صينية كفتة و خضر يمييي يمييي

[R I A D]

السلام عليكم حبيباتي
هذه اكلة لذيذة جدا و سهلة و مغذية ويحبوها الكبار و الصغار



حبات بطاطا متوسطة حسب افراد العائلة , تقريبا بين 6 او 7 مقصوصة شرائح و محمرة في الزيت الساخن لكي تاخذ لون محمر ما تطيبيهاش حمريها برك على نار عالية


حبات طماطم حمراء 5 او 6
حبات فلفل حلو 4

لحم مفروم متبل


خلطي مليح اللحم المفروم مع شوية بصل 3 سنات ثوم = ملح = فلفل اسود=سكنحبير =معدنوس=راس الحانوت =شوي شابليغ= لمي ببياض بيضة.انا درت البيضة كاملة ثم اعملي منه قرصات

خذي صينية من الافضل مربعة او مستطيلة لكي تعطينا هذ الشكل الجميل و ندهن قعرها بشوية زبدة و نبدا نرتب الكفتة و الخضر
حطي ترونش بطاطا ثم قرصة اللحم ثم ترونش طماطم "لكي تطلق مائها على اللحم يبقى طري", ثم ترونش فلفل
و كرري العملية حتى للنهاية و الترونشات الي يبقاو لك احشريهم في الحاشية لكي لا نشوه المنظر الجميل الي عملناه

نتحصل على هذ الشكل الجميل

نرش عليها الملح ثم الفلف الاسود ثم نرمي عليها صوص طوماط تكوني حضرتيها من قبل , انا شريتها واجدة يتغطى وجه الكفتة و الخضر بهذا الشكل


دخلي الصينية للفرن تطيب
و هاهو شكلها بعد ما طابت




نتمنى تجربوها راهي رووعة و بصحتكم مسبقا

في امان الله