|
جسر منتديات الجلفة - من الثانوية للكلية من إعلان نتائج البكالوريا، مناقشة الرغبات و التخصصات، المعاهد و الجامعات، التسجيل، الطعون... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
معدل 16.10 : صيدلـــة أم طـب !
|
أدوات الموضوع | انواع عرض الموضوع |
2013-07-04, 15:52 | رقم المشاركة : 46 | |||||
|
اقتباس:
انا نقرا جامعة عنابة لكن مش كيما قالت الاخت قبل في اشياء يعاودوها هذا ماكانش منها خلص عديت السنة اولى كاملة و مشفتش حتى امتحان معاود الاشياء المعاودة بعض التمارين فيtd فقط عكس الطب الكثير من الموديل يعاودولهم الامتحانات تع الاعوام اللي فاتت نعم هي فيها حفاظة و الفهامة يعني حتى جانب الحفظ ماتهمليشو لانو يعونك رغم انو انا هو اللي طيحني على عكس بعض الناس الاخرى نعم اقري و اتعبي برك و ربي مايضيعش اجر من تعب راني هنا اي حاجة تسحقيها راني في الخدمة اكيد نعطيك اي معلومة تسحقيها لانو نحس فيك انا العام الماضي كيفك كنت نحتاج اي معلومة صغيرة لكن معلومة انو مش كل الجامعات يقروا كيف بعضاهم شوفي اذا حابة اي معلومة سقسي و كذلك وش حابة بالضبط بالنسبة للدروس و كل شي و قوليلي وش حابة و ان شاء الله نجاوبك وفيك البركة و انشاء الله يعكطينا ربي ما نتمنو كامل ولاتعب لا والو كيما قتلك راني في الخدمة
|
|||||
2013-07-04, 16:15 | رقم المشاركة : 47 | ||||
|
اقتباس:
الحمد لله يآ ربي ..
أممم والله يآ أختي محتآرة و مآعلآبآليش على وآه نسقسي بالضبط تعرفي أنآ جديدة و حآسة بلي رآح ندخل في عآلم جديد و صعيب و مآ عنديش معلومآت أممم صرآحة مخوفتني طريقة الدرآسة خآصة على كيفية سير الامتحآنآت !! كيفآه يحسبو ، لأنو قآلولي فرق بين الليسي و الجآمعة !! آسكو كآين امتحآنآت فجآئية و لآ شفوية !! ، و الصيدلة وش لآزهآ يعني قرآيآ في الدآر و الجآمعة سونزآري !! كآين عطل لأنو الطب قآلكـ مآكآنش التنفآس !! إذآ تقدري أحكيلي على عآمكـ الأول كيفآه عقبتيه و أنت أدرى بالمعلومآت لي يمكن يفيدوني .. و جوزيتِ خيرآ ، والله نتشكركـ بزآآآف ربي يفرحكـ كيمآ نحيتيلي الغموض |
||||
2013-07-04, 16:40 | رقم المشاركة : 48 | |||
|
مبروك عليك الباك بنيتي ولكنك كبرتي موضوع الاختيار جدا وهو ما لا يعجبني في التلاميذ الجزائريين لا يرسمون أبدا طريقا لهم ولا يعرفون احلامهم الا عند خروج نتيجة الباك والأدهي انها تأتي من المتفوقين امثالك |
|||
2013-07-04, 16:46 | رقم المشاركة : 49 | ||||
|
اقتباس:
بآركـ الله فيكـ خويآ ..
