ملف عن انواع التوابل و الاعشاب و استخداماتها

بريق الامل& · 2013-11-05, 14:02

البسملة1

التوابل هي عبارة عن مادة أو مجموعة مواد تضاف عادة إلى الطعام بكميات قليلة وتستعمل لإعطاء نكهة للأطعمة المختلفة، وتصنع البهارات من كافة أجزاء النباتات كالبذور والثمرات والأوراق واللحاء والجذور

التوابل لها أهميتها في طهى الطعام وتباع جافة إما في صورة مسحوق أو بشكلها الأصلى حيث يمكن سحقها في المنزل بالشكل الذي تريده وكلا الصورتين تضيف مذاقآ لذيذآ ونكهة ممتعة لطعامك ويمكنك طحنها بالمطحنة اليدوية أو الكهربائية .

لكل منا خلطاتها الخاصة من البهارات سواء تخلطها بنفسها في البيت او تشتريها جاهزةاحببت ان نعرف ماهي خلطاتك في التوابل واي انواع تستعملي في كل طبخة
هناك طبعا اختلاف من عضوة لاخرى ومن منطقة لاخرى
هيا كل وحدة تقولنا انواع التوابل الي تستعملهم شاريكنا لنفيد ونستفيد
هل تشتريها جاهزة ام تطحنيها يدويا او بالكهرباء
مثلا شربة ماذا تستعملي؟مرقة حمرا؟مرقة بيضا؟ اطباق بالفرن؟عصرية تقليدية؟
مع دعم الرد بصورة للبهار من عندك او من النت

أم محمد تاج · 2013-11-05, 14:19

موضوع رائع شكرا ليك ونبدا أنا واش نستعمل
حبيبتي للشوربات فريك فارميسال لسان العصفوور نستعمل غير الكسبر وشوي فلفل أسود ونص مغرف صغيرة زنجبيل مرحي يمد نكهة روووعة للمرقة الحمراء
للشخشوخة والبربوشة والتليتلي وتوابعهم ندير الكسبر وراس الحانوت وفلفل أسود هاذ المأكولات يحبو لمدوزي
وللحبوب نستعمل غير الكمون وشوي كسبر فقط
ولي قراتان نستعمل غير فلفل أسود
ولي سوب بلونش مثلا تاع الفروماج ولا البويون نستعمل غير الزنجبيل ورشة كسبر
ومثلا للمرقة البيضاء تاع المثوم وتوابعه نستعمل غير الكسبر والفلفل أسود فقط
نشالله يتفاعلو معك لبنات ونتعلمو من كل وحدة

بريق الامل& · 2013-11-05, 14:25

شكرا ام تاج استفدت منك
لي عودة نقوللكم على توابلي
ارجو التفاعل لنتفيد من الجميع

ام طيري الجنة · 2013-11-05, 14:31

بارك الله فيك على الموضوع
انا الحاجة اللي تعجبني بزاف هي الهيل او حب الهال في المرقة الحلوة
و الكروية + سكين جبير في اخر مرحلة قبل ما نطفي على الحريرة
و الكمون + سكين جبير نعاود بيه الكسكس ( الطعام ) في اخر مرة قبل ما نسقِّي

omhadil · 2013-11-05, 14:45

موضوع رائع يلبروقة انا تانى تحب التوابل ونحب نعرف اين تستعمل
مثلا كى نطيب مرقة بيضاء نستعمل فلفل اسود ورشة قرفة مطحونة تعطى بنة هايلة وبسباس مرحى
ورشة زنجبيل اذا كان الطبق بالدجاج
انشاء الله نستفادو من الاخوات

بريق الامل& · 2013-11-05, 14:58

اقتباس:

المشاركة الأصلية كتبت بواسطة ام طيري الجنة

بارك الله فيك على الموضوع
انا الحاجة اللي تعجبني بزاف هي الهيل او حب الهال في المرقة الحلوة
و الكروية + سكين جبير في اخر مرحلة قبل ما نطفي على الحريرة
و الكمون + سكين جبير نعاود بيه الكسكس ( الطعام ) في اخر مرة قبل ما نسقِّي

مليح استفدت منك ونحب الجديد ونحب نجرب عمري ما ستعملت الهيل في اللحم لحلو واكيد يمد بنة مليحة استعملت القرنفل مرة وعجبني تغيير
خاطر انا ندير قرفة العود فاني
واكين الي تستعمل فتيتة رند
ونستعمل ثاني زعفران مرحي للون اة كركرم مرحي
الهم زدني علما
بصح اول مرة نسمع بالمون والكروية يتعاود به الطعام قصدك في الرشة الاخيرة اديرهم يا ريت توضحي
شفتو كاين الجديد واكيد نستفادو

إلهام07 · 2013-11-05, 14:58

انا مفاشياتك مانشاركش :roll eyes::roll eyes:

