Ѿ ورشات الفراشات ♥ المطبخ Ѿ

[وفاء الياسمين]

السلام عليكم ورحمة الله وبركاته



مرحبا بكم في ورشة من فكرة أم تغاريد حفظها الله



اتفقنا على جمع مبلغ خاص بالمطبخ لنفرح به أنفسنا ونزين به مطبخنا


و اريد أن أضيف عن الفكرة بعض التفصيلات

أولا لما نجمع المال أول شيء نبدا بيه القماش
مثلا هذا الشهر اشتري قماش
و الشهر الي بعدو اشتري الدونتيل الحاشية الخيط لاوات
و الشهر الي بعدو نكون بإذن الله خيطتو نزيد نشريلو طقم من المناديل قماش و ورقية
و الشهر الي بعدو نشري تابيات اي الزرابي الصغيرة الخاصة بالمطبخ
هكذا يولي عندنا طقم كامل ومنحسولوش غالي


بالنسبة للقماش انا لما نشري نحب نشري كمية كبيرة باش نخيط براحتي

مثلا 5 مترات ، 6 مترات أنت و شحال لميتي دراهم

و بالنسبة للحاشية و الاشياء الاخرى نخلوهم بعد مانتعلمو نحسبو

الآن كيفاش نحسب واش راح نخدم

التي لا تعرف أبدا كيف تحسب

تستعين بورق ابيض و قلم وترسم الاشياء الي حابا تخدمها
ومن بعد تبدا تقيس بالحاجة

النافذة طولا وعرضا و الطول نبداوه من مكان الحطبة نتاع الريدو



الطاولة تقيس و تزيد على حسابها من كل جيهة شوي

و الطابلية تقيس على روحها



و حاملة الاشياء السخونة تحط يدها و تفتحها مليح وترسم الشكل من الفوق مع شوية زيادة
من سنتيمين الى ثلاث هذا دايما نزيدوه باش ما يجوش صغار



و للبقية حديث بإذن الله

[وفاء الياسمين]

هذه بعض الستائر سهلة الخياطة
كي نشرو اللوازم كل وحدة تحط واش حابة تخيط و ترسم على ورقة و تصورو و تحطو هنا وراح نتعاونو بإذن الله ونخيطوهم

[وفاء الياسمين]

وهذي بعض أدوات المطبخ بإذن الله نخيطوهم



هذا علابالي متلقاوش هذا القماش لكن ممكن تشرو منديل من النوع الكبير و نخيطوه هكذا


هذي شوي تشد اليد ولازملها الصبر


و هنا رابط تديو منوا افكار
https://www.djelfa.info/vb/showthread...1891729&page=2

[ام اكرم31]

السلام عليكم اختي ام نسيبة بارك الله فيك على هاد العمل انا جد سعيدة لاني كنت متمنية نخيط طقم للمطبخ على دوقي

[وفاء الياسمين]

وعليكم السلام ورحمة الله وبركاته أم أكرم

تخيطيه بإذن الله ويجي شباب بلا مزيتو

[ام مريم الجزائرية]

يعطيك الصحة وبارك الله فيك

[oum sabrin]

السلام عليكم و رحمة الله
رووووووعة يا ام نيبة بارك الله فيك على هاذ الموضوع راني متمنية نتعلم نخيط و لو اشياء بسيطة لمطبخي
ان شاء الله بالارادة و بمساعدتك محققها
ربي يحفظك و يرزقك بالذرية الصالحة امين يا رب

[zara08]

بارك الله فيك أحلامي ستتحقق معكن كنت اتمنى ان اتعلم الخياطة لكن لازم نشري الماكينة فما رأيك يا أخت نسيبة في ماركة كوبرا

[وفاء الياسمين]

المشاركة الأصلية كتبت بواسطة ام مريم الجزائرية

يعطيك الصحة وبارك الله فيك

المشاركة الأصلية كتبت بواسطة oum sabrin

السلام عليكم و رحمة الله
رووووووعة يا ام نيبة بارك الله فيك على هاذ الموضوع راني متمنية نتعلم نخيط و لو اشياء بسيطة لمطبخي
ان شاء الله بالارادة و بمساعدتك محققها
ربي يحفظك و يرزقك بالذرية الصالحة امين يا رب

