طريقتي في تحضير الشاي

.ام زكرياء. · 2015-04-22, 16:24

كيف الحال اليوم حبيت نوريلكم طريقتي في صنع الشاي علابالي يختلف من منطقة لاخرى وزيد تقولو هادي حاجة ساهلة مي انا وحدة من الناس خطرات يجي مليح وخطرا يجي قاطع حتى عرفت هادي الطريقة وهيا انك اديري الماء يغلي وديري الكمية ليحبيتي تع الشاي الجاف في طبسي ولا حاجة وديري عليها هاداك الماء السخون وخليها تتنقع امبعد عادوي ديري الكمية تع الماء وديريها تغلي وغسلي النعناع وكي يغلي ديريه فيه تغلي زوج غليات طفي وخليه يطلق ومنها الشاي انتي شليه ديريه في صفاية وشليه بالماء وديريه على النعناع هاداك يكون طلق مليح وزيدي غليه واحد زوج غليات وطفي ومادام يقعد مادام اللون اتاعو يتركز وتضمني مايجيكش مر بالعكس مهما كثرتي الشاي يجي مليح وميغيضكش هاداك الماء تع لاتاي المنقوع نرموه بالعكس مر نخليكم مع الصور

warda nawri · 2015-04-22, 17:52

يعطيك العافية حبيبتي عندي مشكلة مع تحضير شاي انتاع الصح. وانت درتي اللازم. شكرا.

اسمهان79 · 2015-04-22, 18:12

شكرًا حبيبتي تسلم ايدك
اكيدًمن ايديك يخرج روعةةةةةةة
انا مانعرفش نطيبو خااااااايبة هههههههههه
بارك الله فيكي

.ام زكرياء. · 2015-04-22, 19:35

لا شكر اخواتي انا تان واحد الوقت كنت نتبهدل انا نديرو ويخرج قاطع نتبهدل حتى وحدة صديقتي خوها يخدم في بسكرة قالولو حنا الشاي نغسلوه مليح ولا ننقعوه ونسيت نقولكم ادا كان كاين النعناع الجاف تان مليح للبنة

فايزة1207 · 2015-04-23, 13:44

كيف الحال اليوم حبيت نوريلكم طريقتي في صنع الشاي علابالي يختلف من منطقة لاخرى وزيد تقولو هادي حاجة ساهلة مي انا وحدة من الناس خطرات يجي مليح وخطرا يجي قاطع حتى عرفت هادي الطريقة وهيا انك اديري الماء يغلي وديري الكمية ليحبيتي تع الشاي الجاف في طبسي ولا حاجة وديري عليها هاداك الماء السخون وخليها تتنقع يعني نخلو الشاي في الماء؟
امبعد عادوي ديري الكمية تع الماء وديريها تغلي وغسلي النعناع وكي يغلي ديريه فيه تغلي زوج غليات طفي وخليه يطلق
هاذي فهمتها
ومنها الشاي انتي شليه ديريه في صفاية وشليه بالماء وديريه على النعناع يعني نرمي الماء نتاع الشاي ونحط الورق برك؟
هاداك يكون طلق مليح وزيدي غليه واحد زوج غليات وطفي ومادام يقعد مادام اللون اتاعو يتركز وتضمني مايجيكش مر بالعكس مهما كثرتي الشاي يجي مليح وميغيضكش هاداك الماء تع لاتاي المنقوع نرموه بالعكس مر
والسكر وقتاش تحطيه
تقولي راح نطلع صاروخ ههههههههه

.ام زكرياء. · 2015-04-23, 16:24

اقتباس:

المشاركة الأصلية كتبت بواسطة فايزة1207

كيف الحال اليوم حبيت نوريلكم طريقتي في صنع الشاي علابالي يختلف من منطقة لاخرى وزيد تقولو هادي حاجة ساهلة مي انا وحدة من الناس خطرات يجي مليح وخطرا يجي قاطع حتى عرفت هادي الطريقة وهيا انك اديري الماء يغلي وديري الكمية ليحبيتي تع الشاي الجاف في طبسي ولا حاجة وديري عليها هاداك الماء السخون وخليها تتنقع يعني نخلو الشاي في الماء؟
امبعد عادوي ديري الكمية تع الماء وديريها تغلي وغسلي النعناع وكي يغلي ديريه فيه تغلي زوج غليات طفي وخليه يطلق
هاذي فهمتها
ومنها الشاي انتي شليه ديريه في صفاية وشليه بالماء وديريه على النعناع يعني نرمي الماء نتاع الشاي ونحط الورق برك؟
هاداك يكون طلق مليح وزيدي غليه واحد زوج غليات وطفي ومادام يقعد مادام اللون اتاعو يتركز وتضمني مايجيكش مر بالعكس مهما كثرتي الشاي يجي مليح وميغيضكش هاداك الماء تع لاتاي المنقوع نرموه بالعكس مر
والسكر وقتاش تحطيه
تقولي راح نطلع صاروخ ههههههههه

اختي فايزة ديري الشاي المجفف في طبسي وفرغي عليه الماء السخون باش ينتقع واحد الخمس دقايق اومبعد ديريه في صفايه كيما راني دايرة ورمي عليه الماء يتشلل وايه نرموا هاداك الماء ونديرا هاداك الشاي مع النعناع لي غلى ومتخافيش اصلا اوكان تذوقي هاداك الماء مر بزاف وادا محبيتيش وتحبي هاديك المرورية شليه مليح باماء بارد وديريه مع النعناع مي الماء سخون خير والسكر كل واحد يدير في كاسو ليحب انا منديرش السكر قبل خاطرش كل واحد وكيفاه يحب