بريق الامل& · 2013-11-05, 14:59

ام هديل حتى انا مرقة بيضا ندير كيفك بصح ندير قرفة عود وخطرات كينطفي نرش قرفة مرحية

بريق الامل& · 2013-11-05, 15:00

اقتباس:

المشاركة الأصلية كتبت بواسطة إلهام07

انا مفاشياتك مانشاركش

:roll eyes:

الا زعلك لهومتي كلبوزتي

هيا شاركينا مديلنا افكارك وبنة مرقتك

ام طيري الجنة · 2013-11-05, 15:11

اقتباس:

المشاركة الأصلية كتبت بواسطة بريق الامل&

مليح استفدت منك ونحب الجديد ونحب نجرب عمري ما ستعملت الهيل في اللحم لحلو واكيد يمد بنة مليحة استعملت القرنفل مرة وعجبني تغيير
خاطر انا ندير قرفة العود فاني
واكين الي تستعمل فتيتة رند
ونستعمل ثاني زعفران مرحي للون اة كركرم مرحي
الهم زدني علما
بصح اول مرة نسمع بالمون والكروية يتعاود به الطعام قصدك في الرشة الاخيرة اديرهم يا ريت توضحي
شفتو كاين الجديد واكيد نستفادو

انا ايضا عزيزتي نستعمل القرفة عود و الفاني و الما زهر و زعفران و نزيد 2 اة 3 حبات هيل و البنة رائعة جربيها و ادعيلي
اما بالنسبة للطعام هذي طريقة امي ربي يحفظها كي تديري الزبدة و لا الدهان في المرحلة الاخيرة زيدي معاها شوي كمون وشوي سكين جبير (ماشي الكروية ) و دهني الطعام نتاعك ثم ضعيه في الصحن وسقِّي يلا كنت من محبي التوابل فستجدين طعما رائعا

أم ياسين الزهراء · 2013-11-05, 17:08

يعطيك الصحة بروقتي الحلوة

انا نشري التوابل جاهزة يعني الفاح نطيب بيه كلش كلش هو الاساس في قدرتي وهو عبارة على قصبر الرسمي وتوابل اخرى وندير الفلفل الاحكل والعكري في المرقة الحمراء كيما الشربة والطعام والماكلى البيضة ندير الفلفل الاكحل برك والروطي نزيد الهيل حب يطلق طعمى هايل هايلة بصح قبل مانحط الروطي نحيه ولادي مايحبوهش اما القرفة مانطيبش بيها مانحبش طعمتها تصلح غير لطاجين الحلو ونزيد معاه النجمة والكمون يصلح للبقولات والاسماك ومرقة بطاطا تاع بكري ادا تشفاي عليها كانت هايلة ماشي كيما دوقى البطاطا صامطة ههههههههههههه والرند ماننساهش تقريبا في كلش غير في المراقي البيضاء

ان شاء الله فدتكم وكشما تفكرت نزيد

أم ياسين الزهراء · 2013-11-05, 17:10

تفكرت الكركم في الروز اممممممممممممممممممممممم

بريق الامل& · 2013-11-05, 17:48

يعطيك الصحة ام ياسو
هاني عرفت حاجة جديدة الهيل في الروتي
انا ندير راس حانوت وكمون ورند وثوم للروتي
ايه للباقوليات نحب الكمون والكروية

اقتباس:

المشاركة الأصلية كتبت بواسطة أم ياسين الزهراء

يعطيك الصحة بروقتي الحلوة

انا نشري التوابل جاهزة يعني الفاح نطيب بيه كلش كلش هو الاساس في قدرتي وهو عبارة على قصبر الرسمي وتوابل اخرى وندير الفلفل الاحكل والعكري في المرقة الحمراء كيما الشربة والطعام والماكلى البيضة ندير الفلفل الاكحل برك والروطي نزيد الهيل حب يطلق طعمى هايل هايلة بصح قبل مانحط الروطي نحيه ولادي مايحبوهش اما القرفة مانطيبش بيها مانحبش طعمتها تصلح غير لطاجين الحلو ونزيد معاه النجمة والكمون يصلح للبقولات والاسماك ومرقة بطاطا تاع بكري ادا تشفاي عليها كانت هايلة ماشي كيما دوقى البطاطا صامطة ههههههههههههه والرند ماننساهش تقريبا في كلش غير في المراقي البيضاء

ان شاء الله فدتكم وكشما تفكرت نزيد

اقتباس:

المشاركة الأصلية كتبت بواسطة أم ياسين الزهراء

تفكرت الكركم في الروز اممممممممممممممممممممممم

تشكرين

متمنية · 2013-11-05, 17:54

انا نشريهم بلاطحين ونطحنهم فى الدار بعد الغسيل طبعا ةالتجفيف يجوووو هيلين بنسبة لطعام انا استعمل راس الحانوت والكمون يجى هايل فى اخير وبنسبة لمراقى استعمل سكين جبير

طهراوي ياسين · 2013-11-05, 17:56

بارك الله فيك على الطرح المميز