ساعدوني انا محطمة

نصال06 · 2014-09-21, 08:43

ساعدوني انا محطمة معنويا في عام 2001تحصلت على شهادة البكالوريا ادبي كنت اتمنى ان اكمل دراستي ، جاوني الخطابة بعد ما ماركيت في الجامعة و بابا كان قابل نكمل قرايتي انا قبلت بالخطوبة ومن بعد كي هدرت مع خطيبي على القراية قالي ما نقبلش نستناك 3سنين .رحت لبابا و قلتلو بابا راني حابة نكمل قرايتي وما نتزوتش دوكا قالي انا اعطيت كلمة للناس و مام تحبسي الخطوبة انا مارانيش رايح نخليك تقراي دارني في قرعة و خلاني نتخبط فيها قبلت بالامر الواقع و تزوجت في 2002 وعندي دوكا 3اطفال والبارح كنت مع زوجي نتكلمو على المعلمين قلتلو اللي قراو معايا قاع راهم يقرو قالي..... ايه هادوك قراو وراهم يقرو ماشي كيما نتي قاعدة غير تاكلي و تشربي قلتلو انتومااللي ما قبلتوليش نكون كيما هوما ......ودرك حبيت نسقسي على الباك هداك راح ولا لالا اذا نقدر نكمل بيه ولا لازم نعاودو بالمراسلة او واش نقدر ندير باش نولي معلمة راني مقهورة لدرجة كبيرة اقترحو عليا حلول ربي يحفظكم

youcef70 · 2014-09-21, 09:29

عليك الاتصال بالجامعة

رحيق الايمان · 2014-09-21, 10:00

ya okheti rohi li jam3a win sajelti w 3awdi ijbdi bak ta3k wdiri i3adet idmaj ila kayn les places arj3i akray mafatek walou
wila lgiti makanch sajli bih fi ufc

djamel123 · 2014-09-21, 10:06

في رأيي يمكنك التسجيل
لكن في الجامعة وليس في مدارس أو معاهد كبرى
مثل المدرسة العليا للأساتذة
لأن هذه المدارس تشترط بكالوريا جديدة

نصال06 · 2014-09-21, 10:14

chokran ya3tikom saha

ضحى تسابيح · 2014-09-22, 07:26

أختي الكريمة ما تحطمي روحك ما والو
ما عليك غي شوية جري و ما تيأسيش خلاص ... وحتى ما لقيتي عليها وين ...سجلي في جامعة التكوين المتواصل و ربي معاك
تحياتي

RAIN¤MAN · 2014-09-22, 13:17

من عنوان الموضوع ظنيت القيامة قامت ، عادي أقراي و من جديد .

محبة الله الجزائرية · 2014-09-22, 13:57

اقتباس:

المشاركة الأصلية كتبت بواسطة rain¤man

من عنوان الموضوع ظنيت القيامة قامت ، عادي أقراي و من جديد .

هههههههههههههه

wael1976 · 2014-09-22, 17:08

عندي صديق عندو باك 2001 علمي سجل و ما كملش القراية و انقطع ، العام اللي فات رجع الى الجامعة و اعاد التسجيل و قبلوه عادي و راهو يقرا لغة فرنسية، ماتياسي ماوالو ، روحي للجامعة مادمنا في بداية الموسم الجامعي و اختاري شعبة مناسبة و الثلاث سنوات تفوت في رمش العين ، بالتوفيق

gecilda · 2014-09-22, 17:30

اقتباس:

المشاركة الأصلية كتبت بواسطة نصال06

ساعدوني انا محطمة معنويا في عام 2001تحصلت على شهادة البكالوريا ادبي كنت اتمنى ان اكمل دراستي ، جاوني الخطابة بعد ما ماركيت في الجامعة و بابا كان قابل نكمل قرايتي انا قبلت بالخطوبة ومن بعد كي هدرت مع خطيبي على القراية قالي ما نقبلش نستناك 3سنين .رحت لبابا و قلتلو بابا راني حابة نكمل قرايتي وما نتزوتش دوكا قالي انا اعطيت كلمة للناس و مام تحبسي الخطوبة انا مارانيش رايح نخليك تقراي دارني في قرعة و خلاني نتخبط فيها قبلت بالامر الواقع و تزوجت في 2002 وعندي دوكا 3اطفال والبارح كنت مع زوجي نتكلمو على المعلمين قلتلو اللي قراو معايا قاع راهم يقرو قالي..... ايه هادوك قراو وراهم يقرو ماشي كيما نتي قاعدة غير تاكلي و تشربي قلتلو انتومااللي ما قبلتوليش نكون كيما هوما ......ودرك حبيت نسقسي على الباك هداك راح ولا لالا اذا نقدر نكمل بيه ولا لازم نعاودو بالمراسلة او واش نقدر ندير باش نولي معلمة راني مقهورة لدرجة كبيرة اقترحو عليا حلول ربي يحفظكم

درتِ لامان ف الراجل و باباك لعب بيك مدك لواحد يحسبلك الماكلة و شراب مدابيه ما يوكلكش..!!
و دركة يحوس عليك تخدمي و تجيبيلو الشهرية !
هذا ما تأمنيهش خلاص .

نصال06 · 2014-09-23, 11:59

[quote=rain¤man;399180265
7]من عنوان الموضوع ظنيت القيامة قامت ، عادي أقراي و من جديد .[/quo
ما يحس بالجمرة غير اللي كواتو ما تريبونديش عليا احسن من هذا الاستهزاء بصح ما عليا غير نقول الله يهدي ما خلق

نصال06 · 2014-09-23, 12:03

اقتباس:

المشاركة الأصلية كتبت بواسطة محبة الله الجزائرية

هههههههههههههه

ما عليش تقدري تضحكي بصح ما تقدريش تواسيني شكرا

" أبو عبود" · 2014-09-23, 12:50

اولا تقدري بسهولة تقراي في الجامعة إلا إذا حبوا ما يساتعادوكش لكن. وانت علاش رايحة للعذاب؟ في بالك معلمة ولا استاذة رايحة ترتاحي قسما عظما غير راكي طبطبي على بابا جهنم. هذا لي قالك راكي قاعدة تاكلي وتشربي وراقدة معنها راه يشوف فيك مستهلكة وهذا راه حقك يصرف عليك بلا جد جدو ماشي مزية من عندو هذا حقك. وضرك راه حاب يتشغلك تجيبي شهرية وهو يتمتع بيها. انا مصحك نصيحة اخ لا تقراي لا تكسري راسك هو مسؤول عليك يداويد اذا مرضت لا قدر الله يصرف عليك يكسيك بلا مزيتو. نحي فكرة العمل من راسك ربي وليداتك.

خولة الخنشلية · 2014-09-23, 15:12

الحمد الله ، ربي فرجي عليك اختي مدام الك هك اغتانمي الفرصة و اجري على روحك " راح تتعبي سمانة و لا زوج في الطليع و لهبيط مي ج- منفو ...."
و متيأسي ما تطحطمي مدام ربي هو الي ييسر في امورك كلها ، سبحانو شافلك الخير هك . احمدي ربي

نتمنى تكوني خلاص عملتي اعادة ادماج و راكي راح تلتاحقي يصفوف الدراسة ...... لك التوفيق من المولى عز و جل