كنت أود أن تقولون لي مبروك لكن .........

[yasmina dz]

المشاركة الأصلية كتبت بواسطة manina_dr

صباح الخير حنونة نشالله تكون تنحاتلك الحيرة نتاع البارح والله بايتا متحيرة عليك طمنيني عليك ضرك كيفاش راكي و كاش جديد.
و الهدرة اللي قالهالك راجلك هي الهدرة الزينة عندو الحق كي مخلاكش تهدري مع فاميلتو بالصح كاين جملة راكي غالطة فيها راهي بالاحمر كتبتهالك هنا حنونة اسمحيلي راكي غالطة كون نتي والديك يروحو ضياف لعندهم و يصرا نفس الموقف خممي بينك و بين روحك تزعفي على ماماك ولا متزعفيش كي تجي ماماك تحكيلك باللي رت عمو ................ قالت و عملت .انا مناكدة باللي تزعفي على فاميلتك و اون+ هو راه كان باني احلام و فرحان و هوما جار ريبولو وش بنا و هبطولو المورال نتي لازمك توقفي معاه ميش تزيدي تومي عليه.يعني رايي برك

علابالي من حقو يزعف و الله غير عاذراتو بصح ماقدرت ندير والو

مابانش قاااااع

[yasmina dz]

المشاركة الأصلية كتبت بواسطة امل43

سمحيلي يا ختي أنا دايما نغلط هكذا المرة ألي عدات مع الأخت هي قالت أختوا لكبيرة وأنا قلتلها مرت خوه هههههههههه
سمحيلي، ماتقطعي لياس ما والوا كاين ربي، كي يكون من مكتوبك يصرى واش يصرى وغير ههو لي تديه وكي يكون موش من مكتوبك، تديريري واش تديري وماتديهش.
ربي ينحى من جيهة ويخلف من جيهة، لفراق راهو صعيب بزاف بزاف، ويقولك مايحس بلجمرة غير ألي عافص عليها،
شوفي الميت كي يموت وانصبرو عليه والحياة ماتوقفش عند هذ الشيء، ديري لكوراج لروحك باش تقدري تتقبلي الكوراج الي يمدولك لبنات.

ربي يحفظك امل و الله مانتمنى الوضع اللي راني فيه حتى لعدويا صعيب بزااااااااااااااااااااف

[yasmina dz]

المشاركة الأصلية كتبت بواسطة جسور المحبة

يا اختي ربي يصبرك ويفرج عليك نصيحتي ليك انو باباك ولا خوك يعيط ليه ويسقسيه وين وصلتو وش ناويين زعما كلي ما علابالوش ومبعد خطيبك راح يقولو وش كاين صدقيني الراجل لما يحكي مع راجل مش كيما حديث نسا برك راه تولي الامور جدية وثم يبان اذا يحبك رهح يقولو سوء تفاهم ومزالني عند كلمتي واذا لا لا تبقي معززة خير

مانيش حابة ندخل فيها الرجال حيت اذا خبرت بابا راح يصرف النظر على هاذ الزواج حتى و لوكان يرجع ليا بابا مايقبلش راني مخلياتها عنده اذا رجع مرحبا و سهلا و اذا ما رجعش نتمنالو السعادة

[yasmina dz]

المشاركة الأصلية كتبت بواسطة douda21

والله يا اختي ياسمينة قصتك بكاتني يا لحنونة صعيب بزاف واش سرالك يا اختي والله مرت عمك فزدتها هي مي متخافيش صدقيني و الله مراح يفرط فيك صدقيني ياسمينة اختي حساب كلامك عليه و حساب قصتك والله و بادن الله مايفرط فيك ما والو و ماتكوني غير انتي حلاالو في لحظة زعاف برك قال هكداك و راه مطفي التليفون باه يركز روحو برك باه يخمم يعقل برك و باه ما يغلطش و يجرحك في الكلام ادا حكا معاك و هو زعفان ممكن دارهم و يماه وصلولو الشي الي دارتو مرت عمك بطريقة اكبر اختي الحنانة و هو في لحظة غضب و زعاف قال ههكداك متقلقيش روحك حبيبتي راهو امس برك سري المشكل يعني اتهدني برك و الله تتحل الامور و تفرجينا بيك يا لعزيزة و نقولولك الللللللللللللللللللللللللللللللللللللفففففففففففف فففففففففففففففففففففففففففففففففففف مبروك يا لحنانة كوني صبورة و حاولي تعيطي ساعة علي ساعة تشوفي ادا شعلو و كي تلقيه شعلو احكي معاه و فهميه واش صري انتي و قوليلو اسمع مني انا و من بعد احكم
و ربي يجيب الخير و الله القلقة الي فيها و زدت قريت مشكلتك زادت قلقت كثر و كثر

