علاج انخفاض ضغط الدم

[كلنا راحلون]

المشاركة الأصلية كتبت بواسطة muhibbat rrasoul sws

التاليين هي نفسها الكافيين.
الشاي فيه مركب آخر اللي هو التيانين و اللي هو حمض أميني.
الشاي مدر للبول يعني ينقص البوتاسيوم من الدم.

شكراعلى التوضيح كانت مخلطة عليا
وتسمحنا السيدة الفاضلة صاحبة الموضوع والله الشافي .........

[فايزة1207]

المشاركة الأصلية كتبت بواسطة muhibbat rrasoul sws

ماذا فعل لك طبيب القلب : صورة فوق صوتية، تخطيط آخر، سمع قلبك، الضغط كلا الذراعين؟
دارلي ecg
تقولين عاودت النوبة، كم عدد نبضات القلب؟
المرتين الاولى فااتت150 والثانية225
الثالثة فاتت120

السكر قلت منخفض : ماذا تقصدين : تحت الحد الأدنى للمختبرات؟لا ادري المهم نفطر خبز وحليب ومع قضية الدار 10 نحس بدوخة وفشلة وحتى لو تناولت حاجة حلوة ماتروحش عليا الا بعد مدة علا بيها قلتلك يهبطلي السكر
لكن لما نروح للمختبر صايمة يلقاوه عادي

قصدت أن المرأة الأمل لا تأخذ أي دواء بأية طريقة كانت دون علمها ما هو على الأقل... كل شيء يؤثر على الجنين ، بالأقل لوكان تصرا مضاعفات مستقبلية الواحد يعرف السبب.
والله نظن الشعب كامل ياكل في الدواء وماعلابالوش واش راهو يشرب الا من رحم ربي
اما الدواء كان عن طريق الطبيب القلب اللي بعثني وطبيب التخذير اللي دخلني المستشفى

الآن كي تعملي تحاليل في المختبر راكي تقرايهم؟ هل هذا المختبر مؤتمن؟ يعني غريب النتائج عكس الحالة...
نعم اختي

و الله أغلب ظني عندك مشكل في القلب و العلم عند الله.

اذا كان المرض في القلب واش تنصحيني في حياتي اليومية؟

[فايزة1207]

المشاركة الأصلية كتبت بواسطة كلنا راحلون

شكراعلى التوضيح كانت مخلطة عليا
وتسمحنا السيدة الفاضلة صاحبة الموضوع والله الشافي .........

لا باس اخي المهم الفائدة

[muhibbat rrasoul sws]

واش ننصحك؟
أولا غيري المختبر.
و إذا أمكن تشوفي طبيب غدد غير، هذا ما قنعنيش عدم المؤاخذة.
القلب .. هنا يا أختي أنا فقط أعطيت رأيا، ممكن أصيب ممكن أخطأ، لذلك نصحتك تروحي للمستشفى، صح المستشفيات فيها جري بصح أحسن من الخاص عموما، و عندك أمل أكثر من رأي على حالتك.
القلب بالأقل تبعي الحمية، تنقضي الإلتهابات تعاوني روحك.
ممكن أيضا عندك مشاكل هرمونية أخرى، لكن لا توجد أدلة قوية عن ذلك مما قلت.
بصح الأكيد أنك راكي بطيتي ... و الوقت يلعب ضدنا يا أختي الحبيبة

جاوبتني على أسئلتي في مشاركتي السابقة رجاء

لي رجعة إليك إن شاء الله

[فايزة1207]

اية اسئلة جاوبتك اختي

[muhibbat rrasoul sws]

كي تجيك النوبة واش تحسي : إنقباض في الصدر، ألم ڤي الذراع الأيسر/ الفك، تڤراع، دوخة...

يعني طبيب القلب ما سمعش قلبك و ما خداش الضغط و إلا لقائهم بلا مشاكل؟

عن السكر يهبطلك، الآن و قد قلت ما قلتِ لا أظن عندك مشكل هبوط السكر في الدم و الدوخة عندها سبب غير، ممكن الضغط ... دائما حوالي الساعة 10... يعني إذا كنت مرتبة و تستيقظين دائما حوالي نفس الوقت و تفطرين حوالي نفس الوقت، هنا نشوفوا واش راكي تديري و إلا تأكلي اللي إذا لم يكن السبب راه راح يكون عامل مساعد للسبب.