والله الصرآحة تقآل كلآمكـ منطقي الى درجة مآ ~ لأني و الحمد لله كنت آمل الصيدلة و كآنت حلمي و الحمد لله على عكس بعض التلآميذ الذين لم يخططوا لأدنى تخصص للأسف .. فلطآلمآ دعوت الله أن يسدد خطآي نحوهآ و الحمد لله لكن مع اختلآط الآرآء و دخول الشكوكـ أثيرت حيرتني مآ بين الطب و الصيدلة و الاشكآل وقع في المستقبل هكذآ لآحظت .. هذآ فقط ! لكن ملآحظتكـ جد رآئعة و مهمة فشكرآ لكـ ~ |
||||
2013-07-04, 16:54 | رقم المشاركة : 50 | ||||
|
اقتباس:
طريقة الدراسة ماتخوفش خلاص اول شي لازم تحظري لي كور خاصة chimie générale و chimie organique و كذلك ما تهملييش المواد الاخرى يعني كل موديل تعطيه حقو ، تحظري les TD و TP وتحضري التمارين اللي مدوهملك باه يكون عندك فكرة عليهم على الاقل هذا عامة فقط بالنسبة للامتحانات كاين موديلات درنا فيهم 3 امتحانات و موديلات 2 و موديلات امتحان واحد الموديلات اللي درنا فيهم 3 امتحانات هم chimie générale , chimie organique , biologie animal ألموديلات اللي درنا فيهم 2 امتحانات biologie végétale , informatique , science humaine , anatomie , les langue اللغات امتحان لغة فرنسية و امتحان لغة انجليزية الموديلات اليي درنا فيهم امتحان واحد : physique et math من المفروض فيهم امتحانان لكن لم يكن هناك استاذ ليدرسنا فاضطررنا نديروا امتحان واحد نحنا الامتحان الاول درناه بعد العطلة الاولى و الثاني قبل العطلة الثانية لكن هناك امتحانات درناهم في الوسط يعني لما يكمل الاستاذ البرنامج تاعوا يقدر يدير امتحان تاعو بالنسبة للحساب هناك كشف نقاط واحد فيه العلامات كامل : يعني العلامات اللي ديتيهم + نقاط les TD et TP بالنسبة للامتحانات الفجائية او الشفوية كانو عندنا في موديل chimie organique فقط وكان يقوللنا انو حظرو رواحكم من الان يمكن في اي وقت نديرلكم امتحان و exam TP كيما نكملو les TP كامل القراية لازمها تركييز و تكوني يوميا مريفيزية و لن تجدي اي مشكل و اذا كنت مريفيزية قبل تدي العطلة تاعك عادي و خصوصا اذا ذرتو الامتحانات قبل العطلة و هذا يرجع ليكم انتو اليي تختارو التاريخ العام تاعي الاول يعني انا تعبت فيه و حسيتو طويييييل لانو كيما تعلمي مع اول العام كان هناك اضراب و بما انو انا مقيمة يعني كنت دايما نطلع و نهبط و تعبت و محظرتش الكثيير من لي كور لكن بعد ذلك بدييت نرجع و ماكنتش فاهمة فيها والو و مع الوقت بديت نوالف القراية بالفرنسية و الحفظ كذلك بالفرنسية ولكن ما كنتش نفهم كثيرا في الكور لكن كنت نحاول نفهم و حدي رغم اني لم استطع في بعض الاحياء لانو هناك اشياء صعبة لكن كنت نمشي حالي الفترة الاولى جاتني صعبة لكن نصيحة مني ليك لازم هي اللي تخدمي فيها و تتحصلي فيها على اكبر النقاط لانو الفترة الثانية و الثالثة صعيبة والموديلات يزيدو ةهاذي نصيحة في كل السنوات مش سنة اولى فقط نتمنى اني فدك قليلا و اذا حابة اي حاجة اخرى او اي سؤال سقسي راني في الخدمة ولا شكر على واجب راني هنا |
||||
2013-07-04, 16:54 | رقم المشاركة : 51 | |||
|
عذرا ان قسوت عليك فابنة اختي تمر بنفس ما تمرين به ومعدلها 16.01 وتطالع هذا الموضوع دائما وكلامي موجه لكما |
|||
2013-07-04, 17:19 | رقم المشاركة : 52 | ||||
|
اقتباس:
شكرآآآ و ألف شكر يآ طيبة ،
والله جوزيت خيرآ كثيرآ ، الحمد لله هكآ تولي عندي نظرة مآم للصعوبآت للي رآح توآجهني .. أجبيني عن الاسئلة لي لفوق و اذآ لقيت كآش سؤآل رآح نسألكـ و شكرآآآآآآآآآآآآآ ألف مرة الله يعطيكـ مآ تتمني ~ |
||||
2013-07-04, 17:21 | رقم المشاركة : 53 | ||||
|
اقتباس:
لآ يآ أخي ، بالعكس كلآمكـ منطقي ..