و الله يا اختي تقلقت عليه اكثر و اكثر رغم انو ماعيطليش مانيش نخمم فروحي كيما راني نخمم فيه حتى هو علابالي صعيبة عليه بصح كان لازم يعرف بلي ظلمني انا واش دخلني انا تعاهدنا بلي حتى حاجة ماتفرقنا و فالتالي تفارقنا و الله غير حاسنو عونه بصح هو ما حسنش عوني

[yasmina dz]

المشاركة الأصلية كتبت بواسطة nouna-or

السلام عليكم
شوفي اختي الراجل كي يتحط بين دارهم و مرتو يهبل و يعود مايعرفش يخمم راهي قاع عاقبة علينا و انا ثاني قريب ما حبست مع راجلي على جال المشاكل بين ماما وماماه
أنا توخذي رايي وعلا حساب ما قلتي نعرفوا مليح عيطيلوا ولا ابعثي ميساج باه تعرفي بلي حل التيليفون تاعو و اهدري معاه و فهميه وشوفي لا تفاهمتو(و اعطيلوا فرصة باه يتناحالوا الزعاف) سيي تفاهمي مع يماه
و الا ما بان والوا وش نقولك ربي يخلف عليك بولد حلال و ديري بلي هذا مكتوب ربي
و نوصيك قبل ما ديري والوا صلي صلاة استخارة مرارا و تكرارا و في كل خطوة تجي ديريها
ونستناو نسمعوا منك خبر مليح و راني ندعليك باه ربي يفرج عليك و يهدي بالك

شكرا نونة ادعولي و الله محتاجة لدعاءكم قولو ربي يفرحها بيه هاذا ماكان

[yasmina dz]

المشاركة الأصلية كتبت بواسطة blacktears

السلام عليكم
لقد قرأت رسالتك في و حقيقة تعجبت لما وصل إليه حال الناس التفرقة بين المحبين بدون سبب .
الصبر صبران أعرف أنك تعرفينها ولكن تطبيقها صعب
لا أقول لكي سوف تنسين بسهولة أكيد صعب فقد مررت بنفس التجربة .
حاولي التكلم معه في الهاتف أو حددي معه موعد و قابليه
إشرحي له كل شيئ صغيرا و كبيرا
أنت تعرفين كيف تقنعيه بينكما عشرة عمر
حاولي أن لا تخسريه
ليس كل مرة تجدي أحدا يفهمك و يحبك مثله
ولكن
ا ذاوجدت منه تعاليا و عدم فهم لا تحاولي أكثر إربحي كرامتك لإنك لم تخطئي
إنشاء الله نسمعو أخبار طيبة
فرحينا
و آسفة للإطالة و أنا هنا كيما أختك إذا حبيتي تفرغي

يا اختي كرامتي فوق كل شيء راني مخليتلو الوقت يهدا و يولي لعقلو و تما راح يقرر و انا راح نحترم اي قرار يصدر منه و نقول الله يسامح اللي كان السبب هاذا ماكان

[شهد حنان]

اختي والله قصتك حسيت بيها بزاف مي نقولك حاجة دركا
انتي لازم ما تتقلقيش ياخي لي رايح يصرا رايح يصرة دونك ما تقلقيش روحك
ورايح يفتح الموبايل ديالو ماشي ليوم غدوة ولا بعدو وتتفاهمو بيان وديري في بالك حاجة
[ اعلم ان الامة لو اجتمعت على ان ينفعوك بشيء لم ينفعوك الا بشيء قد كتبه الله لك واعلم ان الامة لو اجتمعت على ان يضروك بشيء لم يضروك الا بشيء قد كتبه الله لك ]
يعني حكاية عمتك غير سبب وممكن بالرغم من هذا رايح يرجع ليك وممكن لا اذا مش مكتبو ربي ليك
وان شاء الله يكون مكتوبك

