علاقتي متوترة مع والدتي

[kamatchu4]

حدث أن ذهبت لأعزي أحد الأصدقاء في وفاة والده الذي كان دائم الخلاف معه فوجدته منهار يبكي ثم مسح دموعه وقال لي "أقسم لو أن أحدا جاءني بعد اليوم يشكيني ظلم والديه لبصقت على وجهه (حاشاكم).."ثم إلتفت إلي وقال أريد أبي حيا حتى و لو كان سيئا جدا .
إصبري أختي فا لصبر مفتاح الفرج و أنت في هذه الدنيا لا تملكين سوىأم واحدة وعليك أن تحمدي الله على هذه النعمة ،فهناك من حرم من حنان أمه طول حياته.

[AMINA.Z]

ما تسناي والو ربعة و عشرين سنة و انت عايشة نفس الحالة

بكيتي و زعفت و ما تبدل والو

هادي هي العقلية نصيحتي اجبدي روحك و ديريلهم واش يحبو و ما تكتريش الهدرة

باختصار ثقلي روحك

حاولي تتجنبي المشاكل خاصة مع الوالدة لان الذنوب راهي في اللعب

تطفريها غير في روحك من التخمام بزاف

انتي عيشي حياتك و هي ربي يهديها

ما تنسايش غير ربي اللي عندو الحق باه يحاسبها

[ايمان فلاور]

هذي امك ماعندك ماديري .وعلى اسلوب خوك ...ادعي ربي يرزقك بولد حلال باه تتهناي ....واذا كنت تقراي حاولي تكوني متفوقة وابحثي عن عمل وهذاك الوقت نقصي من الهدرة وجبدي روحك وشوفي كيفاه يقيموك ويعودو حابين يحكو معاك عن تجربة وربي يجبيلك ولد الحلال.

[تاءبة]

يا اختي ديري في بالك حاجة وحدة ديما في راسك بلي امك راهي تموت عليك وراكي راح تتقبلي منها كل كلمة تقولها لانك واثقة بلي راها تحبلك غير الخير ولكلام ليتقولو راه دون قصد باش تجرحك بيه وصدقيني راني انا ام وساعات ندعي علي اولادي وانا نحبهم ونموت عليهم

[اكرم akram]

اييه ماما مسكينة راهي تعاني زيك عاداك راهي دير في جداتي وخوالي غير الخير كي تجي خالتي ديرلها كل مالذ وطاب وكي تجي ماما منها من لحيط

[خولة سكيكدة]

ربي يهدي أمك ويقدرك على طاعتها عليك بحسن المعاملة وجاي يوم وتتبدل معاك إن شاء الله