منظف المرحاض

[sarsoura23]

مساء النور حبين نسقسيكم كل وحدة تفيدنا بطريقتها في تنظيف المرحاض أعزكم الله وأسم المنظف لي تستعملو والريحة تيعو كيفاه علي خاطر جربت بزاف انواع وبانتلي الريحة تغم نتمني كل وحدة تفيدنا وشكرا لكم,

[ام لوجين م]

انا نغسلو يومي بايسيس الواني و الجافيل ومرة على مرة نديرلو اني كالكور نتاع المشينة يخرج يبري

[asmabibina]

Nadaf bzf hayele ana nesete3melou ghire howa nchallah ye3tik natidja hayla w tetehaneye kima ana

[*عائشة*]

انا نضف بالجافيل ونخليه 10 دقايق

ونرجع نغسلو مليح مع بريل ازيس


و الاخير نعطرو بالصانيبو تاع القارص


او برايحة الورد

[آلاء النايلية]

كاين نضاف ب 22 الف نفس مفعول النضاف العادي و مفيهش الريحه تجي القرعه تاعو صفرا هايل

[anesthesia]

كاين جافيل اسموو ستيك و يجي رغوي يعني فيه رغوة و فيه زوج الوان الاخضر و بنفسجي ينقي روعة انا نستعملو غير هو للمرحاض و للتسياق تاني هايل

[nina1616]

انا نستعمل جافيل سيدهم وتوب سول والنظاف

[melissa lola]

انا دايرة قرعة فيها شوية ازيس مع شوية جافيل وشوية ماء الصباح كي نكون خارجة نفرغ شوية في المرحاض حاشاك ونحك ونخليه بلا مانشلل كي نجي على ال12نفرغ الماء يولي يشعل ومرة على مرة نستعمل هاربيك ونضاف مي بهاذ الطريقة ماديرلكش الكالكار كامل ديري هذا الخليط وخليه ماتشليش ثم ثم ورديلي الخبر

[نهلةن]

شوفي اختي انا مدايرة قرعة فيها الخل الابيض والجافيل والماء وازيس وكل ليلة كي يرقدو كامل نصب فيه شويا من هاذ الخليط والصباح نصب الما يخرج يبرق ومتيجيش فيه الكالكار خلاص وريحة كامل تروح

[أم مبين]

انا نستعمل الجافيل مع الازيس ومرات نستعمل نظاف ولا هاربيك تاني يخرج يلمع

[أم فاطيمة]

شوفي اختي انا نستعمل منظف ديفي فعالdifi activ يتباع عند الكانكاري قرعتو خضرة
رشي في جميع الاماكن يبدى يفور نخليه 5 دقايق و نحك بالشيتة راح تشوفي كل الاوساخ بدات
تطلع شليه مليه و غسلي بازيس و جافيل مليح و كبي وراه الماء بزاف هذا كل مرة في الشهر
و يوميا نغسل بازيس و جافي و نعطر بصانيبو ولا توب بريحة الخزامى جربيه و رجعيلي لخبر