|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2014-11-14, 23:37
|
رقم المشاركة : 16 | ||||
|
السلام عليك اختي ابداع
|
||||
|
|
2014-11-16, 13:53
|
رقم المشاركة : 17 | |||
|
السلام عليكم ورحمة الله وبركاته
اععععععععتذر لكل حبيباتي ظروف خلاّتني نتغيّب عن بيتي وبالتالي الانترنت  توي دخلت لداري والله ... شوية وقت فقط ونحطّ الحلقة الثالثة ان شاء الله نتمنى كي يكون غياب نعاودو الحلقات حتى تتثبّت او كما ندير مع ولادي نقوللهم هما يحكولي حادثة نختارها او نديرو مسابقة نعطيهم اسئلة على الشيء اللي حكيناه والفائز تكون عنده افضلية في حاجة مثلا يختار هو الطبق اللي راح نديروه العشا او يعفى من دالته في حاجة كان يديرها ويتذمّر منها او هدية بسيطة فقط الوقت اللي ننسّق المشاركة ونحطّها ان شاء الله |
|||
|
|
|
2014-11-16, 14:43
|
رقم المشاركة : 18 | |||
|
الحلقة 3: كان يا ما كان.... وماتحلا قعدة غير بذكر النبيّ عليه الصلاة والسّلام...  كما قلنا ماما .... رجعت حليمة للبادية .... لبيتها اللي في ديار بني سعد ..... (مع التكرار إن شاء الله تزيد تثبّت) و كانت فرحانة بزااف ..... كعاد ام سيدنا محمد خلاّته يزيد يقعد معاها .... علابالكم ربي سبحانه اختار سيدنا محمد باش يكون أحسن واحد في الدنيا كامل باش يعلّم الناس الخير .... فلازم ربي سبحانه يخلي قلب سيدنا محمد أطيب وأطهر قلب يعني قلب صاااااافي مافيهش لا حقد ولا شر ... فواحد اليوم ... كي كانوا الاطفال في البادية يلعبو كما موالفين ... كانوا يحبّو يلعبو مع سيّدنا محمّد ... صراتله صلى الله عليه وسلّم حاجة غريييييبة ... وش هي حبوباتي؟  لمّا كان حبيبنا محمد يلعب مع اصحابه ورا البيت ...بيت حليمة ... علابالكم وش صرا ؟... ربي سبحانه بعث واحد الملاك بااااااهي في هيئة راجل طيّيّيّب ... ولابس قشّه كامل ابيض ونظييييف ...  ونحّا لسيّدنا محمّد من قلبه حاجة صغووويرة ... اسمها المضغة ...وقال لسيّدنا محمّد ...نحّيتلك هاذ الحاجة من قلبك ... باه يكون قلبك نقيّ ... ومايقدرش الشيطان يدور بيك ولاّ يقلقك ابداااا ...ولا يقدر يديرلك حتى شرّ... بصّح الاولاد اللي كانوا معاه صلى الله عليه وسلّم ...خافو عليه بزاف ... وحسبوا الراجل اللي جا عنده راح ياذيه ...فراحو يجريو عند حليمة السعدية .. وقالولها اجري اجري ...محمد قتلوه محمد قتلوه ...وكانو خايفين  حليمة كي سمعت خافت بزااااف على محمّد ... وراحت تججججري تحوّس عليه ... كي وصلت عنده لقاته واقف ووجهه اصفر خلعاان ... فقالتلو ماتخافش ضرك ندّيك عند ماماك  حليمة كانت تشتيه بزّاف بزّااف بصّح خافت عليه .... لأنها ماكانتش تعرف أنه اللي جا عنده كان ملاك... وحسبت أنه كاين واحد باغي يأذيه... مّالا ادّاته حليمة عند أمّه آمنة ...وقالتلها راني راح نرجّعلك حبيبنا محمّد أم سيّدنا محمد حاااارت وقاتلها وش صرا حتى جبتيه وانتي اللي كنتي تحاولي فيا باه تدّيه؟ قاتلها حليمة أنا خفت عليه ...وحكاتلها اللي صرا... لكن أم سيّدنا محمّد قالتلها ماتخافيش ...انا علابالي بلّي ابني مش طفل عادي... وحكاتلها المنامة اللي نامتها كي كانت بالحمل تشفاو عليها حبّوباتي؟ ياخي حلمت بلّي النّور يخرج من جسمها وينوّر الدنيا كامل .. قالتلها انا حاسّة بلّي ابني مش راح يكون انسان عادي ...وراح يعلّم الناس كااااامل صلّو على نبينا وحبيبنا محمّد ... ونكمّلو اججججمل حكاية في الحلقة الجايّة ان شاء الرحمن |
|||
|
|
|
2014-11-17, 09:14
|
رقم المشاركة : 21 | |||
|
