عاجل الى طبخات المنتدى الجميلات

ام محمد 05 · 2013-12-08, 16:50

مساء الخير لبنات من فضلكم شكون جربت وصفية نينيا للبيتزا حابة نجربها عجبتني بزاف وتبان شهيةو راني خايفة لي جربتها تنصحني او اي بيتزا اخرى مليحة وبارككم الله وهاهي الوصفة نتاع الاخت نينيا الجميلة
مساء الخير حبيباتي اليوم راح نوريلكم طريقة عمل عجينة البيتزا الايطالية وصدقوني بدون مبالغة لذيذة ورائعة والطريقة الاصلية كيما ترفو نحطو النواشف ثم السوائل والبيتزا تحب العجن بزاف بصح انا كيما تعرفو مانجيبلكم غير الساهل غيرت في الطريقة وشوية في المقادير وجربتها مرارا وتكرارا بطريقتي حتى نتاكد انها ناجحة 100/100 ومهما نقلكم عليها قليل تجي خفيفة وسهلة وماتاخدش وقت خلاص وتجي العجينة رقيقة لدرجة انك ماتقدرش تحمليها وهي ساخنة
جربوها وراح تعتمدوها وراح تدعيولي بزاف بزاف انا راح نقدملكم ثلاث طرق وحشوات لعجينة واحدة وانتوما اذا تحو غيرو اتزيين حسب رغبتكم

اولا انا استعملت نفس العجينة في الانواع في 3 اللي هي العجينة الايطالية ومكوناتها هي
في صحن غامق ولا سالاديار حطي 1كاس ونصف حليب دافي انا عملت بكاس لينوكس ومعاه مغرف كبيرة سكر+ملح قيس 4 قرصات صغيرة ولا حسب الرغبة وماتكثروش لان الجبن مالح+ملعقة كبيرة ونصف خميرة الخبز +فوق شوية من ربع كاس زيت يعني ماتوصليش لنصف كاس زيت زيتون ولا زيت عادي ولا مزيج منهم لانو كاين اللي مايحبش ذوق زيت الزيتون كيما اخواتاتي انا عملت زيت عادي لكن الاصلية بزيت الزيتون خلطي الكل مع بعضش وزيدي 2 كيسان فرينة وخلطي مليح بملعقة الخشب مليح مليح حتى تتحل الفرينة مليح وزيدي 1 خميرة الحلوى هادي هي الاضافة اللي من عندي وزيدي الفرينة حتى تتحصلي على عجينة طرية وايلاستيك لميها بيدك حتى تتجانس وادهنيها شوية بالزيت وحطيها في كيس واغلقي عليها حتى تختمر

إضغط هنا لرؤية الصورة بحجمها الطبيعي.
حضري صوص طوماط وخليها على جنب واللي تحب طريتي نحطهالها

وهاذو مستلزمات الحشو والتزيين

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
كي تحتمر العجينة نزليها من غير ماتعجنيها وكوريها لاربعة كور

إضغط هنا لرؤية الصورة بحجمها الطبيعي.
رشي المول نتاع الفرن بالفرينة
شعلي الفرن على اعلى درجة وخليه يسخن مليح مليح

رشي سطح العمل بالسميد

إضغط هنا لرؤية الصورة بحجمها الطبيعي.
وابداي حلي العجينة باصابعك مليح وخلي الحواف شوية خشينة وادا جاتك صعيبة حليها بالحلال رقيقة المهم كل مرة رشي السميد حتى تجيك عملية الفرد ساهلة
إضغط هنا لرؤية الصورة بحجمها الطبيعي.

وحطيها في البلاطو المرشوش بالفرينة

التشكيل
اولا pizza napolitaine او بيتزا نابوليتان انا عملتها بثلاث انواع من الجبن شيدار وقرويار وفروماج ايمونتال وممكن تعملي في مكانو جبن موزاريلا

كي تحلي العجينة حطي فوقها كمية من الصوص طوماط من غير ماتوصلي للجوانب
إضغط هنا لرؤية الصورة بحجمها الطبيعي.

ابرشي كمية مليحة من 3انواع نتاع الجبن وكثري من الشيدار زيدي فوقو كورات من اللحم المفروم وادا ماتحبيش الحوم ديري خضار كيما البروكولي او الفلفل الحلو مقطع شرائح وزيتون حسب الرغبة
إضغط هنا لرؤية الصورة بحجمها الطبيعي.

ودخليها مباشرة للفرن من غير ماتعمليلها ثقوب بالفرشيطة طيبيها من فوق وتحت ماتاخدش منك وقت ممكن اقل من 5 د حسب نوع الفرن
رشيها بشوية زيت زيتون وقدميها مباشرة
إضغط هنا لرؤية الصورة بحجمها الطبيعي.