بالكثير من ظن أن النجآح في البكآلوريآ هو كل شيء لكن العكس تمآمآ فالاصح هو مآ ينتظركـ و خآصة طموحكـ ~ فنبقى دآئمآ بحآجة للنصح لمن هم أكبر منآ .. اللهم آمين .. جوزيتَ خيرآ و كل التوفيق لابنة أختكـ و هل لكـ أن تخبرني مآذآ قررت أن تدرس ! ~ |
||||
2013-07-04, 17:41 | رقم المشاركة : 54 | |||
|
بما انكي رايحة تقراي في قسنطينة فكل الموديلات تديرو فيهم ثلاث امتحانات |
|||
2013-07-04, 17:44 | رقم المشاركة : 55 | ||||
|
اقتباس:
مايكون غير خاطرك نجاوبك على اي سؤال تحبيه
اول شي صح هي صح الاستاذ ميهموش فيك لازم تقري على روحك لكن هذا ليس عائق خلاص توالفي تجيك عادي ماكانش فرق كبير بين اليسي والجامعة حنا الحمد لله يعني كانو يديرولنا تمالرينات مش كثير لكن احسن من لا شيئ و لازم تلقي تمارين اخرين يعنيي كتب من المكتبة او اي مكاان لكن هو رح يجيبلك تمارين فيها اشياء قالها فالكور او دارها من قبل في TD مش رح يروحلك بعييد و ما تتخوفي ما والوا اذا حطيتي راسك تجيبي اي شي نتي حاباتو يعني عادي بالارادة كلش يجي 2 - نعم حنا قرينا انجليزية يعني اشياء سهلة جدا pluriel synonyme ,واشياء اخرى سهلة يعني هذا الموديل لازم تخدمي فيه رح يطلعك خلاص 3- لا هذا في جامعتنا فقط و في عامنا فقط حصل مشكل لكن في الجامعات الاخرى داروا 2 و احسن شي يديرو امتحانان باه اذا مخدمتيش في الاول تعوضي في الثاني 4- biologie végétale تقروا اشياء سهلة على النباتات مكونات النبتة يعني فصيلة فقط مش النباتات الكل و تقروا الفيزيولوجيا تع هذه الفصيلة و هذا الموديل عندنا تحفظي تجيبي فيه و المعظم كانو يخدمو فيه 5_ افضل بكثيييير من الاقامة في الاقامة جو غرييب جدا و خصوصا حنا كنا نقيمو مع الاختصاصات الاخرى مش غير العلوم الطبية يعني الحس و نقص النوم لكن بما انك انتي في بيت جدك يعني تقدري تقري عادي جدا و خصوصا اذا لقيتي الجو الملائم و لكن والله اذا كنتي حابة شيئ حتى كنتي في ولاية وحدك تجيبي وش حابة يعني لا داعي للخوف و حطي املك بين عينيك تقدري تجيبي اي شيئ 6- الفرنسية لن تمثل عائق رح توالفي بيها سريعا و رح تشوفيها مع الوقت تولي شي معتاد و عادي و مش محتم تقري حوايج الفارماصي من الان عدي عطلة عادي باه كي تدخلي تكوني في فورما لكن اذا تحبي تقوي في الفرنسية ممكن تقريها في الصيف باه ما تلقيش مشكل مبعد خصوصا اذا كنتي ناقصة كثير و اذا لقيتي اي سؤال اخر اساليه رراني في الخدمة و اذا حبيتي ممكن تضيفيني على ******** و نجاوبك على اي استفسار عندك و ربي معااك |
||||
2013-07-04, 17:53 | رقم المشاركة : 56 | |||
|
الاخ moumene يقدر يعاونك كثيرا اذا كنتي رايحة على جامعة قسنطينة لانه في بعض الاشياء لا ندرس مثل بعض يعني في طريقة الامتحانات طريقة طرح الاسئلة و اشياء اخرى لكن في اشياء اخري كيف كيف يعني المهم انا هنا اذا احتجتي اي شيئ لكن مافهمتش علاش كامل الطب يدو العلامات يعني مش غير عندنا !! المهم ربي معانا كامل ^^ |
|||
2013-07-04, 18:12 | رقم المشاركة : 57 | ||||
|
اقتباس:
أممممم يعني في الطريقة صعيبة ..
