أفكار مشاريع صغيرة مربحة للشباب (شاركنا بفكرتك) - الصفحة 40

rabah ag · 2012-03-04, 16:38

اقتباس:

المشاركة الأصلية كتبت بواسطة hicham220

لدي أفكار كثيرة كي أستطيع مناقشة الزملاء لرسم طرق السير
أستطيع المساعدة لأني مستفيد من nsej وبمبلغ خيالي.
حتى ام الامام بودوخة (‘مام المسجد الكبير سطيف)
افتى ان nsej ليست ربي او ما شابه.
أنا في خدمة إخواني

خويا رايي بعد من لونساج مادام فيها شبهة وتاكد ماتركت شيء لله الا عوضك افضل منه

rabah ag · 2012-03-04, 16:42

اقتباس:

المشاركة الأصلية كتبت بواسطة valentino 46

السلام عليكم خاوتي ، قريت الموضوع و لقيت فيه أفكار و حبيت نشاركم بفكرتين ربما تنفعكم لتجدو فرصة للعمل :

- الفكرة الأولى هي إنشاء محل للتنظيف الملابس و الكوي " ديغريساج و براسينغ "

- الفكرة الثانية صعبة شوية ، و هي فتح dépot للمشروبات ، يعني كفيتاجو أو رويبة أو هيك شيء

فكرتين ملاح ارى انهما يحتاجان انو المكان يكون في مدينة كبيرة وفي بلاصة فيها الحركة كبيرة

rabah ag · 2012-03-04, 16:46

اقتباس:

المشاركة الأصلية كتبت بواسطة هشام_525

السلام عليكم
يا اخواني راني نشوف المشاريع و نضحك غير حانوت و مطعم و سيبار ووو يعني أفكار أي واحد يقدر يعملها يلزملك رأس مال صغير فقط
شوفو أنا عندي فكرة حاب نطرحها عليكم و تخص نوعا ما المثقفين
أولا أنا نقترح هذه الفكرة ل 4 أو 5 أشخاص أو أكثر و يكونو من ولاية واحدة و يمكن في كل ولاية يعملو مجموعة أخرى نفس المشروع
الفكرة هي مدرسة خاصة للتعليم ولا أقصد école privée يعني للدروس الخصوصية و غيرها ماذا تحتاج لتبدأ
مثلا تحتاج
1 أساتذة في اللغات الأجنبية مثلا فرنسية و انجليزية و اسبانية أو لغة أخرى إن توفرت و لهذا قلت ممكن اشتراك عدة أشخاص مثلا أصحاب ليسانس في اللغات المذكورة
2 أساتذة في الإعلام الألي كالمكتبية و بعض البرامج الهندسية مثل autocad و غيرها و البرمجة و تتطلب نفس الشيء أساتذة في المجال
3 أساتذة في مواد كالرياضيات و الكيمياء
هذي هي الفكرة تاعي يعني ممكن يشترك فيها مجموعة من الأشخاص و الفائدة جماعية و يجب رؤية ما تتطلبه من قاعات و مكتب للإستقبال و اجهزة و غيرها
أتمنى سماع أرائكم و اقتراحاتكم

خويا الفكرة مليحة لكن اظن انها مش بلادها التسرب المدرسي راه داير حالة في البلاد وشكون ليقبل يقرالك اللغات والعربية وماقراوهاش

rabah ag · 2012-03-04, 16:47

اقتباس:

المشاركة الأصلية كتبت بواسطة محمد سامي

المواد الغدائية لااراها مشروعا مربحا مقارنة بمحلات الفاستفود والكنكاري والملابس والاحدية.........

الربح بسيط 10د +5د .............

فمحت الالبسة والالكترونيات يربحون ثمن السلعة مضاعفا مرتين الى ثلاث مرات

في راي شوف نشاط اخر

صح خويا كيما قلت

rabah ag · 2012-03-04, 16:50

اقتباس:

المشاركة الأصلية كتبت بواسطة محمد سامي

الفلاحة الشتوية مربحة جدا
اانظر الى اسعار الخضر كم ترتفع اسعارها الى السقف في الشتاء
طماطم 80دج
فلفل حار وحلو 140دج واكثر

وهي التي تزرع في البيوت البلاستيكية لاتستهلك مياه

الفلاحة مربحة جدا لكن يجب ان تنتج محاصيل مربحة وتدرس سوق الخضر والفواكه وتجرب

لااستشاراتكم انا في الخدمة

ساوافيكم بافكار فلاحية

صح الفلاحة فيها مدخول كبير اذا عرفت كفاه نخدمها وتراقب السوق مليح

rabah ag · 2012-03-04, 16:54

اقتباس:

المشاركة الأصلية كتبت بواسطة محمد سامي

ادا كنت تبيع ملابس فاظحة للمتبرجات فانت تكسب معهن الاثم والدنوب

جرب محل للالبسة النسائية الشرعية

تعاونوا على البر والتقوى ولاتعاونوا على الاثم والعدوان

للاسف اسواق اللباس ولات عرى في عرى

rabah ag · 2012-03-04, 17:00

اقتباس:

المشاركة الأصلية كتبت بواسطة faridhc

أريد إستفسار حول مشروع
المشروع هو فتح محل متخصص في تصليح أعطاب السيارات الجديدة
يعني محل مختص في scanners+mécatronique automobile
هل هو مشروع ناجح ام لا

اكيد مربح اذا كنت تتقن مليح عمليات التصليح رايح تشهر ويقصدوك الناس صح في البداية طول ماتعرف بعدها تستقر مليح وربي يوفقك

rabah ag · 2012-03-04, 17:04

اقتباس:

المشاركة الأصلية كتبت بواسطة milkehamza

السلام عليكم
أخي انا لدي شهادتين réparation de pc و informatique و أريد ان افتح محل لبيع و تصليح أجهزة الكمبيوتر
هل استطيع اخذ قرض من l'ansej و هل يلزمني registre de commerce
و هل هذا المشروع مربح ام تنصحونني بشيء آخر ؟

مشروع جيد لاتفسده بحكاية لونساج ..... ندبر عليك شوف كاش واحد صاحبك اشرك معاه عليه دراهم وعليك الخدمة واكيد ربي يوفقك مادام مال حلال نصيحتي بعد لونساج

rabah ag · 2012-03-04, 17:09

اقتباس:

المشاركة الأصلية كتبت بواسطة aouf17

واش رايكم ياجماعة في تربية الماعز للحليب و اين استطيع الشراء النوع الجيد وماهو راس المال

خويا الغنم افضل من الماعز تستفيد من لحمها ولبنها وصوفها وراك شايف كي يلحق عيد الاضحى الكبش ب 7 ملايين... راس المال حسب الامكانيات لعندك ومكان الاواء قادر تبدى ب 10 اغنام وتصبر عليهم

rabah ag · 2012-03-04, 17:14

اقتباس:

المشاركة الأصلية كتبت بواسطة hadjoul

باسم الله الرحمان الرحيم اما بعد=أنا املك شهاد تأهيل في الكهرباء واردت ان افتح بطاقة حرفي=رجيستر= لكن اين اسمع بالمشاريع لازمتلك معريفة حتى ولو في30 بلدية او40 لكي اسمع بالمشاريع التي سأشارك فيها

خويا شوف مع المقاولين شد عليهم مشروع الكهرباء للسكنات ليبنوها واتقن خدمتك رايح يعود الطلب عليك بالمعريفة انت تعود تشرط عليهم

rabah ag · 2012-03-04, 17:25

اقتباس:

المشاركة الأصلية كتبت بواسطة النجم الثاقب

انا عن نفيب اشاطرك الراي بما اني اعتمدت هدا الطريق اي اني متحصلة على شهادة جامعية وشهادة الكفاءة المهنية في الحلاقة وشهادة الكفاءة المهنية في الخبياطة شهادة عامل تحصيل في الاعلام الالي لكن دون جدوى فانا اعمل في مؤسسة تربوية بعقد الادماج واوشك هدا الاخير على انتهاء المدة المحددة وعملت من قبل في صالون حلاقة لكن لم احقق ما طمحت له طيلة هاته السنوات اي لا وضيفة دائمة ولا راس مال اوضفه في المشاريع الحرة فاين الحل يا اخي .

ختي الله يبارك حلاقة وخياطة واعلام الي ندبر عليك شوفي صالون نتاع حلاقة اخدمي (الله يبارك راهم يدخلو مليح عندي خيتي خدمت في الحلاقة) اجملي دراهم واقتصدي مليح بعدها اشري الة خياطة وابداي خيطي وقسمي وقتك صباح حلاقة والعشية خياطة صح البداية صعيبة وطويلة بصح نهار لتعرفي مليح تعودي ماتلقايش الوقت من كثرة العمل وربي يباركلك مادام صح تتعبي في عملك .... بالتوفيق

rabah ag · 2012-03-04, 17:29

اقتباس:

المشاركة الأصلية كتبت بواسطة بشار206

نحن في بلد لا يعرف الانتاج فكيف تريدونا منا ان ننتج

كلامك صح لكن صدقني اذا مش كل واحد اعتمد على نفسه من الان رايحين نعانو مع وقت جاي

أم احمد3 · 2012-03-04, 18:29

اريد رايكم اخوتي

احس بالملل الشديد في البيت وجعلت من الحاسوب الشغل الشاغل
لذا فكرت لو كنت اعمل
حلاقة في البيت هل انجح
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خاصة وان كان الموقع لديه الكثير من الصالونات
لكن فكرت ان اجعل السعر قليل جدا
وابدا بالفتيايات هذا الصيف الصغيرات يعني
وبعد ان اتقن المهمنة كثيرا ساعمل للعرايس والللكل

rabah ag · 2012-03-04, 22:45

اقتباس:

المشاركة الأصلية كتبت بواسطة samra3

اريد رايكم اخوتي

احس بالملل الشديد في البيت وجعلت من الحاسوب الشغل الشاغل
لذا فكرت لو كنت اعمل
حلاقة في البيت هل انجح
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خاصة وان كان الموقع لديه الكثير من الصالونات
لكن فكرت ان اجعل السعر قليل جدا
وابدا بالفتيايات هذا الصيف الصغيرات يعني
وبعد ان اتقن المهمنة كثيرا ساعمل للعرايس والللكل

اختي امر النجاح والفشل عند الله ....... اذا كنت تتقنين عمل الحلاقة اتكلي على ربي وابداي واصبري ماتمليش كيما يقولو ماكانش قصر تبنى في ليلة... صح حاولي انك تجيبي حوايج جديدة وطوري عملك وربي يعينك البداية صعيبة شوية تحتاج شجاعة بعدها تتاقلمي عادي.... بالتوفيق ان شاء الله

حسان أوراسي · 2012-03-05, 16:32

لدي رأس مال يفوق 50 مليون لمن يريد مشاركتي في مشروع
فقط ان يكون من ولاية باتنة او خنشلة
الرد يكون للجادين فقط