الحلقة الرابعة ان شاء الله
السلام عليكم ورحمة الله وبركاته
نكمّلوا مع بعض ان شاء الله الحلقة الرابعة من قصّتنا الجميييلة  نتمنى من الامهات اللي جرّبت وحكاتها للاولاد يشاركونا كفاه كان تفاعل ولادهم مع الحكاية وهل كاين جزئيات طرحو فيها أسئلة ماعرفتيش تجاوبي عليها  شاركونا يا امهات .... وادعولنا دعوة خير ربي يصلح اولادنا ويرضى علينا .... دعوة من القلب .. ...ماشي هدرة برك...نكمّلوا حبيباتي الحلقة 4 : كان يا ما كان ... وماتحلا قعدة غير بذكر النبي عليه الصلاة والسلام هاااا...وش نقولو ؟عليه الصلاة والسلام....ممتاز حبيباتي سيدنا محمد ضركا رجع لأمه خلاص بعد ما كان في البادية وحليمة كانت تموووت عليه وتتمنى يبقا معاها لكن هي رجعاته لماماه لأنها خافت عليه وحسبت انه كاين واحد حابب ياذيه وماكانتش تعرف بلي هذاك كان ملاك طييييب من عند ربي سبحانه مّالا سيّدنا محمّد بقا عايش مع أمّه آمنة بنت وهب في مكّة مكّة بلاد جميييييلة ....وفيها الكعبة  محمّد ضرك كبر وعاد عنده 6 سنين واحد النهار قالتله امه راح نسافرو لبلد اخرى راح نسافرو باه نشوفو مّالينا واهلنا لثمّا... البلاد هاذي حتى هي مليييحة و اسمها المدينة وش اسمها ماما؟ ....نعم المدينة خاوت ماماه كاااامل كانو عايشين في المدينة فسيّدنا محمد فرح بزّااااف كعاد راح يشوف اهله في المدينة  مّالا سافرو ....وكي وصلوا المدينة ... مّالين سيّدنا محمد كانوا فرحانين بزاف وكانو يحبّوه بزااااف بزاف.... قعدوا زمااان ولاّت ماماه قاتلو بزايد ضركا لازم نرجعو لمكّة وسافروا لمكّة ...لكن في الطريق ...صرات واحد الحاجة   أم سيّدنا محمّد تعبت ...ومرضت بزّااااف بزّاف ومن بعد ماتت.. سيّدنا محمّد كان يحبّ ماماه بزاااف ... وهو ضركا كما قلنا عنده 6 سنين وماعنده لا أب ولا أم ...وحس انّه وحيد...واكيد حزن لكن ربي سبحانه مش راح يخلّيه...وراح يحفظه وش اسمه أمي المكان اللي توفّت فيه آمنة بنت وهب ؟ اسمه الأبواء ...الأ بواااااء كانت مع سيّدنا محمد هاذاك الوقت خادمة اسمها أم أيمن هي اللي اهتمّت بيه حتى كي وصلوا لمكّة وفي مكّة كان جدّه...جدّه عبد المطّلب...كان يستنّى فيه  وهو اللي قرر يهتمّ بحبيبنا محمّد ويرعاه سيّدنا محمّد...من كان صغير كانت اخلاقه مليحة وكان متربّي صلى الله عليه وسلّم ...كل الناس كانت تحبّه وجدّه عبد المطّلب ثاني كان يحبّه بزّاف ... علابالكم؟...كان يحطّ جدّه واحد السجّادة عند الكعبة يقعد عليها  وولاد عبد المطّلب كانوا قاعدين حول هذاك الفراش يستنّو فيه يجي يقعد عليه فواحد النّهار جا سيّدنا محمّد قعد عليه ...قالولو لالا نوض نوض احنا فرّشناه لجدّك عبد المطّلب وواحد لا يقعد عيه إلا هو ... كي جا عبد المطّلب ...قالهم لالا ...خلّوا ابني يقعد عليه ... قصده على محمّد صلى الله عليه وسلّم ... كان يخلّيه صلى الله عليه وسلّم يقعد بحذاه ويحطّ يدّه على ظهره ...ويقول للنّاس اللي قاعدين معاهم: هذا راح يكون انسان عظيييييم وكي عاد في عمر سيّدنا محمّد 8 سنوات ... زاد توفّى جدّه عبد المطّلب وزاد عاود قعد وحده... شكون اللي راح يهتمّ بيه ضركا؟ عمّه أخو باباه...أبو طالب وش راح يصراله؟ نشوفو مع بعض في الحلقة الجايّة ان شاء الله صلّو على رسولنا وسيّدنا وحبيبنا محمّد |
|||
|
|
|
2014-11-17, 09:32
|
رقم المشاركة : 22 | ||||
|
اقتباس:
اللهم امييييين واولادكم اجمعين...ربي يحفظك حبيبتي
نورتيني ام البنين بمشاركتك الطيبة وشاركينا القصص اللي تحكيها لأولادك حتى تعم الفائدة ان شاء الله |
||||
|
|
|
2014-11-17, 09:42
|
رقم المشاركة : 23 | |||||
|
اقتباس:
السلام عليكم اهلا عزيزتي ربي يحفظهولك يارب وان شاء الله يكبر بالصحة وتحكيهاله ربي يجعله من الصالحين اقتباس:
بالفعل عزيزتي
ربي يقدرنا على حمل الامانة وينبت اولادنا نباتا حسنا جزاك الله خيرا على المداخلة الطيبة |
|||||
|
|
|
2014-11-17, 09:45
|
رقم المشاركة : 24 | |||
|
موضوع رائع بارك الله فيك |
|||
|
|
|
2014-11-17, 09:57
|
رقم المشاركة : 25 | ||||
|
اقتباس:
السلام عليكم ...وفيك حبيبتي ام هدول
القلوب عند بعضاها .. ربي يحفظهملك يارب ومايوريك فيهم باس نورتي حبيبة |
||||
|
|
|
2014-11-17, 10:06
|
رقم المشاركة : 26 | ||||||
|
اقتباس:
اللهم امين عزيزتي ام ياسمين نورتي حبيبة شاركينا تجربتك مع اولادك اقتباس:
اللهم اميييين جزاك الله خيرا عزيزتي على الدعاء الطيب والمداخلة الجمييييلة ربي يحفظك اقتباس:
وعليكم السلام ورحمة الله وبركاته
نكرر اعتذاري لحبيبتي صبرين وبوسة على راصها والله حبيبتي ماكنت في داري ان شاء الله يكون انتظام اكر ويوم نتغيّب نبعث ان شاء الله لوحدة من حبيباتي تحط الموضوع حتى مايكونش انقطاع ان شاء الله فقط اعفوني يوم السبت مانقدرش نحط نخلّوه عطلة نديرو فيها ملخّص كل وحدة تراجع مع اولادها القصة وتعاود اللي نساوه هكا باش تتثبت عندهم ان شاء الله |
||||||
|
|
|
2014-11-17, 10:21
|
رقم المشاركة : 27 | ||||||
|
اقتباس:
وعليكم السلام والرحمة والاكرام هههههههه...نوّرتي اختي البوسعادية ....لالا راكي مافهمتيش قصده.. كي ناض يمرد معناها قالّك كمّلي ولاّانّوظ نقرا وحدي من الميكرو ..:d بالفعل اثر القصة يبقى يبان في كامل حياة الطفل اقتباس:
وفيكي عزيزتي من ذوقك اختي ام ولي نتمنى يكون اصغاء من المشرفين ويتتثبّت حتى تعمّ الفائدة اقتباس:
وفيكي عزيزتي
جزاك الله خيرا |
||||||
|
|
|
2014-11-17, 10:35
|
رقم المشاركة : 28 | ||||
|
اقتباس:
ربي يخليك نخّووول وفيك حبيبتي
ربي يحفظك ...ربي يقدرنا عزيزة ماتنسيناش من دعائك |
||||
|
|
|
2014-11-17, 11:17
|
رقم المشاركة : 29 | |||
|
ماشاء الله ربي يحفظك وربي يجعل وليداتك من الذرية الصالحة الحافظين لكتاب الله |
|||
|
|
|
2014-11-17, 23:18
|
رقم المشاركة : 30 | |||
|
وعليكم السلام ورحمة الله وبركاته [/quote]نكرر اعتذاري لحبيبتي صبرين وبوسة على راصها والله حبيبتي ماكنت في داري ان شاء الله يكون انتظام اكر ويوم نتغيّب نبعث ان شاء الله لوحدة من حبيباتي تحط الموضوع حتى مايكونش انقطاع ان شاء الله فقط اعفوني يوم السبت مانقدرش نحط نخلّوه عطلة نديرو فيها ملخّص كل وحدة تراجع مع اولادها القصة وتعاود اللي نساوه هكا باش تتثبت عندهم ان شاء الله السلام عليكم و رحمة الله والله مشكورة على الكلمات الجميلة حبيبتي و البوصة وصلت لصبرين راهي تبع في القصة 10/10 الأسلوب شيق جدا و تطرح الكثير من الأسئلة لحد الآن راني نجاوبها كي نحصل نبعثلك هههههه و ما زاد رووح للقصة هو الصور المرفقة فبنتي تقرب من الصورة و تقولي وين راهو سيدنا محمد حبيت نشوفو يا سللللللام كم أسعد لما أحس بأنها بدأت تحبه و تتشوق لمعرفته و رؤيته .... أما إبني فهو يبقى منتبه معي ويكرر مع أخته ولكن لا يستوعب مثلها لأنه صغير سنتين: مشكورة على فكرة الملخص بالسبت للترسيخ و صبرين راهي موافقة على البرنامج 
|
|||
|
|
|
| الكلمات الدلالية (Tags) |
| السيرة للأطفال |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
فلنحكي لهم ...أجمل حكاية
العرض العادي