[yasmina dz]

المشاركة الأصلية كتبت بواسطة هداية الرحمن

والله ياختي راني حاسة بيك,تقريبا مريت بنفس الشيئ لي مريتي به ,انا كذلك اهلو اعترضو لاني لست من الغرب ,مع اني لا اعلم اين المشكلة في ان تتزوج فتاة من الشرق بشخص من الغرب والعكس,المهم لا علينا بعد جهد جهيد قبلو ,لكن يختلقون المشاكل التافهة وهو مسكين لقى روحو حاير في وسطهم,
لكن انا صبرت الى ان جاء اليوم لي قررت فيه اني نبطل كل شيئ,الله غالب واحد مايتمنى الفراق,لكن هكدا احسن
ان شاء الله ياربي يعوضني ويعوضك بأحسن الرجال,وان شاء الله نتخطبو في نفس اليوم ونتزوجو في نفس اليوم قولي آمين

آآآآآآآآآآآآآآآآآمين و نتمنى ينحو هاذ العقلية نتاع بنت الغرب و بنت الشرق

تعرفي بالاك لوكان انا فسخت او هو فسخ على جال حاجة درناها حنا في زوج ماتغيضش بصح على سبة رحت انا ضحيتها

[yasmina dz]

المشاركة الأصلية كتبت بواسطة wafaa38

و الله حسيت بيك و قلبي وجعني
الله يكون في عونك و ربي فيه الخير
ان شاء الله ترجعو لبعض و تعيشو حياتكم كيما تمنيتوها
كل واحد فينا عندو مشاكل في حياتو و ما عليه غير يصبر و ربي يكتب الفرج لكل مهموم
حاجة نوصيك بيها حسن الظن بالله و الله كيف ما ديري في بالك تاكدي ربي ما يسمحش فيك
و ان شاء الله يامات و تحكيو مع بعض و تفاهمو على تاريخ العرس ان شاء الله يا رب
وليد ليك ياسمينة ديري هاد الشي في راسك
حاجة تانية بين المتحابين ما كاينش حاجة اسمها كرامة و حسابات
كاين حب صافي و قلب واحد و روح واحدة
الله يوفقك و يفرحك يا رب

فرحني الميساج هاذا و الله شكرا وفاء و ادعولي

[yasmina dz]

المشاركة الأصلية كتبت بواسطة manina_dr

يسمسنتييييييييييييي كاش جديد يا اختي كاشما اتصال

ماكان والو حنونتي لا اتصل و لا خبر و الموبيل مبلع

[yasmina dz]

المشاركة الأصلية كتبت بواسطة شهد حنان

اختي والله قصتك حسيت بيها بزاف مي نقولك حاجة دركا
انتي لازم ما تتقلقيش ياخي لي رايح يصرا رايح يصرة دونك ما تقلقيش روحك
ورايح يفتح الموبايل ديالو ماشي ليوم غدوة ولا بعدو وتتفاهمو بيان وديري في بالك حاجة
[ اعلم ان الامة لو اجتمعت على ان ينفعوك بشيء لم ينفعوك الا بشيء قد كتبه الله لك واعلم ان الامة لو اجتمعت على ان يضروك بشيء لم يضروك الا بشيء قد كتبه الله لك ]
يعني حكاية عمتك غير سبب وممكن بالرغم من هذا رايح يرجع ليك وممكن لا اذا مش مكتبو ربي ليك
وان شاء الله يكون مكتوبك

شكرا شهد و قل ما يصيبنا إلا ما كتب الله لنا

[manina_dr]

المشاركة الأصلية كتبت بواسطة yasmina dz

ماكان والو حنونتي لا اتصل و لا خبر و الموبيل مبلع

يفرج ربي إن شاء الله كي هاذ الساعة بالعقل برك و اصبري شوي ووسعي خاطرك و امني بحاجة وحدة اذا راه ليه حاااااااااااااجة متوقف في وجهك و وجهو.كشما خبر حطيه طووول هنا

