ملف عن انواع التوابل و الاعشاب و استخداماتها - الصفحة 2

رحيل ج · 2013-11-05, 18:48

للكسكس( الطعام) حنا نستعملو الكسبر وحبة الحلوة والحلبة محمصة شوي عالنار مع شيبت الشيخ مطحونين وقليل من الفلفل الاسود والبسباس الي يحب هدا للمرقة اما للكسكسي نحب نستعمل قليل من الكسبر مع شوي سكر وزيت ونخلط تجي روعة وكاين لي يستعمل في بلاست الكسبر حبة الحلوى وكاين الي مايديرهاش
حنا مرقت الكسكسي عندنا حلوة للشربة ففلفل اسود وقرفة عود للفريك كسبر حلبة كيما الي فاتت كمية قليلة بسباس حبة الحلوى للبقوليات الكمون وفلفل اسود وعود قرفة للحلو عود قرفة ونجمة اليانسون والفاني في الاخير للطواجن كل حسب نوع الطاجين والمرقة تاعو اما بيضا ولا حمرا ولا بالزعفران او العود الاصفر نحب في طاجين الزيتون رشة قرفة وكل التوابل تعود على حسب الاذواق

Basketteuse · 2013-11-05, 19:13

انا نستعمل الكسبر في كلش تقريبا مع فلفل اسود بالطبع
في العجائن التقليدية الكسبر والكروية ... في الروز الكسبر نزيد الكركم و الهيل . . في المقرون الكسبر ومرات نزيد الكروية وساعات الاعشاب زعيترة او حبق
البيتزا: فلفل اسود وحبق .....
ومرات نستعمل راس الحانوت نشريه من تونس في العجائن
الحبوب كسبر وكمون
الملوخية كسبر وكروية
ومرات نستعمل فلفل حمارحلو اوحار في المراقي الحمر

مرام · 2013-11-18, 19:25

انا لشربة تاع الفريك نستعمل راس الحانوت ورند وعود صغير قرفة وجوزة الطيب و لشربة الفارميسال نفس التوابل نزيد برك نعناع ناشف في الاخير
وللكسكس نستعمل راس حانوت مع شيبت الشيخ
وللطواجن تاع الدجاج نستعمل كركم راس حانوت و رند مع فلفل اسود
وللدجاج المحمر نستعمل راس الحانوت والرند وعود قرفة و زنجبيل وفلفل اسود
للحلو نستعمل جوزة الطيب مع عود قرفة مع شوي رند
للحبوب نستعمل راس حانوت مع الكمون

sana bordeaux · 2013-11-18, 19:58

رووووووووووووووووووعة يعطيك صحة

ام اريام · 2013-11-18, 21:35

السلام عليكم اخواتي.موضوع شيق كل منطقة تقريبا لها خصوصياتها من جهة نوعية البهارات المعتاد ااستعمالها.بالنسبة لي استعمل خليط من الكسبر و زريعة البسباس تكون نسبة الكسبر اكبر مرتين من زريعة البسباس في جميع طبخاتي مع الزنجبيل .بقي المرق الاحمر نضيف فلفل احمر حار او حلو .في الروتي نحب ندير حبة بصل مثقوبة بالقرنفل.الفلفل الاسود نستعملو في المرق الابيض والاسماك وهنا نضيف الكمون.وهناك طبخات نستعمل فيها هذا الاخير مثل شطيطحة اللوبيا...وهناك راس الحانوت الاصفر للمرق الابيض و الاحمر للمرق الاحمر.ويطول الحديث حبيباتي اذ هناك الكيري للدجاج.الكركم ا لزعفران القرفة الهيل.........

همسة مشاعر · 2013-11-26, 15:45

السلام عليكم حبيباتي والله كي قريت كيفاش تستعملو البهارات في الاكل كاين اختلاف كبير بين تبسة والولايات الاخرى
احنا في تبسة نستعملو البهارات ياسر ونكثرو منهم ماكلتنا تجي دوزي
مثلا احنا نشرو بهارات تاع تونس لانها قريبة منا وفيها فلفل احمر مرحي وسكنجبير وكمامين وكروية وفاح اسود يكونو مخلطين مع بعض
احنا المرقة البيضاء نستعملو فيها فلفل اسود وزعفران مرحي وفلفل احمر تجي حارة شوي
وشربة الفريك نستعملو فيها كامل البهارات ومنستعملوش الزعفران خاطر تجي الشربة صفراء تفسد
ونكثرو الفلفل الاحمر تجي حارة وبنينة
اما الشخشوخة والعجائن المفورة نكثرو ياسر البهارات
والطاجين الحلو نديرو فيه شوي تاع زعفران ومعاه قرفة مرحية
وجوزة الطيب ثاني نضيفوها لطاجين حلو
المثوم نستعملو معاه الكروية

أمة العزيز · 2014-04-22, 08:40

يعطيكم العافية على الطرح المفيد

R I A D · 2014-04-22, 12:14

تسلم ايديك عزيزتي بريق الامل

*سيرتا * · 2015-01-31, 20:47

رانا نستفادو منكم بارك الله فيكن

idron0 · 2015-01-31, 21:23

يعطيك الصحة اختي

تغرينية · 2016-04-18, 09:58

منكم نستفيد شكرا

oumnihal · 2016-04-30, 19:57

نحن في منطقة بشار نستعملو بزار الطعام للكسكس و هو متكون من القسبر حب اي البذور مطحونين + العود الابيض + الكمون + لحية الشيخ + سكين جبير+ كبابة + القوزة +الحبة الكحلة و الكل مطحونين طبعا

marwa2015 · 2016-04-30, 21:27

موضوع له اهمية خاصة للمبتدئات بالنسبة للتوابل كل طبخة لها توابل حاصة بها مثلا السمك نضع له الكمون بكمية مليحة الفلفل الاحمر فلفل اسود و القصبر الجاف و هدا هو السر يجي بنين الطواجن الحلوة البرقوق و السفرجل نضع القرفة اعواد و سكين جبير و الزعفران الملون خاصة الشعرة الا اعجبكم الموضوع اتصلو بي ههههههههههه

فاتي تيارت · 2016-05-04, 09:04

نحب كركم وكمون بزاف بزاف

sissi525 · 2016-05-04, 10:29

سلام
انا كينغلي الارز خاصة البسمتي ندير معاه في الماء يغلي عود صغير قرفة و حبات هيل و حبات قرنفل و ملح و نصف حبة قارص و ورقتين رند ينكهوه كما في السعودية و اذا حبيتيه اصفر زيدي كركم و زعفران.
و لاصوص ديريها وحدها و سقي بيها.