المهمة الثالثه ،سطايفيه عرض أعمال المشتركات

[stayfiya]

السلام عليكم و رحمة الله و بركاته
مبارك عليكم الشهر و كل عام و أنتم بخير
اللهم اجعلنا من الصائمين القائمين
و بما إنّو العمل عباده اليوم حبيت نفتتحو ورشه جديده
خلي نقول ورشات
بمناسبة رمضان بغيتها تكون ورشه لعمل قطعه للعيد
قلت ورشات لأنو كل وحده تسجل تحط المودال لي باغيه طبقو (هي لي تقترح المودال)
ممكن وربه تاع دار جلابه عبايه او روبه لطفله صغيره او فراش للصالون يتم عرض المودالات
ببعث رسالته خاصه لي او لأحد المشرفين فترة التطبيق تكون لمده أسبوعين.
التطبيقات يتحطو في الأسبوع الأخير من الشهر الكريم
الأسبوع الاول لإتمام التسجيل و انضمام المشتركاتلي تحب تشارك ما عليها غير تحط اسمها
و كي العاده هاذي ورشه ميش مسابقه
معناه ماتستناوش تكريم او وسام من الادارة او المشرفين
الورشه غير مغلقه
في حالة ما اذا اتفقتو كامل على حاجه وحده الورشه راح تكون مفتوحة عكس الورشات الماضيه
( بشرط عدد المشتركات اكثر من عشره
و الشرط الثاني المشتركات فقط مطالبين بالتطبيق
و كذلك الاسئله بخصوص الدرس تكون من حقهم فقط
التسجيل مفتوح الى غاية الخميس
تبقى الصفحة الاولى كمرجع للموضوع و للدرس و اسماء المشتركات و أعمالهم في النهاية
شكرًا لكم في انتظار التحاقكم
السلام عليكم

[stayfiya]

Om aya
Maria dady
Biba04
Amel
Djamilache23
Imi 122009
Loudjeine2000
Polyma
ريما الجزائريه
Rachaz
اسيا ابراهيم
ام حمزه22
Souheiladz
Aya33
انوار الايمان

[stayfiya]

السلام عليكم

مساء الانواار

هاذي مجموعة الروبات لي اخترتوها نتوما

و كل وحده فيكم اقترحت مودال من عندعا الان تقدرو

تزيدو تخمو و ديرو اختيار نهائي

كل وحده يعجبها مودال تنسخو و تحطو و نبداو الخدمه

باذن الله

*

الباترونات

[stayfiya]

السلام عليكم و رحمة الله و بركاتته

خير ما نختم به هاذ الشهر الكريم

اعمال انجزناها بايدينا في وقت تراكمت فيه

الانشغالات و العبادات على هاتكنا

تحت درجه عاليه من الحراره و ظروف غير ملائمه

تحدينا كل هاذا و قدمنا لانفسنا و اهلنا بذره خير

نرجو من الله قبول العباده و المباركه فيها

اشكر كل من ساهم في الورشه

كل من شجع

كل من مر من هنا

هذه ابداعاتنا

souheila dz

ام حمزه 22

...amel

أنوالر الايمان

.loudjeine2000

.

.

.

[ام امجد و انفال]

صحى فطورك يا عمري أنا سعيييييييييييدة لأني أول من ترد نتمنى نكون من لمشاريكين بصح لماكينة نتاعي راها فاسدة وكيما تعرفي مزال مفهمتليهاش لعمود نتاع لكراع طلع بزاااااف حتى خرج من لفوق سبب لقماش غليظ ههههه ورغم هذا ضرك سي مع سبعي شوف ليها ونللحق

[stayfiya]

المشاركة الأصلية كتبت بواسطة ام امجد و انفال

صحى فطورك يا عمري أنا سعيييييييييييدة لأني أول من ترد نتمنى نكون من لمشاريكين بصح لماكينة نتاعي راها فاسدة وكيما تعرفي مزال مفهمتليهاش لعمود نتاع لكراع طلع بزاااااف حتى خرج من لفوق سبب لقماش غليظ ههههه ورغم هذا ضرك سي مع سبعي شوف ليها ونللحق

صح رمضانك ام مجد أنا الأسعد ولكان تنضمي لينا و طبقي حويجه و تدعيلي معاك
في انتظااااركم

[OM AYA]

صحيتي حبوبتي طليتي على قلبي راح نخيط حوايجي نتاع العيد

يشرفني ان ااشارك في الورشة نتاع حوايج العيد ههههه. بصح الموديل ما عنديش تصويرتو شفتو يتباع برك بصح ضرح نحوس كاش ما نلقى يشبه شوي

[Maria dadi]

رمضانك كريم يجارتي لعزيزة وكل عام وانت بألف خير صح فطورك
اريد ان أشارك معكم في ورشات حوايج العيد ان شاء الله تكون
لمة ورشة طيبة نحوس على كاش مودال ونبثهولك يالحبيبة

[biba04]

