صمت وانين

[مشكلتي]

انا صاحبة هذا الموضوع
https://www.djelfa.info/vb/showthread.php?t=1954527


اقدم جزيل الشكر للذين ردوا علي والهموني بنصائحهم والقيمة والله لن انسى طيبتكم معي وعونكم معي

عدت لطريقي واستسلمت لواقعي وانا راضية كل الرضى بما اني تعبت ودرست للمرة الثانية وان الله لن يخيبني

ولكن ف الايام القليلة الماضية رايت مناما وليتني لم اره مشابه لما رايته العام الماضي وكان يبشر برسوبي هو اني رايت اذني تسقط على الارض ففسرتها وكانت تعني انني ساخسر علمي وبصفة عامة تدل على الخسارة فكانت حقا الخسارة حليفي

اما الحلم الثاني الذي كان قبل ايام كان سباق مع زملائي سباق العدو الكل وصل للنهاية ولكن انا قبل وصولي سقطت وتلعثمت بالارض ولم واحسست بحزن عميق جدا لم يسبق لي مثيل

فادركت انها الخسارة الثانية ومن حينها وانا لا ادرس شئ سوى الببكاء والتفرد بغرفتي لا ادري لما لا اسعد في حياتي بفرحة البكالوريا لما اغلقت ابوابها في وجهي لما كنت ناجحة سابقا واتلقى التهاني والثناء طول مشواري وعام حصادي ينتهي كل شئ ما اقسى هذه الحياة

ودائما مدايرة ربي في بالي ولكن حااااالي !!!لم استطع التحمل عامين وانا اقاسي لاني احب الدراسة حقا ولم اتوقع ننهايتي هكذا

اريد ان اسمع كلمات تطيب خاطري وتخفف عني لاني اصبحت كالشاردة تبحث عن الاستقرار

جزاكم الله خيراا

[ام رضوان]

السلام عليكم
بنيتي شهدي واستغفري وديري ربي في قلبك
المنام اللي تشوفيه وتلقاي فيه الشر ماتعاوديهش حتى لاحد واستعيذي بالله من الشيطان الرجيم
حاجة اخرى انتي تمي اقراي وخلي تكلانك علي ربي ومن بعد الباك حاولي ترقي يمكن راهي عين اصابتك او سحر
ربي يشفيك وكفكف دموعك ويبدل احزانك افراح
ربي ينجحك وينولك مرادك اميييييييين

[لحن الحياة.]

يا طفلة مكااااااااانش لي ما عاودش ولا ما فشلش في كاش مجال و ديما نتعلمو
شوفيني انا لا حيا لا حشمة معاودة الباك 3 مرات و ضاربة الدنيا بطاوة و ربحت المرة الرابعة و درت قلب وقريت و كلش وعاش الجميع بسعادة وهناء ... كوني مثل jill ههههههههههههههههههههه نضحك معاك
بصح لازمك تقراي ما تقعديش تستناي فالفشل ....ربي يوفقك

[ibtihal18]

