من اوع وصفاات دليلة سليماني

[foufamara]

1. طورطة بسمك :

عجينة مورقة 5-6 دورة عادية أو 4 دورة مزدوجة في ثلاجة
مقلة + زيت + 250 غ بتنجال مربعات بقشور و نقليه +1 م ص كمون حب +القصبر +ملح +اكحل +2 ثوم + الرند
300 غ بسباس قلب قطع صغيرة ف كسكاس يفور مع شرائح الليمون +2 بصل
600 غ سمك فيلي سمك ابيض +البسباس +كي طيب و نخلطهم البتنجال و نخلط مليح
قالب نحط العجينة و نفرغ الخليط و نغلق بعجينة اخرى رقيقة و نغلقها بالماء و نثقب في الوسط و ندهن بالبيض ملفوق 40 د
200
2. طورطة بالعسل :
150 غ زبدة +60 غ سكر + 80 غ عسل +ملح +1 بيض و تلم 370 غ فرينة 1 سا في الثلاجة نحلها بالحلال ¾ ملتحت نحط الخليط ¼ ملفوق بلجرارة كي لقرياج في الفرن
100 غ عسل + كسرونة +كي يغلي نحيه + 1 كاس قشطة ثقيلة + 100 غ شكولا بيضاء و نحرك حتى تذوب + 100 ( نحمص لوزمرحي +سكر في فرن ) = نوقاتين 180-35 د نرش بسكر قلاصي

3. ملفوف القرعة :
500 غ قرعة + ملح + اكحل بطول تذبل فقط , 1 م ك بيشاميل و نرولي كي سيقار ,بيشاميل 75 غ زبدة/فرينة-1 كاس و ½ حليب دافئ –ملح- اكحل-جوزة-100 غ جبن مرحي قريار , ثم نجوزنهم في فرينة ثم في 2 بيض +2 م ك ماء+ 2 م ك زيت ثم في خبز يابس ثم نقليهم

4. بينييى :

1 كغ فرينة + 200 غ سكر + قشور +لافاني +1 كاس ( زيت + زبدة )+ 4 بيض + نخلط مليح في الخلاط + نبدا نشمخ ب (1/4 ل حليب + 40 غ خميرة + سكر تطلع شوية ) حتى تبياض و تملس تخمر ثم نكسرها و نحلها بالحلال كريات يخمر شوية , مقلة معمرة زيت كي تسخن نرميهم يطلع نقلب ثم نرمد في السكر

5. كريمة البرتقال :

كسرونة + 15 قطع سكر +10 م ك ماء على النار هادئة حتى تذوب نفرغ في القوالب و نميل على الحواف
2 صفار ندرب +80 غ سكر + 2 بيض + عصير 3 برتقال بقشور + ½ ل حليب دافئ نعمر القوالب في حمام مريم 50 د -180 كي طيب يبرد مليح نقلب و نزين بقطع البرتقال
الشربات : 100 غ سكر+ ½ كاس ماء نطيب و نرمي قطع البرتقال حتى يعقد ثم نصفيه

[*بشرى الأُنس*]

بارك الله فيك

[زهرة لرضوان]

بارك الله فيك

[cuisineshowdalatifa]

نحب السيدة دليلة وصفاتها ناجحة لكن هذي مدة مرانيش نسمعها في البهجة و أنت راكي تعرفي أوقاتها

[foufamara]

حبيبتي دليلة في القناة الاولى ماشي في البهجة راني حابة نقتلرح عليك حويجة نتبادل وصفاتها واش قلت بلاك لي عندي ما عندكش و العكس اي في كل مرة حطي فقط العناوين تاع الوصفات و انا نقولك الي خاصتني و العكش واش قلت

[oum souma]

مشكورة اختي

[سعاذ]

السلام عليكم
تعيشي ممكن تقولولي وكتاش راهي جي
عندي تقريب عام مسمعتهاش

[sarfai]

ana wa7damen elmo3djabine enta3 madam dalila slimani kanete daret merta gratin beloubya elyabssa taybteha djatni chaba bzf besa7 nssite la recette enta3ha eda ta3rfiha

[foufamara]

حبيبتي عندي كل ما تحتاجيه تفضلي

200 غ لوبياء يابسة نغليها كي قريب طيب + ملح و نصفي و نرحي
نذوب 50 غ زبدة نقلي فيها 1 بصل+(1 فلفل احمر + 1 فلفل اخضر ) قطع صغيرة + 4 حبات طماطم قطع صغيرة+ 2 حبات بطاطا مسكرفجة + ملح + اكحل نحيها من النار + ( 2 علب تونة بلا زيت ) + اللوبياء + طرف سمك طون قطع
ندهن القالب نفرغ الخليط ثم نرش بلاشابلور + جبن مرحي و فوقهم كامل قطع الزبدة 200 - 30 د و تقدم مع سلطة و شهية طيبة و نتمنى تكون الوصفة المطلوبة
راني حابة نقترح عليك حويجة نتبادل وصفاتها واش قلت بلاك لي عندي ما عندكش و العكس اي في كل مرة حطي فقط العناوين تاع الوصفات و انا نقولك الي خاصتني و العكش واش قلت

[minoucha2008]

بارك الله فيك

[فريال88]

اهلا حبيبتي انا قلتلك ما عسمعتهاش من قبل رمضان اذا عندك اللي ما سمعتش اكتبيهملي تعيشي وانا اذا احتجتي حاجة من قبل رمضان راني نقلك عليها انت البي وانا نقلك وهكذا نعاونك بواش كنت نسمع للاسف في رمضان وبعد رمضان ما سمعتهاش ومشكوووووورة حبيبتي

[سعاذ]

بصح مقتلناش على قداه راهي جي

[foufamara]

حبيبتي سعاذ انا بروحي راني نقلب عليها و لم اعرف وقتاش ردوها الله و اعلم حبست لانني تبعت كل الايام و في نفس التوقيت و ما لقيتهاش

[سعاذ]

السلام عليكم
شكراللاهتمام

[تغرينية]

يعطيك الصحة