عن الألم في رمضان، أنت لم تحددي مكان الألم .

هل عندك تنمال في الأطراف، مشاكل النظر من إزدواج الرؤية، نقص حقل الرؤية، مشاكل التحكم في المثانة، تغير في الكلام، مشاكل في الإحساس في أماكن في الجسم حتى و لو في جلدة الرأس ..؟

هل الدوخة لها علاقة بالحركة مثلا القيام من القعود أو الإتكاء،أو تحريك الرقبة ( الرأس) يميناً أو شمالا، أو حركة غير هاتين، أم لا إطلاقا؟

هل ذهبت يوما عند أخصائي الأذن أو طبيب أعصاب و قلتيلو على الدوخة؟

و الله يا أختي أتمنى مساعدتك... فقط التزمي بما قلتَه لك عن الأكل و صدقيني راح تحسي تحسن منذ البداية.
أيضا عسي روحك في الأكل كاين مأكولات تضرنا و حنا ما علابالناش.
الحليب، أحسن حليب حليب النوق الغير مبستر طبعا، نوق ترعى برا بلا دوا.
ثم على حد علمي حليب الماعز هذا مما يوصف لمن يعانون حساسية، دائما الحليب كيما اللي شربوا الإنسان قبل باستور.
أما إذا كا تاع الشكاير و إلا طويل الأمد ... أنصحك بإيقافه، هذا داء و ليس غذاء فضلا أن يكون دواء.

[فايزة1207]

صباحك سكر اختي

المشاركة الأصلية كتبت بواسطة muhibbat rrasoul sws

كي تجيك النوبة واش تحسي : إنقباض في الصدر، ألم ع¤ي الذراع الأيسر/ الفك، تع¤راع، دوخة...
نحس قلبي راح يخرج من بلاصتو تشوفيه بالعين المجردة كيفاه يطلع ويهبط الم في مكان القلب
الم في الذراع الايسر وقت الزمة لا اتذكر
لكن بعد ذلك يجيني الالم مرات
والباقي لا
يعني طبيب القلب ما سمعش قلبك و ما خداش الضغط و إلا لقائهم بلا مشاكل؟
كيفاه يسمع قلبي يعني يحط السماعة ؟لا
والضغط المشكلة نهزها في الدار نلقاها هابطة وعايشة بيها لكن كي نروح للطبيب ديما تحكمني الخلعة جامي لقاوها تحت 10 ونتقلق انا لانه يصدقوا واش لقاو ماشي واش تقولي
والله تعبت من الطبة

عن السكر يهبطلك، الآن و قد قلت ما قلتِ لا أظن عندك مشكل هبوط السكر في الدم و الدوخة عندها سبب غير، ممكن الضغط ... دائما حوالي الساعة 10... يعني إذا كنت مرتبة و تستيقظين دائما حوالي نفس الوقت و تفطرين حوالي نفس الوقت، هنا نشوفوا واش راكي تديري و إلا تأكلي اللي إذا لم يكن السبب راه راح يكون عامل مساعد للسبب.

كيما ذكرت انا منظمة في حياتي روتينية جدا نوض الصباح بنفس الوقت يوميا ونفطر خبز بالحليب ونبدا اشغال المنزل مع عندي منزل من طابقين توصل الفترة بين 10 و11تبدا الدوخة ماشي بشكل يومي لكن اصبحت مرافقة بنسبة75بالمئة خاصة اذا زدت اعباء زائدة على الروتين اليومي ويكو بايام متتالية
عن الألم في رمضان، أنت لم تحددي مكان الألم .
المعدة الام فضيعة كنت اظنها الاحساس بالجوع لكن مؤخرا اظنها شئ اخر والله اعلم ونفس الام ياتيني في الفترة اللي ذكرتها بين 10و 11ومجرد نفطر بحليب وتمر تحكمني نوبة من القشعريرة ونحس بدوخة نقعد مدة باش تروح

هل عندك تنمال في الأطراف، مشاكل النظر من إزدواج الرؤية، نقص حقل الرؤية، مشاكل التحكم في المثانة، تغير في الكلام، مشاكل في الإحساس في أماكن في الجسم حتى و لو في جلدة الرأس ..؟
تنمال الاطراف مرات الباقي لا
عندي الام في الرجلين تاتيني وقت ما نجي نرقد يعني في النهار لا احس بشئ بصح انا نجي نرقد تبدا الام تجيني وتقى في الحمل وفي الصيف في الشتاء تنقص بشكل كبيرودبيت نوضحلك انها ماشي من التعب

هل الدوخة لها علاقة بالحركة مثلا القيام من القعود أو الإتكاء،أو تحريك الرقبة ( الرأس) يميناً أو شمالا، أو حركة غير هاتين، أم لا إطلاقا؟

القيام من القعود أو الإتكاءهذي هي بالذات والنوبات دائما يبداولي بهذا السبب نسيت ماذكرتهاش من قبل
هل ذهبت يوما عند أخصائي الأذن أو طبيب أعصاب و قلتيلو على الدوخة؟
طبيب الذن رحتلوا مؤخرا ما قالي ماعندك والو
الاعصاب لم اذهب

و الله يا أختي أتمنى مساعدتك... فقط التزمي بما قلتَه لك عن الأكل و صدقيني راح تحسي تحسن منذ البداية.
أيضا عسي روحك في الأكل كاين مأكولات تضرنا و حنا ما علابالناش.
الحليب، أحسن حليب حليب النوق الغير مبستر طبعا، نوق ترعى برا بلا دوا.
ثم على حد علمي حليب الماعز هذا مما يوصف لمن يعانون حساسية، دائما الحليب كيما اللي شربوا الإنسان قبل باستور.
أما إذا كا تاع الشكاير و إلا طويل الأمد ... أنصحك بإيقافه، هذا داء و ليس غذاء فضلا أن يكون دواء.

تعبتك معايا اختي سمحيلي كل مرة نخرجلك بعلة

[فايزة1207]

ممبد نصورك راديو القلب ليتوا في اورااقي

[فايزة1207]

بالنسبة للاكل احاول قدر الامكان صنع ما شتهي في المنزل
المشروبات الغزية نادلرة الدخول للمنزل والكاشير وغيره
لكن الحليب ليس بمقدوري شرب حليب النوق لانه ليس متوفر عندنا
ماذا عن حليب البقر يباع هنا
لم افهم كيف استطيع شرب الماء الساخن اظنه استحالة سوف اتقئ لا محالة

[muhibbat rrasoul sws]

الأخت فايزة ما دوختيني ما والو برك نتمنى نعاونك نلقاو راس الخيط.

ما علاباليش إذا تقرأو في مقرراتكم sémiologie اللي هي كيفاش نسأل المريض و كيفاش نوجه الفحص، هذا تقراوه عام كامل و كتاب تحفظوه، ماشي ساهلة أبدا.
و الله بعض الأطباء الله يهديهم، كيفاش طبيب القلب ما يسمعش القلب؟
منذ متى التخطيط يغني؟ و الله هؤولاء ليسوا بعيدين عن الدجالين، يمرقون من الطب، ما أصابوا فهو ذاك و ما لا فلا...

ما علاباليش واش نقولك على نتائج التصوير الفوق صوتي... هنا هو يظهر لا مشاكل، و حسب الحسابات لا يوجد تضخم البطين الأيسر و لا الأذين الأيسر.

لكن : هذا لا يعني لا توجد مشاكل " كهرباء" القلب ان صح التعبير.

عن الحليب يا أختي ما دام طبيعي من أبقار ترعى برا مليح، لكن غيرو لالا.
ممكن حتى صنع الجبن في البيت، هو مليء بالبروبيوتيك يعاون بزاف في الفقضضاء على الفطريات.

أسئلة ربما أخيرة، اسمحيلي: هل تتعاطين أدوية غير التيروكسين؟
هل تشربين شاي معين ؟
هل تسبق الدوخة أمور؟ هل تسبق نوبات القلب أمور؟
لي رجعة إن شاء الله

[فايزة1207]

الطبيب اللي يعملي الراديو هذا مستحيل نرجع ليه لوكان نموت ان نسقسي فيه وهو يقولي حابة تكوني مريضة بالسيف وانا نسقسيه على سبب الخبطة

[muhibbat rrasoul sws]

أسئلة ربما أخيرة، اسمحيلي: هل تتعاطين أدوية غير التيروكسين؟
هل تشربين شاي معين ؟
هل تسبق الدوخة أمور؟ هل تسبق نوبات القلب أمور؟

شخصيا أشك أنه طبيب و إن كان طبيبا فليس متخصص في القلب، ربما جاء برك يعوض الطبيب في عيادته مدة عطلة أو ما شابه. مستحيل طبيب القلب ما يسمعش القلب و ما يتحيرش على 226, عند وحدة حامل، مستحيل يخليك تخرجي بلا دوا و يبعدك للمستشفى يتهلاو فيك، هذا غير مقبول ، لازم حد أدنى من المعرفة.

[فايزة1207]

المشاركة الأصلية كتبت بواسطة muhibbat rrasoul sws

أسئلة ربما أخيرة، اسمحيلي:السماح حبيبتي سمحيلي انت شغلتلك مخك بحكايتي واهتمامك هذا يدل على ضمير وتربية راقية ربي يجازيك خير الدارين
هل تتعاطين أدوية غير التيروكسين؟
كما ذكرتلك اتناول ادوية خاصة بالحساسية ودواء الجيوب الانفية
هل تشربين شاي معين ؟لا اشربه الا نادرا
هل تسبق الدوخة أمور؟ هل تسبق نوبات القلب أمور؟
مثل ماذا ؟

شخصيا أشك أنه طبيب و إن كان طبيبا فليس متخصص في القلب، ربما جاء برك يعوض الطبيب في عيادته مدة عطلة أو ما شابه. مستحيل طبيب القلب ما يسمعش القلب و ما يتحيرش على 226, عند وحدة حامل، مستحيل يخليك تخرجي بلا دوا و يبعدك للمستشفى يتهلاو فيك، هذا غير مقبول ، لازم حد أدنى من المعرفة.
للاسف اطباء مختصيت في زوج وقدم
الاوا بعثني للمستشفى رغم انه معروف باتقانه للعمل
الثاني كيما قلتلك مستحيل نرجعله عليها زوجي قالي اصبري مابين ما نلقاو طبيب في بلاصة اخرى حتى نديك لتونس
لانه هاذ الايام احس بتعب وفشلة وربي يقدر الخير

انا اللي قلقني انه هاذي حسبتها ازمة وعدات لكن ان تكون ضغط الدم متقاربتين نحس بقلبي غير طبيعي مانقدرش نبذل ادنى مجهود

[cha3cha3]

اللهم اشف مرضانا و مرضى المسلمين

[muhibbat rrasoul sws]

لا و الله حقك، نحن درسنا مجانا و كله من أموال الشعب، حسبنا الله و نعم الوكيل فيمن لا يخشاه فينا.

برك قبل ما نجاوبك راح نقولك ليك و لكل من يقرأ مشاركتي هذه: علاش ما تشكوش بهذا الدجالين؟!
طبيب القلب لازم ياخد الضغط و يسمع القلب و نفس الشيء بالنسبة للطبيب العام !!!
طبيب يسيء معاملتك اشكي بيه.
نروح للمستشفى نطلب مرا تكشف علي يقولوا لالا نشكي بيهم.
يدخل عدة أطباء أو طلبة دون إذن، لا أقبل، نخرج و نشكي بيهم!
ما كانش منها طبيب القلب يشوف قلبك متسارع الضربات و ما يعطيك حتى دوا أو بالأحرى ما يبعتكش برسالة خاصة لمستشفى القلب، مستحيل يقولك قلبك لابأس... إفهميني هؤلاء لقاوها سايبة، نساو العلم إذا يوما تعلموا و أشك حتى في التصوير تاعو... و الله بزاف!!!! هدي بسكرة فما بالنا بما هو أعمق؟! و الله سمعنا ببتر أطراف بسبب جروح غير متعفنة!
لازم الناس تشكي و ما تسمحش في حقها، و هذا واجب لمن يأتي بعد.

المهم عودة لحالتك، ما عليش تكتبيلي أسماء الأدوية اللتي تتعاطينها، و هل بدأت قبل النوبات أم لا؟

أختي أكثري من القرآن و حطي يدك على قلبك و قاري الفاتحة مرارا. عدة مرات في اليوم. و الله مجرب و نافع جدا.

لي رجعة إن شاء الله