ما اسم هذه العجينة ربي ينوركم

manouchebsm · 2012-12-31, 08:12

السلام عليكم للامانة انا اخذت الصورة من الصفحة الرئيسية للاخت فلة البليدية في الفيس بوك اردت فقط ان تعطولي اسم العجينة لي راها في الصورة شكرا مسبقا

manouchebsm · 2012-12-31, 08:13

الأمنيات · 2012-12-31, 08:59

هدو راهم يبانوا لي كي قصيبات معمرين او لمخاخ كيما يسموهم

manouchebsm · 2012-12-31, 09:08

اولا شكراجزيلا غلى الاجابة اختي امنيات ونهارك مبروك وطيب ان شاء الله ...لكن على ما اظن ان عجينة المخاخ تكون مثل عجينة الصامصة تلف على الاسطوانات وتقلى في الزيت ثم تحشى بالكريمة اما العجينة التي اريدها انها تطيب على مقلات فونت وعي سخونة تشكليها كيما حبيتي وكل ما تبرد تاخذ الشكل اللي عطيتيهلها .....

أنا أمهم · 2012-12-31, 09:08

شوفي أختي حسب الصورة يظهرلي : بسكويت اﻷيس كريم .

ننتظرو فلة يمكن تأكد هذا.

هو البسكويت تقدري تصنعي في البيت لكن عنده آلة خاصة حسب علمي. حتى يخرجلك فيه النقشة اللي تشوفيها فوقه. و يمكن تحضريه في قالب الكاب كيك على ما أظن.

أنا أمهم · 2012-12-31, 09:15

إنت أدخلي على الغوغل و اكتبي بسكويت اﻷيس كريم. راح تلاقي وصفات متقاربة. إختاري واحدة جربيها . و حطيها هنا في المنتدى هههههههه أكيد راح ندعيلك ههههههه

الصفاء · 2012-12-31, 09:29

اختي انا نعرف وحدة بصح طيب في الفور
4 ابيض بيض 125غ زبدة 125غ سكر أرطب و 125غ كاوكاو وحي ارطب
تحط مغرف من الخليط وتوضع 5 دقاقق في الفور وتخرجها من الفور وهي سخون تلفيها كي تبرد تحشيها

manouchebsm · 2012-12-31, 10:02

اقتباس:

المشاركة الأصلية كتبت بواسطة أنا أمهم

إنت أدخلي على الغوغل و اكتبي بسكويت اﻷيس كريم. راح تلاقي وصفات متقاربة. إختاري واحدة جربيها . و حطيها هنا في المنتدى هههههههه أكيد راح ندعيلك ههههههه

مشكوووووورة اختي والله اذا جربتهم وصلحولي نديرهم في المنتدى

manouchebsm · 2012-12-31, 10:10

اقتباس:

المشاركة الأصلية كتبت بواسطة الصفاء

اختي انا نعرف وحدة بصح طيب في الفور
4 ابيض بيض 125غ زبدة 125غ سكر أرطب و 125غ كاوكاو وحي ارطب
تحط مغرف من الخليط وتوضع 5 دقاقق في الفور وتخرجها من الفور وهي سخون تلفيها كي تبرد تحشيها

نعم وقيلا يسمى بسكويت الايس كريم انا وجدت هذه الوصفة يا اختي صفاء والله معلباني شكون تصلح المهم لكم مني جزيل الشكر على ردودكم

manouchebsm · 2012-12-31, 17:58

ساعدوووووونا يا اخوات

sarah022 · 2012-12-31, 18:03

يا اختي هاد العجينة شفتها خطرا دارتها شميشة و طيب في الكوشة و تجي عجينتها كي البسكوي و دير دويرات صغار فوق السني و تفرشه كيما البغرير و مين يخرجو من الفور و هما سخونين تحطهم على واحد اللوحة جايا كي الوراق و يبقو شادين هاديك لافورم واقيلا هي يجو كي شغل شيبس بصح حلوين

faizarbh · 2012-12-31, 18:59

انا راي كيما انا امهم راهم يبانو تاع ايس كريم و يا عييييييييينيييييييييي على الايس كريم

yousra2011 · 2012-12-31, 20:44

ce sont les pizzelles و هو عبارة عن عجين مثل عجينة les gauffres و يطيب في ماشينة special تشبه للماشينة تاع les gauffres
حوسي في google على pizzelles تلقاي la recette وla machine.

*أم كوثر* · 2012-12-31, 20:58

ادا كنتوا تقصدوا اكواب الايس كريم تلقاوهم في مواضيعي

وللاسف لم تبق الا هده الصورة

binary girl · 2013-01-01, 14:17

هذاك قاطو السيجار راحتلي الوصفة نتاعو بصح فيه غير بياض البيض والزبدة والفرينة والسكر
وتحطيع بالمغرف في البلا تاع الفور غير 5 دقائق
وكي تخرجيه تلفيه مباشرة وهو سخون على قوالب السيجار وكي يبرد يولي مقرمش وياخذ شكل السيجارة ومن بعد عمرية بلاكرام شونتي
او كريمة الزبدة