نهاية مأساتي

[مشكلتي]

والله انا راح اموت لا ادري لماذا هكذا انا في اخر المطاف استسلم اغلقت ابواب النور عني

أحس ان لبكالوريا هذه تخنقني وستؤدي بحياتي انتم قولوا ليست بنهاية العالم لكنها تعني لي الكثيييييير

انا اعيده للمرة الثانية وكان من المفروض اني بالجامعة لان معدالتي لاتنزلق تحت 16 حتى عام ماضي لكنني اعدته

والان ايضا عاد لي نفس الشعور اني ساخفق هذه المرة وكاني لم ادرس شئ تبخر كل شئ رغم تفوقي ايضا هذا العام


هل كتب لي اني لن اتحصل على البكالوريا في حياتي مهما اعدت الكرة ام ماذا؟؟؟؟؟؟


هناك العديد من القصص التي تشابه قصتي لكني انا سافقد حياتي هذه المرة !!!!!!!!! لست اهلا للعيش ولا التعايش مع الظروف في حالي يرثى عليه

لاتقولوا عني قنوطة فوالله احمد الله على نعمه وانا احبه كثيرا ولا اريد عصيانه لكن!!!!!!

جل ما اتمناه ان تدعوا لي بالهداية والمغفرة وان احضى بروض من رياض الجنة انعم به .

[*أم سجى*]

انشاله ربي يوفقك هذالعام تجيبيه ونفرحو بيك ...برك متسبقيش الأفكار السلبية أمامك....حطي أمام عينيك أنك ستنجحي مهما كان ....سترين نجاحك وفوزك عن قريب ....لاتصعبي الامور على نفسك خاصة وان مستواك ممتاز على حد قولك ولا يدعو للخوف والقلق ......وفقك الله

[لحن الحياة.]

الناس عاودت 7 و 8 مرات و ما فشلتش و انتي مرة برك و خلعتي

مالا ديري قلب و اقرااااااااااااااااااااااااااااي باش تتوفقي و راجعي مليح
و عقوبة مش برك للنجاح تاع الباك باذن الله تعودي موظفة قد الدنيا و تنساي كل هاذ المعاناة

[أم سلوى]

واش تقولي انا للمرة الرابعة زائد انا كبيرة في السن..راني ندير امل لروحي كل مرة
رغم ان الجميع يضحك علي لكن انا إربد البكالوريا مهما يحصل
انا اتجاهل كل من يقول لي انك لن تنجحي...للان في قرارة نفسي لن انجح
لكن انا لا اعترف طي انجح....
انت تعانين من الخوف السلبي..انت مسؤؤلة عليه..
كيف تتخطين ذلك...احذري التفكير في الباك على انه سد منيع انه لا شيئ
رددي انه امتحان الابتدائي...انهجاسهل ما يكون
واجعلي الخوف في شهر جويليةجقولي لنفسك ساقلق في جويلية لانه قد يكون الامتحان فات


ان لم تساعدي نفسك على تخطي هذه العتبة سيصعب عليك الوضع

او فكري في الشعبة التي تريدينها في الحامعةه


رددي. انا في الجامعة واخشى الرسوب في اللسانس..
كلما تفكرت الباك سميه اللسانس....

[ام رضوان]

السلام عليكم
الله يجبر بخاطرك يابنيتي وربي يوفقك
ماتياسيش يابنتي وتوكلي على ربي وخلي ثقتك بالله ماتتزعزع
هذا شيطان ووساوسه باه تفشلي وتسواد الدنيا بين عينيك
انت توكلي على ربي واقراي وادعي والحي في الدعاء
ورددي في نفسك انا قوية انا قادرة انا ربي معايا وراح يستجيبلي ويحقق مرادي باذنه سبحانه وتعالى
وانزعي من راسك فكرة الفشل وخليك فتاة اجابية
مادامك طالبة علم وفاهمة وعندك معدل مليح قولي باذن الله الباك راهو في مقدوري
اكثري من الدعاء والاستغفار
وبعدالعيد باذن الله اكتبيلنا وفرحينا بنجاحك باذن الله
وانا راح ادعيلك باذن الله
ربي يبدل ايامك الحزينة بفرحة تنسيك ماعنيته اميييييييين

[مصطفى_س]

انا في اخر المطاف استسلم اغلقت ابواب النور عني

مكانش اخر المطاف و الابواب لا تغلق بل مفتوحة دايما متخليش الشيطان يوسوسلك بلي كلشي خلاص و كلشي فات و كلشيء راح
بالعكس الشيطان عليه لعنة الله يحب العبد الحزين و ربي يحب المتفائل والله يعدكم مغفرة