يا اختي لوكان اللي يشوف فينا منام مش مليح و يفسرو من نفسو و يوقف حياتو عند و و يكتف يديه لوكان رحنا فيها كامل ما تربطيش حياتك و مصيرك بمنام او حلم اللشي اللي نمتيه مش مليح استعيذي بالله من الشيطان الرجيم و انسايه و ما تحكيهش حتى لواحد و ما تفسريهش و ما تفكريش فيه اصلا
انطلقي اختي من حيث توقفتي و الباك ليس نهاية العالم عندي اخت كانت مثلك طول حياتها متفوقة فالدراسة يعني معدلاتها ما تنزلش من 16 مش من النوع اللي يحفظ برك فاهمة مليح و عندها لاباز في كلش ماشاء الله و للاسف كي وصلت الباك داتو بمعدل 13 و فشلت و حكمها اكتئاب و تظل تبكي و حتى صلاتها قريب وقفتها منين جهلت و من الحالة النفسية اللي وصلت ليها بعدما كانت ما تطلقهاش و كانت تحفظ القران كيفاش صحاباتها كامل نجحو كيما حبو و راحو يقراو طب و صيدلة و هي ما لقاتش حتى واش تقرا و كانت ماعندهاش استعداد تعاود الباك لانها تعبت و قرات مليح و حنا غلطناها بزاف و قفنا معاها المهم سجلت لغة انجليزية و ماشاء الله عليها درك راهي ديما تجيب 15 و عاجبتها و رجعت لعقلها و تحمد ربي نهار كامل و درك كل صحاباتها اللي راحو يقراو طب و صيدلة يعيطولها يشكيو يبكيو ما قدروش على التعب و الصعوبة تع القراية
انا عطيتك المثال هذا باش تصبري برك و تتشجعي و تنوضي تكملي قرايتك مش كلشي نسعاو ليه نتحصلو عليه واش عطاك ربي ترضاي بيه شوفي درك اصلا ولات اللي ما يعجبهاش المعدل تعها تعاود الباك و انت كي ما نجحتيش مش نهاية العالم بالعكس لازم تكون ارادتك قوية و تتحداي كلش و لعني بليس اللي راه يوسوسلك و قولي في نفسك باذن الله ندي الباك و نفرح و نفرح والديا لما تقتنعي بهذي الفكرة رح تنجحي باذن الله ما تنسايش دعاء والديك قلهم يدعولك و يكثرو ربي يسهلك باذنه
ما بقالكش اختي الوقت و اللي بقا ما تضيعيش فالبكاء نوضي و و توكلي على ربي و بداي فالمراجعة تاعك بالتوفيق و النجاح

[*أم سجى*]

لا عليك أختي المنامات التي ترينها ليست من صلب الواقع وانما هي انعكاسات لحاتلك النفسية .....أنا أيضا كنت مثلك ....قبل امتحان البكالوريا بشهر كنت دائما أرى أحلاما سيئة في منامي ومعظمهاكنت ارى ان الوقت يفوتني وأنا لم انهي اجابتي ومرة أرى أنني يوم الامتحان أصل متأخرة للقاعة وأنا أبكي .....وغااااااالبا ما أرى ان الوقت يداهمني ولم يستلمو مني الورقة .....هذه الاحلام والله عشتها كثيرا وكانت تراودني أيام قبل امتحان البكالوريا.........ثم نجحت والحمدلله.......ما أردت أن أقوله لك عزيزتي هو أن هذه الاحلام التي ترينها ماهي الا انعكاس لخوفك تماما مثلما حدث معي.....توكلي علا الله اختي ولا تخافي أبدا لاتنسي أنك فتاة والدراسة في نظري أمر ثانوي للبنت وليس ضروري ....ضعيها أمرا ثانويا وليس ضرورة .....وضعي في بالك أنك ناجحة سواء رسبت أم نجحت ......أتمنى لك النجاح من كل أعماق قلبي وفقك الله أختي

[nour om adam]

يا اختي ما تتقلقيش انا كي جيت نفوت الباك حلمت نفس حلمك تاع السباق و عادي جبت الباك اتمنى لك النجاح ان شا الله

[النجمة القطبية]

يا اختي اولا الاحلام احيانا تكون من الشيطان فهو يحزن ابن ادم
والحلم السئ متحكيهش وتصلي ركعتين وتقراي سورة الكرسي
مشكلتك ان ثقتك بالله وبنفسك ضعيفة وتركتي كل شئ وبنيتي حياتك على حلم قد يصدق وقد يخيب
وايضا واضح انك لا تعرفين عن عالم الرؤى شئ
فالحلم يكون احيانا للتحدير بمعنى ينبهك ان لا تقعي في نفس الفخ وليس قيمة مطلقة كما تريه يتحقق
ثم انك فسرتيه بنفسك وهلك انتى مفسرة رؤى
قد يكون معنى سقوط الادن مثلا انك متهاونة في دينك وفي صلواتك
وقد تحمل معنى عدم سماعك للنصيحة فيكون تنبيه لك لا اكثر
لدلك الله يهديك استغفري وصلي ركعتين في جوف الليل واتككلي على ربي
وربي يوفقك

[* قمر*]

تفاءلوا بالخير تجدوه