[hodayena]

اختي ربي يفرج عليك وتولي معاه كيما في الاول متقطعيش لياس ونوضي قومي الليل ودعي ربي راح يستجبلك انا راني حاسة بيك سراتلي وتفارقنا عام هو تاني نظام واننظباط دولة تغلط تخلص امو رفضتني مي الحمد لله منكذبش عليك ضعت سمحت في كلش قرايتي راحت مي صبرت وظليت ندعي ونستخير حتى ربي رجعهولي الحمد لله والي راهو مكتوب ليك يولي ليك يالوكان يطول الزمان اتركيها لربي واتوكلي عليه اذا مكتوبك تديه تديه عليك بالدعاء واصبري هذا امتحان من عند الله ولازم تنجحي فيه بالصبر ثم الصبر عن تجربة متضيعيش روحك
كنت كل شهر نضعف ونعيط حت واحد المرة قالي تزوجت قريب هبلت عطيتلو كلمة ندم وغيرت الرقم وهو كان ديما يبعد باه مايجرحنيش مي كي قالي تزوج حسيتو قتلني ومامنتش وبقيت ندعي لخطرش كان قاطع لياس في يماه تقبل مي الحمد لله حتى هو دار على جالي مي في الستر بلا مايقول والحمد لله عرسي على 6شهور اصبري اختي ومتقطعيش لياس وخلي قلبك واثق بربي وانساي وعيشي وعفسي على قلبك وابقاي تدعي
الحاجة الي متاكدة منها ونقولك عليها نوضي صلي قيام اليل ركعتين وتوسلي لربي اذا كان فيه الخير يقربهولك ويحببك في اهلو وناسو واذا شر ليك يبعثلك ولد حلال الي يعزك واهلو يعزوك والله عن تجربة

[manina_dr]

المشاركة الأصلية كتبت بواسطة hodayena

اختي ربي يفرج عليك وتولي معاه كيما في الاول متقطعيش لياس ونوضي قومي الليل ودعي ربي راح يستجبلك انا راني حاسة بيك سراتلي وتفارقنا عام هو تاني نظام واننظباط دولة تغلط تخلص امو رفضتني مي الحمد لله منكذبش عليك ضعت سمحت في كلش قرايتي راحت مي صبرت وظليت ندعي ونستخير حتى ربي رجعهولي الحمد لله والي راهو مكتوب ليك يولي ليك يالوكان يطول الزمان اتركيها لربي واتوكلي عليه اذا مكتوبك تديه تديه عليك بالدعاء واصبري هذا امتحان من عند الله ولازم تنجحي فيه بالصبر ثم الصبر عن تجربة متضيعيش روحك
كنت كل شهر نضعف ونعيط حت واحد المرة قالي تزوجت قريب هبلت عطيتلو كلمة ندم وغيرت الرقم وهو كان ديما يبعد باه مايجرحنيش مي كي قالي تزوج حسيتو قتلني ومامنتش وبقيت ندعي لخطرش كان قاطع لياس في يماه تقبل مي الحمد لله حتى هو دار على جالي مي في الستر بلا مايقول والحمد لله عرسي على 6شهور اصبري اختي ومتقطعيش لياس وخلي قلبك واثق بربي وانساي وعيشي وعفسي على قلبك وابقاي تدعي
الحاجة الي متاكدة منها ونقولك عليها نوضي صلي قيام اليل ركعتين وتوسلي لربي اذا كان فيه الخير يقربهولك ويحببك في اهلو وناسو واذا شر ليك يبعثلك ولد حلال الي يعزك واهلو يعزوك والله عن تجربة

ختي الزينة اعذريني على التدخل و الفضول بالصح ممكن تفهميني وش معنتها في الستر يعني رايح يديك بلا متسمع امو و لا واش

[hodayena]

لالا اختي الكريمة كان يعمل على جالي اشياء باه يماه تقبل ومكانش حاب يطمعني وماقاليش حتى هاذ المرة
اكي قبلت يماه باه حكالي واش كان يعمل وانا بعيدة عليه هذا قصدي والحمد لله جات يماه وابوه خطبوني من اهلي وفرحو والحمد لله