ان لبكالوريا هذه تخنقني وستؤدي بحياتي

والله يا البكالوريا راهي امتحان عادي و بزااااااف لي عقبو المرة الاولى و منجحوش و حاولو مرة ثانية و نجحو و كاين لي حاول مرة ثالثة و كاين حتى ال5 و كاين لي حاول بزاف و منجحش
موش معناتو منجحش نهاية العالم ربي برك مكتبش بكل بساطة و اذا كاين عبد عندو اعتراض على مكتوبب ربي يهدر
احمدي ربي لانو والله السعادة او النجاح ليس مرتبطا بالباك السعادة عندها ابواب كثيييييرة منشوفوهاش لانو الشيطان لي يخلينا نخممو في شيء واحد فقط

والان ايضا عاد لي نفس الشعور اني ساخفق هذه المرة وكاني لم ادرس شئ تبخر

هنا راه الشيطان لي بدا يخوف فيك و يوسوسلك و تنقصك حاجة و هي الثقة في النفس لااااازم تكوني قوية دبري راسك و ترضاي بالمكتوب
استغفري ربي بزاف راح تتحسن حالتك

لست اهلا للعيش ولا التعايش مع الظروف في حالي يرثى عليه

ربي كتبلك انك تعيشي في الدنيا و هو ارحم بك منك انت لنفسك لذا وجب عليك انك تعيشي و تعبدي ربي اولا ثم تعيشي حياتك عادي لانو البكالوريا ليست كل شيء في الدنيا توجد امور كثيييرة ان شاء الله تكبري و تعرفيها وراح تشوفي بلي الباك مهوش حاجة خلاص

لاتقولوا عني قنوطة فوالله احمد الله على نعمه وانا احبه كثيرا ولا اريد عصيانه لكن

لكن تنقصك شوية تشجيعات و الحمد لله الاعضاء هنا دعاولك بالخير و تنقصك الثقة بالنفس و الحاجة الاهم الرضا الرضا الرضا
و تأكدي كي ترضاي راح تسعدي لانو ربي لي راح يسعدك

جل ما اتمناه ان تدعوا لي بالهداية والمغفرة وان احضى بروض من رياض الجنة انعم به .

اسأل الله العلي القدير ان يوفقك لنيل شهادة البكالوريا و ان يثبتك و ان يوفقك

[لحن الحياة.]

المشاركة الأصلية كتبت بواسطة kamla33

واش تقولي انا للمرة الرابعة زائد انا كبيرة في السن..راني ندير امل لروحي كل مرة
رغم ان الجميع يضحك علي لكن انا إربد البكالوريا مهما يحصل
انا اتجاهل كل من يقول لي انك لن تنجحي...للان في قرارة نفسي لن انجح
لكن انا لا اعترف طي انجح....
انت تعانين من الخوف السلبي..انت مسؤؤلة عليه..
كيف تتخطين ذلك...احذري التفكير في الباك على انه سد منيع انه لا شيئ
رددي انه امتحان الابتدائي...انهجاسهل ما يكون
واجعلي الخوف في شهر جويليةجقولي لنفسك ساقلق في جويلية لانه قد يكون الامتحان فات


ان لم تساعدي نفسك على تخطي هذه العتبة سيصعب عليك الوضع

او فكري في الشعبة التي تريدينها في الحامعةه


رددي. انا في الجامعة واخشى الرسوب في اللسانس..
كلما تفكرت الباك سميه اللسانس....

رانا صحابات مالا انا ثاني فشلت 3 مرات بسبب خوفي امبعد لقيت روحي كنت غبية و درت قلب كبير و ربحت ...يخي في وقتنا حنا كان لا تكنولوجيا لا تلفون لاوالو المخير يتفرج فيلم في تلفزيون بوكرشة تاع بكري

[fafi05]

يا اختي ما تقلقيش روحك خلاص انا عن نفسي عاودت الباك للمرة الثامنة باش تحصلت عليه و كنت من المجتهدات و نقرا مليح بصح كي نفوت الباك نمرض بصح ربي سبحانو رحمني و ما خلاش تعبي يروح خسارة نجحت و قريت في الجامعة و اليوم راني محامية و الحمد لله ...ما تياسيش من رحمة ربي اللي راكي تحسي بيه ذرك مجرد ضغط و توتر من الباك لا اكثر و نفسيتك تعبت لانك ربطتي نفسك بفكرة الفشل ..استغفري و صلي و ادعي لربي ينجحك ان شاء الله

[mounyabiskra]

ربي يوفقك يا بنتي

[Algam]

يجب ان تثقي في نفسك وفي قدراتك فالخوف هو العدو اللذوذ للنجاح

[إنسانة بسيطة]

لانك في مرحلة عمرية حساسة ومرتبطة بصديقاتك فتحسي بالخوف من الرسوب وهاذي حاجة طبيعية كلنا مرينا بيها
انا منين قريت في الجامعة متزوجة بالحمل وتجي بالبولي كوب وتقرا من قلبها اكثر مني وقرا معايا رجال خدامين مرسمين وشعرهم ابيض وتلقايهم هم الاولين في المكتبة حتى كي نحتاج كتاب نروح للشخص ونسلفو منروحش للمكتبة كامل

في فترك هاذي كلامي تحسيه غريب بصح كي تفوتي مرحلة الثانوية تلقاي نفسك ضيعت وقتك في التخمام مع انك لو وصلت الليل بالنهار مش رايحة تجيبي الباك الا اذا قدرلك ربي فاتكلي على الحي القيوم وخذي بالاسباب ومتقنطيش روحك .