و علآه يعني يديرو الـ qcm للصيدلة و لوخرين لآلآ !! يعني القرآيآ لآزمهآ تركيز ثم تركيز .. يعطيكـ الصحة خويآ مع أنو زدت خوفتني صرآحة وش يستنى فيآ هههه أممم يآ خويآ حبيت نسقسيكـ آسكو القرآيآ رآح تكون مشآرجية بحيث مآتلقآش الوقت ؟؟ و آسكو نروحو للمستشفى ؟؟ و كيفآه العطل يعني كآينة رآحة ؟؟ و الاختبآرآت يكونو قبل العطلة ولآ بعدهآ ؟؟ و بخصوص كيمآ قلتلي في النوفآل يعني سير يدوهم ثمآ تآع الصيدلة السنة ؟؟ و في قسنطينة كآين التطبيق و موفرين الاجهزة ؟؟ سآمحني خويآ حآبة نستفسر عذرآآ اذآ كنت فضولية ههه ~ |
||||
2013-07-04, 18:23 | رقم المشاركة : 58 | |||
|
راكي مش غير فضولية خخ بصح ماليش رانا قاعدين |
|||
2013-07-04, 18:50 | رقم المشاركة : 59 | |||
|
ابنة أختي حسمت اختيارها ففضلت الطب ولكنها محتارة بين جامعة سطيف وجامعة الجزائر ..يعني من حيرة الي حيرة آخر تعديل ღ♥ღأهمـ واحدღ♥ღ 2013-07-04 في 18:52.
|
|||
2013-07-04, 19:16 | رقم المشاركة : 60 | |||
|
انا اخيرتك يا اختي عن الواقع وليس عن فرص العمل وعن قيمة ماستدرسينه لانه نصيحتي هده من واقع اعيشه كل يوم ان اردت ان تدرسي امور ثم لا تطبيقيها لتجدي وظيفه في المستشفى لتكوني مسيرة توزيع الادويه فهو شانك وان كنت تطمعين في دراسه التخصص فانا اختي الاولى في دفعتها ولم تحظ بالتخصص الدي حلمت به حتى انها اليوم تلعن الصيدله لانها بنت احلام ورديه لكن الواقع صادم اما الطبيب فهو الطبيب هنا ام في الخارج حتى ولو كانت دراسته ليست بالمستوى المطلوب فانه يمارس مهنته التي يتطلع لها مش يقرى عن تفاعل الادويه ليجد نفسه يبيع الادويه او في مخبر ليس فيه ادنى شروط الابداع انا اعتدر منك حقا فانا انصحك مثلما تم نصحي قبلك والحقيقه ان كنت غير مهتمه بالحفط فهناك تخصصات اخرى تستطيعين الابداع فيها بل تتحصلين فيها على اعلى الدرجات عندما يكون الطبيب او الصيدلي يتخرج بالشهاده من الدرجه الاولي يعني عام |
|||
الكلمات الدلالية (Tags) |
16.10, أعجل, صيدلـــة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc