عقد مع بنك الفلاحة والتنمية الريفية badr

[دارنا الكترونيك]

المشاركة الأصلية كتبت بواسطة sadako

الناس المترسمة راهي تاخد بل60000 وانت قاع هادا الشيء مقابلة وكلش على جال 10000 ههههههههه فعلا بلاد الفقاقير شوف راح يخدمو بيك ومنبعد يرموك كي تكملك الكونترا

شر البلية مايضحك .

خويا انا راني خدام في البريفي محاسب ب35000 للشهرو بصح مكان لا أسيرونص لا والو والواحد راهو مزوج ضرك مساعدتنيش.
.
10000 من لانام والبنك يزيدك 10000 وقالولي فيها نسبة 80 بالمئة تترسم .

وان شاء الله فيها خير . سلام .

[دارنا الكترونيك]

المشاركة الأصلية كتبت بواسطة أمير دي زاد

صديقي انا من ولاية قالمة و عقبت المقابلة يوم 1 جوان مزال لا جديد على النتائج
بخصوص الترسام راهي فيها حظوظ وفيرة و زيد الكونطرا مفتوحة عامين قابلة للتجديد
بالتوفيق

صح فطورك خويا امير . فيها خير ان شاء الله ربي يوفقك.

[دارنا الكترونيك]

المشاركة الأصلية كتبت بواسطة chaoui@moh

اخي الكريم انت امام عقد cta مع بدر بنك و هو عقد لمدة 3 سنوات غير قابلة للتجديد نسبة الادماج و الترسام كبيرة جدا تفاؤل اخي توكل على الله انا نعرف جماعة صحابي بداو كيما انت cta واحد في بدر بنك واحد في bdl ترسمو او نزيدلك خبر اهمك هذا السيد الي يخدم في بدر بنك قالي دخلت معنا وحدة جديدة cta قالي تبدا تخدم معانا شوية تعرف الخدمة وش فيها امبعد تترسم قالي محال عندنا في لابونك اكونو واحد (ايفورميو) و يسمحو فيه .
خلاصة القول ابدا الخدمة اخي او كون جاد في خدمتك ما تشوف لا هاك لا هاك او ما تسمع هدرة القيل و القال .
اما في ما يخص الراتب لانام تخلص شوية و الباقي تكملو لابونك صدقني راح تحصل على شهرية محترمة بين 4-5 ملاين اكيد .
لانو في هاذ العقد راك تعتبر موظف كيما بقية الموظفين في الحقوق و الواجبات عندك راتب منح علاوات اجازات .....
نتمنى اكون الميساج لحق بالتوفيق اخي و الف مبروك او صحة فطورك

راني فهمتك خويا . مام أنا قالولي فيها نسبة كبيرة انو نترسم .

فيها خير ان شاء الله

[hamzalgeria]

سلام عليكم
إذا كان العقد daip راح يمدواك 15000دج في الشهر
و إذا كان العقد cta راح يمدولك على حساب الشهادة تاعك في حال عندك ليسانس تبدأ ب 35000دج في الشهر

[sidali1988]

لقد تم اسادعائي لمقابلة مثل هذه ورفضت...... لانها حراااااام العمل في بنك ربوي........ الله يوفقك للخير

[aymar00]

يالتوفيق الأخ الكريم

[دارنا الكترونيك]

المشاركة الأصلية كتبت بواسطة aymar00

يالتوفيق الأخ الكريم

امين يارب ان شاء الله

راني بديت الخدمة في البنك .

جماعة والله راني توسوست قالولي بلي نورمالمو حرام كاينة منها؟؟؟ والله مالقيت ماندير.

[sidali1988]

المشاركة الأصلية كتبت بواسطة دارنا الكترونيك

امين يارب ان شاء الله

راني بديت الخدمة في البنك .

جماعة والله راني توسوست قالولي بلي نورمالمو حرام كاينة منها؟؟؟ والله مالقيت ماندير.

اخرج منها حالا... ووكل امرك لله سيرزقك من حيث لا تحتسب....من ترك شيءا لله عوضه خيرا..لان الربا حرب مع الله ومن يحارب الله لابد مغلوب ..الله يوفقك للحق

[ابو الناصر]

اولا مبلغ 100000.00 دج هدا من لانام
ثانيا اسالي على نوع العقد هلل هو ادماج او ادماج مدعم
بالنسبة للدماج عليكي بصبر انا اعرف صديق تم دمجه فى احد البنوك لان
التوضيف فى المؤسسات الاقتصادية اسهل من الوضيف

[badro187]

السلام عليكم
يا اخي انا عامل على مستوى بنك الفلاحة و التنمية الريفية و حاب نقولك بلي في عامك الاول تخدم ادماج بصيغة daip وما تتحصل على حتى فرنك من البنك غير تخدم برك و اذا كنت قد عملت ادماج من قبل و لا يشترط في وين (قصدي عند المؤسسات الخاصة او العمومية) فانت لابد ان تقول لي راهو شاد الموارد البشرية باش ايديرلك كونترا تاع cta لمدة 03 سنوات و منها البنك يقوم هنا باعطائك الحق في التامين الاجتماعي و كلشي و النقطة المهمة هنا و انت في مرحلة 03 سنوات (يعني ماكش مرسم عندهم) انت لا يحق لك ان تتحصل على الارباح و الشهرية تاع الشهر 13 و نقاط pbi (ملاحظة pbi هو نقاط التاهيل او الدعم و هي نقاط تتحصل عليها و تتحول تلك النقاط الى دنانير تصل الى 3000 دج و تضاف الى الاجر القاعدي و هذه الميزة الوحيدة التي تمير بنك الفلاحة عن كل البنوك )
و حاب نقولك بلي مبروك عليك البوسط و نشالله 99.99% ايرسموك

[الفراشة هدى]

السلام عليكم هل يمكن الإشتغال في المؤسسات الإقتصادية بدبلوم ليسانس علوم سياسية من فضلكم وما هي المؤسسات التي يمكن الإشتغال فيها

[kwikol]

المشاركة الأصلية كتبت بواسطة أمير دي زاد

اولا صحا فطورك و مبروك عليك انا مثلك عيطولي بنك بدر و فوتت المقابلة الشفاهية علما اني عندي ليسانس علوم قانونية و ادارية
صديقي اذا كان العقد daip تخلص 10.000 و اذا كان صيغة العقد cta راهم يزيدوك
حاب نسقسيك حاجة برك واش من ولاية انت و بالتوفيق

السلام عليكم .
خويا بعثوني تاع لانام لبنك بدر وعطاوني ورقة قالولي تجوز التاست ويكاشيولك فالورقة .
خويا الامتحان راح يكون شفهي ولا كتابي .

مع العلم أنني متحصل على شهادة ليسانس حقوق .

وما نوع الأسئلة التي يطرحونها علي .

نتمنى تجاوبوني خاوتي .