أنا من سكيكدة إحتمال كبير أني سانجح لكن سأتخلى عن المنصب

[aqua21]

السلام عليكم
كنت قد شاركت في مسابقة التعليم المتوسط و إحتمال كبير اني سأنجح في مادة اللغة الإنجليزية لكنني إدا نجحت سأتخلى عن المنصب لانه لدي منصب عمل دائم و مرسم وكنت قد شاركت في هده المسابقة لاني همشت كثيرا في هده الولاية و اردت ان ارى اسمى من الناجحين فقط

لدلك على الدي يأتي في اول قائمة الاحتياط ان يتصل بالمديرية فيما بعد حتى لا يضيع حقه و يعوضوه بشخص أخر من احبابهم

إدا نجحت ساقول لكم
بالتوفيق للجميع

[ayaamira666]

اخي خبرنا بكاش جديد عن النتائج بولاية سكيكدةرانا كرهنا من الانتظار
والله رانا محتاجين نسمعو فرحة في هذا رمضان و نفرحو اهلنا بينا

[aqua21]

ساعة ساعة ديري طلة للموقع هدا
https://www.educ-skikda.com/

[sofiamr]

انا لا ادري لما هذه الانانية الكثير ممن لديهم مناصب دائمة ويزاحمون البطالين ولكن الحمد لله ان الرزق بيده وحده

[aqua21]

المشاركة الأصلية كتبت بواسطة sofiamr

انا لا ادري لما هذه الانانية الكثير ممن لديهم مناصب دائمة ويزاحمون البطالين ولكن الحمد لله ان الرزق بيده وحده

واشبيك قلقان
إدا كان عندك الشروط المطلوبة راك رايح تنجح و دير في بالك واحد ما زاحمك و لا كان ما عندكش الشروط استنى حتى توصل دالتك

رانا كامل عندنا ربنا

[sofiamr]

شكون قالك ما عنديش الشرو ط راني ضاربة عشر سنين بطالة من 2005 زايد ديبلوم تاني من 2009 ولوكان ماشي المحسوبية والمعرفة واللي راهم يبدلو فالليبوسط راني ببلاستي وزيد خدمت لانام عامين واستخلاف عام وثلاث سنين محو الامية هاذي بلا اللي خدمتو فالبريفي

[kaza100]

الله يرزقك أختي، ويرزق الجميع الرزق الحلال الطيب، إن الله هو الرزاق ذو القوة المتين، علينا الدعاء ثم الدعاء لله فهو القريب مجيب الدعوة من دعاه ، سلام

[kaza100]

شكرا أخي الكريم على الإبلاغ، قصدت خيرا فجزاك الله كل خير

[moh_boulk18]

نعم هدا صحيح اخوانى هناك من لهم مناصب دائمة و زيد يشارك فى مسابقة يزاحم فيها الناس

نعرف واحد خدام فى البلدية و فى البوسط نتاعو و شارك فى مسابقة التربية و نجح فى الاخير بقى منصبه القديم و علاش هدا كامل و الله تحيير فى الناس

[aqua21]

انا ما فهمتش الناس كيفاه يخمموا
واش المصطلح هدا لتستعملوه يزاحموا ياخي واحد ما جا زاحمكم في داركم ولا في فراشكم
من حق كل شخص يطمح أنو يطور حياتو إدا كانت عندو الإرادة اما الأنسان الفاشل هو لى يحس بلى الأخرين يزاحموه و يتمنى نهار المسابقة يموتوا الناس كامل باه يفوت وحدو لانو اناني و هدا ما هوش رايح ينجح طول حياتو .
مثلا واحد يشتغل بالمتوسط او الأبتدائي و هو عندوا ماجستير من حقو ان يشارك في مسابقات الجامعة وكي ينجح بلاصتو يخليها لناس اخرين و هكدا الحياة تتبدل . كلين ناس يخرجو للتقاعد و ناس يموتوا وناس يبدلوا القطاع وناس يهاجروا و هما ليخلوا المناصب تاعهم لناس كيما نتوما باه تخلفوهم .


انا قررت لوكان ننجح رايح نتخلى عن المنصب القديم وندي الجديد ça va هكا

[YACINE ESM]

هههههههههههه تحب تدوخ تفهم في هاد البلاد و هاد الشعب ........هرمنا منكم و الله

[Kamoul]

الله غالب هناك بعض الناس لا تعي ما تقول عموما ربي يجيب الخير والله المستعان

[أحمد زابانة]

القناعة كنز لا يفنى . عموما المشكل ليس في هؤلاء الناس ... المشكل في القوانين التي تسمح لهم بالمشاركة

[imane mina]

بارك الله فيك اخي على الابلاغ انت نيتك الصافية والغاشي يحب التقرعيج

[Peerless]

لقد اعلنوا عن النتائج
هل انت في قائمة الناجحين