسل و الزبيب ، و كى نسيت جاني جواب كنت نستناه من عندالبعيد.
-22

مدّيت لقاع البير و فرّشت زربية ،حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلىاستشفي فيّ .
-23

ديديو..ديدو..أنا سعدي مليح ، قنديليضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .
-24

الدالية دلات ..و دلّ العنقود ، خليالقمر ينكشف ، والسحاب يذوب ، و خلي لالات النسا تنالالمرغوب.
-25

خرت نهار الجمعة ، في يدى شمعة ،قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوامعاك الجماعة .
-26

الناس تنده بالرجال و الوالي ،وانا ننده بربي العالي .
-27

حوم حوم يا حوام ، حوم فوق السطحالعالي ، و قول لها يا لالة يا زينة لبنات و خدودها براقة ، و عيونها غرّاقة ، صارتكل القلوب ليها سبّاقة.
-28

كلام على كلام و الكلام علىسقيلة ، العين في العين و الدّعوة مقبولة.
-29

يا شمس واشبيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .
-30

محبس منقوش ، مربي على الفشوش ،ما يحمل الهانا ، أصبر يا خاطري حتى يفرّج مولانا .
-31

لزّيت لباب الرياض ، الورد عالبابالنرجس باسني ، الزهر عنقنى ، و الياسمين ما بغَ يكلمني .
-32

قطّعت اللحم بيدى و عملت بذور ،و سمعت الكلام بوذنى و عرفت من قالو ، يا قايلين الكلام القبيح واش تربحوا ، أناطاوس في القصر و انتم خفاش النهار ما يضوالو.
-33

جزت على جنية ،قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس علىمن ضيّعت يولي لي .
-34

جايز على باب دارنا ، لابستلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه وسلطاني.
-35

امّنت بالله ، و المنام رؤية منعند الله ، حمامة بيضة جات ترفرف عليّ ، معاها حصان توقّف بين يديّ .
-36

نبعث لكم دموعى في مشوار زرق ، و نبعثكلامي في برية تحرق ، ما ننساكم يا ناسى بحق مكة و بلاطها لزرق.
-37

سمعت قر الحمام في قاع السّجنة ، لا منسقاه الما ولا من طاه شعير ، يا قمر ..الحمام يعي و يحن ، وتتعمّر النافورة ،ونعودوا لزمانا كيما كنا .
-38

خرجت ليلةالجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ،قلت ليه : يا سيدي طالت المدة ، قالى : روحى لدارك تصيبيها قدّامك .
-39

خرجت بدر البدور تتزعبل فيالمور ، تلقت هذوك الشعور ،على الخد إلى ينوّر مثل التفاحة.
-40

دارنا في الجبل ، مقابلة مكة ،مفتاحها من ذهب ، يشعل ما يطفي








 


 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 16:58

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc