السلام عليكم
أختي نجاوبك على أسئلتك :
الجامعة : كاين كلية الطب... الزعفرانية l'inesm..هذه قريبة من المستشفى الجامعي إبن رشد اللي يسموه هنا : Nouvel
هذي تعملو فاها التسجيل ..و تحتوي على ادارة الكلية ككل...ويدرسو فيها جماعة الطب و طب الأسنان والصيدلة إبتداء من السنوات الثالثة ..و يديرو فاها td ettp طب الاسنان منذ السنة الثانية .
كاين جزء اخر للجامعة موجود في القطب الجامعي البوني.
..هذا في بلدية البوني..هو قطب فيه : علوم اجتماعية و سياسية و لغات و حقوق ...إضافة إلى الطب و طب الاسنان و الصيدلة في السنوات الأولى والثانية و يمكن سنوات اخرى مستقبلا الله اعلم..
نهار التسجيل تروحي إذن ل inesm
بالنسبة لمستوى التعليم ..والله مانقدر نحكم عليه..الاساتذة فيهم و عليهم و البرنامج مكثف كيما الجامعات الكل..يمكن إختلافات ساعات إحنا نديرو عدد اكبر من الإمتحانات مثلا...عموما المستوى مرتبط بالطالب ..هو اللي يطور من نفسو و هو لي يطلع مستواه
إقامة البنات: كاين مجموعة من الإقامات و كل عام كيفاه يوزعو الطالبات الجدد
كاين إقامة في البوني وين تقرو بعدا و فيها كل الغرف تأوي طالبتين لا أكثر
كاين إقامة الشلف في سيدي عمار..أيضا طالبتان في كل غرفة
و إقامة القمم les crêtes فيها عادة 3 او 4 و احيانا اقل
بخصوص البعد عن الجامعة: إقامة البوني موجودة داخل القطب الجامعي يعني حيث تدرسون..لكن بعيدة عن الكلية ...إذا سكنت فيها يتم توفير النقل..حافلات تنقلكم من باب الإقامة إلى باب الكلية ..بالنسبة لينا احنا في السنة الاولى درسنا كل شيء cours et td في البوني
و ذهبنا مرة واحدة l inesm pour un tp d'histologie
اما السنة الثانية كنا نذهب صباحا إلىl'inesm ندرس tp et td و في المساء الدروس les cours في البوني
إقامة الشلف بعيدة عن البوني و على الl'inesm لكن يتم توفير النقل
إقامة القمم قريبة من l'inesm
حكاية الإقامة المختلطة ماكانش منها...كانت منذ سنوات موجودة إقامة الجسر الابيضpont blanc مختلطة لكن تم إخلاؤها من الطلبة و نوزيعهم على الإقامات الاخرى..لإنها لم تعد صالحة للسكن..باقي الإقامات هي غير مختلطة ...إلا إذا كان غيرو حاجة العام هذا الله اعلم