لاداس هل هي الحل ؟ عيينا من انتظار لانام

ayyoub adam · 2013-02-09, 14:23

كرهت خاوتي من القعدة

المسابقات كرهت وانا ندفع ملي ولات على اساسا الشهادة

قالك مكانش لازم الخبرة والمعريفة

لبارح غير زياد 70 الى نجحوهم ونتاوعهم

الحماية واللابوليس قالك مش معريف برك لازم معريفة وثقيلة بزاف

و لانام كرهنا من الهدرة الشهر الجاي الشهر الجاي حتى سمعت انو هذا العام مش رايحة تفتح

راهي مخلطة وحصلو فيها

----------------------
يعني قعدلي حل وماعرف هل نديرو ولا نزيد نصبر ؟
حاب ندير ف la das في القطاع العام يعني بلدية ولا كاش مديريات...
مي ماعنديش فكرة عليها وين نروح ؟ و كيفاه ندير ؟ و هل راهي كاينة العقود هادي ولا غير تاني هدرة برك ...

وهل هناك عقود اخرى او مجالات توظيف اخرى مثل تاع الاتصالات ووو...؟

عاونو خوكم وانصحوني ولا اعطونا حلول نشُدو بيها يدينا حتى يفرج ربي

علما اني خريج اعلام واتصال - تخصص اتصال و علاقات عامة
"تبا في النهار الى قريت في هذي البلاد"

في انتظار ردودكم و جزاكم الله خيرا ويفرج ربي علينا ياااااااااااااااارب

loulou02 · 2013-02-09, 15:13

ربي يفرج عليك أخي ، شوف لازم تروح LADASو تسقسي على الملف لي يدفعوه ( نسخة من الديبلوم ، نسخة من بطاقةالتعريف ، شهادة ميلاد 12 ، شهادة إقامة ، تصريح شرفي بعدم ممارسة أي نشاط مهني في القطاع العام ، صور شمسية ، صك بريدي مشطوب ، نسخة من سجلات السوابق العدلية ، الإعفاء من الخدمة الوطنية ، ....) ، كي تجمع الأوراق المطلوبة في الملف روح حطه عندهم و غادي يعطوك وصل و يقولولك مرة على مرة أرواح سقسي ، لأن غالبا budjetيجي في شهر مارس ، و أنت مين داك روح سقسي و دي معاك الوصل ، و الخلصة :9000 دج في الشهر إذاعندك ليسانس ، و بالتوفيق أخي الكريم .

ASKme · 2013-02-09, 16:34

الحل الوحيد للدولة تفتح العسكر لكل الراغبين وتحديد السن ب 27 بدل 23 سنة
اصبح العسكر يروحلو الا الطبقة المتوسطة والضعيفة والفاشلين في الدراسة ليطبق الاوامر بدون ان يفكر وهذه سياسة منتهجة

ayyoub adam · 2013-02-09, 16:56

اقتباس:

المشاركة الأصلية كتبت بواسطة loulou02

ربي يفرج عليك أخي ، شوف لازم تروح ladasو تسقسي على الملف لي يدفعوه ( نسخة من الديبلوم ، نسخة من بطاقةالتعريف ، شهادة ميلاد 12 ، شهادة إقامة ، تصريح شرفي بعدم ممارسة أي نشاط مهني في القطاع العام ، صور شمسية ، صك بريدي مشطوب ، نسخة من سجلات السوابق العدلية ، الإعفاء من الخدمة الوطنية ، ....) ، كي تجمع الأوراق المطلوبة في الملف روح حطه عندهم و غادي يعطوك وصل و يقولولك مرة على مرة أرواح سقسي ، لأن غالبا budjetيجي في شهر مارس ، و أنت مين داك روح سقسي و دي معاك الوصل ، و الخلصة :9000 دج في الشهر إذاعندك ليسانس ، و بالتوفيق أخي الكريم .

اختي الكريمة شكرا على ردك وعندي بعض الاستفسارات

لو مثلا عندي الموافقة من البلدية + الملف ونروح عندهم نبدأ العمل ؟ يعني مفتوحة

وهل عند فتح لانام نقدر نحبس لاداس وندير في لانام او حتى تنتهي مدة العقد ؟

لو سمحتم شرح اكثر وبمعلومات دقيقة وشكرا لكم

loulou02 · 2013-02-09, 19:29

شوف أخي متنجمش تبدأ في العمل قبل ما يجي budjet، لأن ladasهي لي تخلصك ماشي البلدية ، كي يجي budjetيعطوك التعيين فيه المكان لي غادي تخدم فيه ،و يعطوك العقد تدي تسنييه في البلاصة لي غادي تخدم فيها ويديرولك محضر تنصيب تروح تحطه في ladas، في محضر التنصيب يديرولك التاريخ لي منه تبدالك contrat، مثلا :09-02-2013 هو تاريخ أول تنصيب ليك .
كي تفتحlanem دير فيها و من الأحسن تروح تخدم في الإختصاص نتاعك مثلا :إتصالات الجزائر .

souad sarah · 2013-02-09, 19:47

شحال اخلصو تقنى سامى فى das

lololala · 2013-02-09, 20:48

سلام عليكم متنساش خوتي بلي لاداس تاني لحقت بلانام يعني بلوكاوها بحجة مكاش لي بوست ورانا غير نستناو معلباناش وينت نروحو وشا نديرو مهم انت عليك بالدوسي وسجل روحك عندهم ودير موافقة تاع كاش ادارة خاطي تربية بسكو ميقبلوش وربي يجيب لخير والله يسهل عليك وعلينا

ayyoub adam · 2013-02-09, 21:02

وهي يحق لي اذا فتحو لانام اني نفسخ العقد تاع لاداس ونخدم بلانام ولا لالا ؟

lololala · 2013-02-09, 21:08

تقدر تحول كونطرا من لاداس لانام هنا ساهلة مهم يقبلوك ويبعتولك تعيين هادي صاعبة ربي يسهل

ayyoub adam · 2013-02-09, 21:22

اقتباس:

المشاركة الأصلية كتبت بواسطة lololala

تقدر تحول كونطرا من لاداس لانام هنا ساهلة مهم يقبلوك ويبعتولك تعيين هادي صاعبة ربي يسهل

شكرا اختاه والاخوة على ردودكم واجاباتكم على استفساراتي

البعض قالي ديرها تولي تندم ومايحولولكش اذا فتحتت لانام ؟

المهم

غدا نطلع للمديرية النشاط الاجتماعي ونزيج نستفسر و نردلكم بالخبر ونشوفو

يفرج علينا ربي والله عينا

loulou02 · 2013-02-09, 21:31

كي تفتحanem دير فيها و حبس الخدمة تاعladas .

loulou02 · 2013-02-09, 21:33

اقتباس:

المشاركة الأصلية كتبت بواسطة souad sarah

شحال اخلصو تقنى سامى فى das

يخلص 5000 دج .

ayyoub adam · 2013-02-09, 22:21

اقتباس:

المشاركة الأصلية كتبت بواسطة loulou02

كي تفتحanem دير فيها و حبس الخدمة تاعladas .

هل قانونية عادي ؟
يعني انا مسجل في لانام عندي الورقة الزرقاء

وغدوة نروح ندفع لا داس

على ضمانتك اختي هههه كون مايقبلونيش في لانام اذا اذا فتحت اكي تخلصيني ههههه

شكرا على ردك

frisette · 2013-02-09, 22:35

ana galouli bali habssou transfert man ladas l anem nta sakssi mlih f la das kbal matadfa3 dossier w afidna m3ak inchalah fiha khir

loulou02 · 2013-02-09, 22:38

ما فيها والو ، أنا راني نخدم ladas، و عندي البطاقة الزرقاء، و راني غير نقارع وينتا يفتحو العقود فيanem نحبس نورمال ladas.