شوفي طيابها من تحت

إضغط هنا لرؤية الصورة بحجمها الطبيعي.
ثانيا pizza andalouse او بيتزا اندلسية
حلي العجينة بنفس الطريقة وحطي فوقها الصوص طوماط وابرشي كمية من كبيرة من جبن شيدار وشوية قرويار وحطي فوقها قطع من الشامبينيو او الفطر وشرائح زيتون اخضر ودخليها لفرن ساخن مباشرة حتى تطيب من فوق وتحت في نفس الوقت وعند التقديم رشيها بزيت الزيتون وقدميها مباشرة وهي سخونة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ثالثا pizza4saisons او بيتزا الاربعة فصول وهادي ذوقها رهيب وانا نموت عليها
حلي العجينة بنفس الطريقة وديري فوقها كمية من الصوص طوماط وابرشي كمية مليحة من الشيدار والقرويار ولا اي جبن تحبيه

إضغط هنا لرؤية الصورة بحجمها الطبيعي.
وديري خطوط وهمية بالسكين يعني ماتلمسيش العجينة بيه كانك قسمتيها على 4
جهة حطي فيها زيتون اخضر مقطع وفوقو طبقة من الفطر او الشومبينيون وفي الجهة اللي جمبها حطي كمية من الفالف الحلو المقطع شرائح رقيقة او اي نوع من الخضار اللي تفضليها وفي الجهة الثالثة حطي كمية من الزيتون الاسود وفوقو كمية من الدجاج المفتت وممكن تعملي في مكانو جمبري او كروفات مسلوق انا ماكانش عندي اما الجهة الرابعة حطي فيها كويرات صغيرة قد حبة الزيتون من اللحم المفروم النيء يعني ماشي طايب وممكن تعوضيه بتونة مصفية من الزيت

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

دخليها لفرن ساخن مباشرة من غير ماتقبيها بالفرشيطة وطيبيها من فوق وتحت في نفس الوقت وكي تخرجيها مباشرة زيدي ابرشي عليها شوية جبن ورشيها بشوية زيت زيتون امممممممممممممم يعطيها دوق هايل وقدميها مباشرة وهي ساخنة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

راني حطيتلكم الصوص طوماط بطريقتي نزولا عند رغبتكن حبيباتي

في هذا الوقت حضري صلصة الطماطم وهادي طريقتي
اغسلي تقريبا 1كلغ من الطماطم الطرية واعصريها من البببدور والماء اللي فيها مليح ثم ارحيها ولا ابرشيها بلاراب وارمي القشرة اللي تبقالك راح تتحصلي على طماطم ثقيلة وعلى فكرة البذور والماء اللي في الطماطم هما اللي يخليو الصلصة تجي قارصة ولا حامضة انا دائما ننزعهم في جميع صلصاتي جربوها وراح تشوفو الفرق وهدا سر نجاح الصلصة
المهم حطو هديك الطماطم في مقلات مع حبة بصل صغيرة مبروشة +1سنة ثوم+ ملعقة سكر +ملح حسب الرغبة+3 ملاعق كبار زيت خلطي الكل وخليه على نار هادئة ربع ساعة

إضغط هنا لرؤية الصورة بحجمها الطبيعي.
ثم زيدي فوقها ملعقة متوسطة طماطم مصبرة ممكن اكثر او اقل حسب طماطم الحب اللي عملتيها انا اللي عملتها كانت ماشي حمراء مليح

إضغط هنا لرؤية الصورة بحجمها الطبيعي.
خلطي الكل وخليها على نار هادئة مابين ماتكون العجينة اختمرت

إضغط هنا لرؤية الصورة بحجمها الطبيعي.
معلومة...الطماطم من الخضر اللي يزيد تركيزها كل وين تخلوها اكثر على النار يعني كل وين تخلوها مدة اطول على نار هادئة كل وين تزيد تتركز مليح ويجي مذاقها بنين
نتمنى تجربوها لانها هبال بأتم معنى الكلمة
وفي الاخير راني نستنا ردودكم وتقييماتكم وبلا ماننسى تطبيقاتكم

__________________

اسمحولي طولت عليكم ونتمنى تردو عليا

أم إناس · 2013-12-08, 17:02

شكرًا أختى عاى الجهد المبذول وَبَارِكْ الله فيك
بصح دريه فيى قسم المعجنات
انا أنصح كي بيتزا ام كوثر الراءعة مع العجينه السحريه وتجي راءعة عن تجربه.

https://www.djelfa.info/vb/showthread.php?t=1274140

ام محمد 05 · 2013-12-09, 09:26

الف شكر حبيبتي على الرد راح نسيها نشاء الله ونخبرك

om mita · 2013-12-09, 10:53

شكرا عمل متعوب عليه