وصفات سهلة للعاملات

صدفات · 2014-05-07, 09:57

.صباح الخير يا اخواتي العزيزات

اليوم خطرت في بالي فكرة قلت نتشاركوا فيها كيما علبالكم السخانة بدات واحترنا في واش نطيبو كل يوم الصباح على الغداء خصوصا احنا العاملات فيا حبذا لو كل وحدة عندها وصفة مجربة سريعة التحضير تنفعنا بيها .فاولادي خلاص رفعوا راية لا للمرق,العدس,الوبيا و غير ذالك من وجبات الشتاء.

nadjetdz · 2014-05-07, 10:22

ان شاء الله تلقاي تجاوب موفقة

هانية2 · 2014-05-07, 14:20

غراتان البطاطا بالإسكالوب
طبق سهل وإقتصادي ويحبوه الأطفال
نحتاج كمية من الإسكالوب حوال 3 شرائح نقطعوهم قطع صغيرة
نحط في مقلاة شوية زيت وحبة بصل مسكرفجة والإسكالوب المقطع
والملح والفلفل الأسود ونقليوهم مليح من دون إضافة الماء
نأخذ صينية دائرية ندهنها بالزبدة ثم نقطع البطاطا دوائر ونصففها على الصينية
ضعي طبقتين من البطاطا ونرش شوية برك ملح
ثم نضع فوقها الحشو اللي طيبناه
ومن بعد نزيد فوق الحشو طبقة او اثنان نتاع بطاطا مقطعة دوائر ونرش بقليل من الملح
ثم نفرغ على السطح البيشاميل ، خلي البيشاميل جارية شوية باش تطيب البطاطا
ثم ندخلها الفرن حتى ترجع مجمرة نوعا ما من الفوق ، تستغرق حوالي ساعة ونص في الفرن
أكيد رايحة تفرحي بيها أطفالك لأنها لذيذة