المشاركة الأصلية كتبت بواسطة zara08

بارك الله فيك أحلامي ستتحقق معكن كنت اتمنى ان اتعلم الخياطة لكن لازم نشري الماكينة فما رأيك يا أخت نسيبة في ماركة كوبرا

و عليكم السلام ورحمة الله و بركاته جميعا جزاكم الله خيرا على المرور



بالإسرار و الجدّ سنحقق أحلامنا

بالنسبة للماكينة يا أختي و الله ما نعرفلهم مليح
أنا عندي تويوتا تعبتني شوي لكن راهي مليحة الحمد لله

شوفي أظن أن سانجار و بروذر من أحسن الماركات و الله أعلم

[أم ريتاج زهرة]

الله الله على حبيبتي الشاطرة توحشك حنونة و توحشت جديدك المهم باركيليحنونة درت الموتار في الماشينة اللي راهي عندي لاني ما نعرفش نبيدالي المهم راني معاك يا الغالية ربي يخليك لينا و سلميلي على نسيبة

[الوردة الندى]

بارك الله فيك يا ام نسيبة

[البحر الصافي]

شكرا لكي اختي ام نسيبة افكار رائعة حقا
عندي قماش تاع ريدو كوزينة كي نصورو نحطهولك وانتي تقترحي عليا المودال
والنافذة تاع كوزينتي المنيوم تروح وتجي يصلحلها ريدو ولا لا راهي جاتني كيما راهي متحوفة ومنعرف

[أم أماني وعبدو]

ما شاء الله اختي موضوع قيم جدا وافكار راءعة وراقية بارك الله فيك جعلها الله في ميزان حسناتك

[om_nour]

اللَّهُمَّ إِنّا قَدْ عَلِمْنا أَنّا عَنْ هَذِهِ الدُّنْيا رَاحِلُونَ، وَلِلأَهْلِ وَالأَحْبَابِ مُفَارِقُونَ، وَيَوْمَ القِيامَةِ مَبْعُوثُونَ، وَبِأَعْمالِنا مَجْزِيُّونَ، وَعَلَى تَفْرِيطِنا نَادِمُونَ، اللَّهُمَّ فَوَفِّقْنا لِلإِسْتِدْرَاكِ قَبْلَ الفَوَاتِ،

وَلِلتَّوْبَةِ قَبْلَ الْمَمَاتِ، وَارْزُقْنا عِيشَةً هَنِيَّةً، وَمِيتَةً سَوِيَّةً، وَمَرَدّاً غَيْرَ مُخْزٍ وَلاَ فَاضِحٍ، وَاجْعَلْ خَيْرَ أَعْمَارِنا أَواخِرَها، وَخَيْرَ أَعْمالِنا خَواتِمَها، وَخَيْرَ أَيّامِنا يَوْمَ نَلْقَاكَ، بِرَحْمَتِكَ يا أَرْحَمَ

الرَّاحِمِينَ. اللَّهُمَّ اعْفُ عَمّا سَلَفَ مِنّا وَكَانَ، مِنَ الذُّنُوبِ وَالعِصْيانِ، وَاعْصِمنَا فِيمَا بَقِيَ مِنْ أَعْمَارِنا. اللَّهُمَّ اعْصِمْنَا فِيمَا بَقِيَ مِنْ أَعْمَارِنا، يَا خَيْرَ الْمَسْؤُولِينَ، وَيا أَكْرَمَ الأَكْرَمِينَ،
يا أَرْحَمَ الرَّاحِمِينَ يا الله.

اللَّهُمَّ اجْعَلْ آخِرَ كَلاَمِنا مِنَ الدُّنْيا لاَ إِلَهَ إِلاَّ الله مُحَمَّدٌ رَسُولُ اللهِ

[fatyph2012]

السلام عليكم تعجبني الخياطة بصح ماعنديش الموهبة اعجبتني لوازم المطبخ لا توجد في مطبخي نافذة ربما احاول معكم في الباقي شكرا