الاحساس بالفشل مؤلم بصح مش نهاية العالم

[زبدة ذايبة]

شوفي يابنتي

نعطيك قاعدة تاع التجار

لوكان التاجر يفكر في لخسارة برك تأكدي لحوانت اللي في الدزاير كامل يغلقو

واحد مايبيع

النتيجة اللي يحققها هذا التاجر هي لخسارة 100%

بالتالي نقولوا عليه ناجح في لخسارة

هو خطط للفشل وتحصل عليه

وانت راكي خططتي للفشل قبل وحصلتي عليه

وش حبيتي أكثر من هذا

راكي تشوفي في روحك خاسرة هذا وش راكي رايحة تربحي غير لخسارة

لكن
لوكان ديري في بالك حاجة وحدة وهي

انك تدخلي للامتحان باش ديري إبداعات وتحققي نجاحات راكي رايحة تنجحي

لكن إذا دخلتي خايفة الخوف هذاك ياكلك ومايخلي فيك حتى عقل وحتى تفكير

لازم تفكري في النجاح والنجاح فقط

راكي تقولي راكي شاطرة ماشاء الله

شاطرة في الأوراق وضعيفة مع نفسك

وش نزيد نقولك أكثر من هذا

إذا راكي حابة تخسري

ماتعييش روحك تراجعي وتمرضي روحك

من ضرك روحي تعلمي لخياطة

وإذا راكي قادرة تبدلي طريقة تفكيرك فأبواب النجاح مفتوحة أمام الجميع -أخص بالذكر الناس اللي يحبوا ينجحوا ماشي اللي يخططوا للفشل-

إذا لم تخططي للنجاح فأنت بالضرورة تخططين للفشل

نتمنى راكي فهمتي مليح

توكلي على الله وادعيه سبحانه وتعالى يقويك ويسدد إجابتك

حصني نفسك بأذكار الصباح والمساء

الشيطان حريص عليك باش تبقاي مهمومة وحزينة " الشيطان يعدكم الفقر ويأمركم بالفحشاء" هكذا نبهنا الله عزوجل عن الشيطان حتى نأخذ حذرنا جيدا

ربي يوفقك

[zouzou2010]

اذا ربي كتبلك تديه تديه واذا ربي ماكتبلكش تديه لوكان تقراي الليل والنهار وماتديهش انا تان راني نعاود فيه بصح راني متفائلة وراني ثايقة في ربي سبحانو ولي فيها الخير ربي يجيبها
دوك خلاص لحقنا لمرحلة درنا كامل واش قدرنا والباقي على ربي سبحانو ادعي وكي تحسي بالضيق ولي لربي سبحانو
وربي معانا كامل

[billel84]

السلام عليكم اختي عندما اسمع بتضيييع الباك بهذ الطريقة اتاسف لانك تلميذة متفوقة واجتهدتي ومعدلك يرشحك ليس للنجاح فقط بل للحصول على معدل 15 لانك ذكية انت دخلتي في صراع من نوع اخر نحن نصارع المواد والاسئلة وانت تصارعين نفسك الان الباك بالنسبة اليك هو السيطة على خوفك وهو اسهل من اسئلة الباك بكثثثثثييييييييررررررر ثقي في نفسك وفي اجتهادك وفي ذكائك ولا تفكري ابدا في الاخفاق وفي الجامعة وفي يوم النتائج عندك موضوع حليه وادعي بالتوفيق فقط كا الافكار هي وساوس ترهقك وتبعد عن النجاح بتفوق وانا متاكد انك ستحصلين على معدل كبير اعدك بدلك ان سيطرتي على خوفك انا نجحت وانا اقل منك مستوى بسنوات ضوئية لاني لم اخف لحضة وفقك الله اختي انتظر الرفيس ههههههه نسحر بيه في رمضان

[soulami sousou]

قانون التوقع
و الذي يقول أن أي شيء تتوقعه وتضع معه شعورك وأحاسيسك سوف يحدث في عالمك الخارجي، وهو من أقوى القوانين ،لأن أي شيء تتوقعه وتضع معه شعورك وأحاسيسك سوف تعمل على إرسال ذبذبات تحتوي على طاقة والتي ستعود إليك من جديد ومن نفس النوع، فأنت إن توقعت أنك ستفشل في الامتحان ستجد نفسك غير قادر على التفكير وأنك عاجز عن الإجابة على الأسئلة وهكذا، لذا عليك الانتباه جيدا إلى ما تتوقعه لأنه هناك احتمال كبير جدا أن يحصل في حياتك، فكثيرا ما يتوقع الإنسان أنه الآن إذا ركب سيارته فلن تعمل وبالفعل عندما يركبها ويحاول تشغيلها لا تعمل.