رمضان مبارك للجميع
سطايفية يعطيك الصحة الفكرة هايلة وحابة نخيط ليا ولبنتي درك نحوس علي مودال ونبعتلك

[stayfiya]

المشاركة الأصلية كتبت بواسطة maria dadi

رمضانك كريم يجارتي لعزيزة وكل عام وانت بألف خير صح فطورك
اريد ان أشارك معكم في ورشات حوايج العيد ان شاء الله تكون
لمة ورشة طيبة نحوس على كاش مودال ونبثهولك يالحبيبة

اهلًا جارتي ماعندناش وقت بزاف شوفي حويجه خفيفه برك

المشاركة الأصلية كتبت بواسطة biba04

رمضان مبارك للجميع
سطايفية يعطيك الصحة الفكرة هايلة وحابة نخيط ليا ولبنتي درك نحوس علي مودال ونبعتلك

اهلا بيبا شكرا على الانضمام اذا قادره تطبقي زوج حوايج ميش مشكل بصح عنصر الوقت مهم

لبنات انا ماذا بيا ترساو. على حاجه و تتفقو عليها او زوج ( يعني نفس القطعه نطبقوها مع بعض) باش ما تتغبنش حتى وحده بالوقت و الباترون و نتاقشو و اذا بغات كل وحده قطعه خاصه بيها ميش مشكل معناه كل وحده نرسللها عى الخاص باترونها و طبقو. تبقى غير تراسلني هنا (بصح علابالي واحد ماراح يفهم خوه ههههههه )

[imi122009]

السلام عليكم صح رمضانكم والله طليتي علي قلبي حابة نخيط كاش قندورة شابة للعيد أنا ننظم معكم بإذن الله. ولكن ملقيتش المودال اللي يعجبني. يرحم والديكم اللي عندها كاش مودال تبعثلي صح فطوركم

[loudjeine2000]

صح رمضانك اختي سطايفية وصحا رمضان كل الاخوات طليتي على قلبي بما اني حبا نخيط فستان لبنتي الصغيرة للعيد وجيتي انتي نحيتيلي الخوف علابالك حوايج الصغار تجي خياطتهم شوي واعرة مش كيما لكبار وكذالك فستان تاع خرجة لبنتي عمرها 14 سنة جايتني ضعيفة في صحتها مي طويلة مجاتش فيا هههههههه فاتتني في الطول ان شاء الله نبعتلك المدلات لي في بالي وناخد رايك فيهم وفي امان الله

[polyma]

رمضانك كريم و صح فطورك
حت ان أشارك معكم في ورشات حوايج العيد ان شاء الله تكون
لمة ورشة طيبة حطينة كاش مودال ونصوتو عليه هاك غير وش ريك سطوفتي

[ريما الجزائريه]

ا رمضانك كريم ريد ان أشارك معكم

[stayfiya]

المشاركة الأصلية كتبت بواسطة imi122009

السلام عليكم صح رمضانكم والله طليتي علي قلبي حابة نخيط كاش قندورة شابة للعيد أنا ننظم معكم بإذن الله. ولكن ملقيتش المودال اللي يعجبني. يرحم والديكم اللي عندها كاش مودال تبعثلي صح فطوركم

اهلا ايمي. لازم تلقاي المودال باش تخمي في الفصاله و الحرج. اذا ما قررتوش واش ديرو منا للجمعه راح نضطر نخدم غير مع لي حطت المودال

المشاركة الأصلية كتبت بواسطة loudjeine2000

صح رمضانك اختي سطايفية وصحا رمضان كل الاخوات طليتي على قلبي بما اني حبا نخيط فستان لبنتي الصغيرة للعيد وجيتي انتي نحيتيلي الخوف علابالك حوايج الصغار تجي خياطتهم شوي واعرة مش كيما لكبار وكذالك فستان تاع خرجة لبنتي عمرها 14 سنة جايتني ضعيفة في صحتها مي طويلة مجاتش فيا هههههههه فاتتني في الطول ان شاء الله نبعتلك المدلات لي في بالي وناخد رايك فيهم وفي امان الله

اوكي ابعثيلي راني نستنا لجين ربي يعيشلك بنياتك

المشاركة الأصلية كتبت بواسطة polyma

رمضانك كريم و صح فطورك
حت ان أشارك معكم في ورشات حوايج العيد ان شاء الله تكون
لمة ورشة طيبة حطينة كاش مودال ونصوتو عليه هاك غير وش ريك سطوفتي

اهلا بوليما لالا انا ما نحطش مودال كل وحده تحط المودال لي باغيه هكذا من بعد نصفيهم و نحطهملك اذا تفاهمتو على مودال معين نديرو ورشه مفتوحه اذا كل وحده تصر على مودالها راح تكون مغلقه و بالتالي كل وحده باترونها يوصلهاعلى الخاص و المناقشه اكيد هنا واش قلتو ؟؟

المشاركة الأصلية كتبت بواسطة ريما الجزائريه

ا رمضانك كريم ريد ان أشارك معكم

اهلا و سهلا ابعثيلي واش حابه تخيطي !?