كيكة بالاجاص والتمر جربوها ومتندموش

[/زهرة عصفور الجنة/]

السلام عليكن اخواتي
الكيكة هذي جارتي لي عطاتني الوصفة استغربت في البادء من مكوناتها لكن بعد ما جربتها نالت اعجاب جميع العائلة وكلما يحين موسم التمر اعدها فهي مغذية
اولا للكيكة نحتاج 4حبات بيض +نصف كاس سكر حبة اجاص مسكرفجة بالرقيق
كاس تمر طري مقطع قطع جد رقيقة 1خميرة الحلوى نصف كاس زيت
بيمو مرحي او اي نوع بسكويت تفضلونه
الطريقة نضربو البيض مع السكر حتى يبيض الخليط نضيف الزيت والاجاص والتمر والفانيلا
بعدها نبدا باضافة الخميرة والبسكويت حتى يولي قوامها كيما الموسكوشو ندهن مول دائري بالزبدة والفرينة وندخلوها للفرن بعد ما تطهى نزينونها
طرية التزيين
نذبو شكولا من النوع الرفيع باش يجيكم المذاق رائع على حمام مائي حوالي علبتين لما تذوب نضيف 4ملاعق نيوتيلا ونزين الكعكة انا نفض نضيف لوز محمص مطحون او اي نوع مكسرات موجود فالبيت
يمكن ايضا اضافة المكسرات مع الكيكة اجي اروع تؤكل باردة وقد ما تقعد قد ما تولي بنينة

[papillon tlemcen]

الكاس لي ستعملتيه كبير و لا صغير و شحال درتي البيسكوي

[/زهرة عصفور الجنة/]

المشاركة الأصلية كتبت بواسطة papillon tlemcen

الكاس لي ستعملتيه كبير و لا صغير و شحال درتي البيسكوي

الكاس تاع القازوز وكمية البسكوي حوالي علبة
لازم خليط الكيك يكون كي الموسكوشو

[*سيرين نور عيني *]

شكراااااااااااااا

يعني ف بلاصة الفرينة نديرو بيمو?? نجربها ان شاء الله
بصح استغربت من الاجاص و التمر ولاعلاقة بيناتهم !!
شكرا حبيبتي لو حطيتي الصور كان افضل

[ibtihal18]

شكرااااااااااا نجربها باذن الله ما تشتغربوش من التمر و الاجاص يخي يقولو خلطها تصفى ههه

[حبيبة امها]

بارك الله فيك اختاه نجربها بادن الله واكيد تخرج امممممممممممممممممم روعة لانه كيكات التمر لديدة

[scorpionoir]

ممممممممممممم عجبتني وحبيت نجربها
التمرال طري والا الغرس قصدك ؟

[ام سراج وملاك]

مشكورة اختي على الوصفة

[/زهرة عصفور الجنة/]

العفو اخواتي
طعهما رائع ولن يظهر انها فيها اجاص الاجاص يعطيها طراوة التمر قصدي حبات من النوع الجيد ماشي الغرس
اما عن التصوير فمعذرة ليس لدي الة تصوير

[idron0]

بارك الله فيك

[HADILDZ]

مشكورة اختي على الوصفة نجربوها و نرجعولك الخبر

[/زهرة عصفور الجنة/]

ان شاء الله شكرا

[اكرام براءة]

بارك الله فيك اختي