موضوع مميز قمة الحشومة أدخلوا تعرفوا لحكاية هههههه

chahinez_alg · 2014-08-20, 13:05

حبيت نحكيلكم على حاجة صراتلي بعد الخطبة مع عجوزتي الله يرحمها المهم بعد لفطور ماما تروح للجامع للتراويح المهم عجوزتي ما علابالهاش كي لحقت لدارنا لقاتني نسيق و نجري مع الميناج طالعة هابطة ما حبتش تعطلني كي سمعت ماما ماراهيش في الدار قاتلي نروح و نولي كاش ليلة قلتلها والو غير هادي لي ما تصراش تدخلي لدارنا و تخرجي بلا قهوة بلا تاي بلا والووووووووو خخخخخخخخ زعمة قتلتني السجاوة و الكرم أحم أحم لا علينا دخلت نجري للكوزينة وجدتلها سني الله الله هادي قطايف و هادي قلب اللوز و هادي زلابية و حلقوم و و و راكو تعرفو رمضان من بعد طيبتلها قهيوة الله الله مي كي حطيت السني تفكرت بللي نسيت السكر ما جبتوش من الكوزينة رجعت نجري نحوس عليه ما لقيتوش خلاص ما عرفتش وين داراتو ماما جاتني حشومة كبيرة مي عفست على قلبي و رجعت لعجوزتي قلتلها طاطا السكر خلاص و ماكانش لي يشريلي باسكو كنت وحدي في الدار قلتلها ماعليش نجيبلك السكر قلاصي برك تحلوي بيه هيهيهيهيهيهيهيهيهيهيهيههييه دارتلها دمعت ماروكو شوي مي ربي يرحمها ما حبتش تحشمني و تحرجني أكثر ما كنت محرجة أيا قاتلي ايه جيبي برك كلشي من يدك كي لعسل هههههههههههه طلعتلي المورال المهم تعرفو ختكم شطورة جرية جبتلها السكر لرطب و جيت و قلتلها طاطا قداش من مغرف سكر نديرلك قاتلي راني نشرب القهوة على وجه السكر نحبها عسل ديريلي 3 مغارف و أنا كيما كنت نقولكم الكرم قتلني امالا كي قاتلي 3 مغارف درتلها أنا 4 باه زعمة تولي تموت عليا و حركت و مديتلها و بقيت غير نشوف معاها باه تذوق و تقولي قهوتك حلوة و بنينة و و و راكو تعرفو خخخخخخخ هكداك و نشوف في المرأة تسعل مسكينة رايحة تموتلي جريت جبتلها الماء تشرب بالسيف باه رجعت فيها الروح أنا ما فهمتش واش صرالها نحسب دارتلها فوس غوت برك المهم ما كملتهاش و غير بقاتني على خير رحت نجري للقهوة ذقتها و اكتشفت الكارثة واااااااااااااااااااااااااااااااااااااااااااااع هاداك السكر لرطب ماكانش سكر أرطب مي كان acide citrique تخلطو ماما كي تخدم le jus قمة التبهديلة

محبة الله الجزائرية · 2014-08-20, 13:20

ههههههههههههههههههههههههههههههههههههههه يخي مهبولة يخ

قريب تقتلها

سماح 2 · 2014-08-20, 13:23

هههههههههههههههههه

يوووو مسكينة رهجتيـــــــــــــــــها

لؤلؤة الجنان · 2014-08-20, 13:24

هههههههههههههههههههههههههههههههههه والله حشومة تقتل بالضحك ماعليش فاتت على خير انا و نتي تحكي قلت بالاك عطيتيلها النشاء و تعرفي النشاء كي يتحط في السوائل ساعة نتي درتي كارثة اكبر من لي سخايلتها